السلام عليكم ورحمة الله وبركاته
عندي استفسارات وأسئلة حول شروط العسكرية اللي عنده الاجوبة الأكيدة يجاوب ما ابي توقعات وكلام قبل سنين ابي كلام اكيد لو سمحتوا


0-هل عدم مرور 5 سنوات على الشهادة الثانوية شرط في جميع الوظائف والقطاعات العسكرية مثل الأمن العام كاتب أحد شروطها في الإعلان كذا ((أعلنت مديرية الأمن العام شؤون التدريب عن فتح باب القبول والتسجيل للدورات العسكرية برتبة (رقيب) (بكالوريوس) (ورتبة وكيل رقيب ) للكليات المتوسطة والكليات التقنية أو دبلوم مدة الدراسة أكثر من سنتين ونصف، و(رتبة عريف ) لحملة الشهادة الثانوية العامة لجميع أقسامها بالإضافة إلى دورة تخصصيه مدة الدراسة أكثر من سنة وستة أشهر إلى سنتين ونصف.))

1- وش القطاعات العسكرية اللي مافيها شرط عدم مضي 5 سنوات عالثانوية يعني ماعندها مشكلة عادي تقبل ؟ ؟

2- انا متخرج لي 3 سنوات ونص من الثانوية والاسبوع الحالي بقدم عالكلية التقنية يعني يبي لي دبلوم سنتين ونص حتى اتخرج وراح يصير عمري اذا تخرجت 24 وراح يصير مضى عالشهادة الثانوية 6 سنوات هل في قطاعات عسكرية راح تقبلني وهل الأمن العام خصوصا راح يقبل والا لا؟ ؟ ؟


3- انا وزني وطولي ولياقتي ممتازة الحمدلله لكن مشكلتي عندي مرض ناسور عصعصي هل هذا المرض من الأمراض اللي ممنوع يقبلونه والا يمشوني. وهل في الفحص الطبي يدققون اللي في المستشفى ؟ ؟

4- ياليت واحد يشرح الفحص الطبي اللي بالمستشفى اللي عشان يقبلونك نهائي خاصة الجراحة والباطنية اللي تصير وقتها ماعليك ولا لبس عند الدكتور (عاري ) ابي شرح كامل ودقيق ومفصل ما ابي شرح مبهم ورموز . لأن عندي ناسور عصعصي فلو كان الفحص الطبي الاخير اللي بالمستشفى تسليك راح امشي بإذن الله

5- وش أفضل تخصصات التقنية للقطاعات العسكرية (( ادارة أنظمة .شبكات . محاسبة . إدارة مكتبية . دعم فني . ))

6- واحد عمره 27 وشهادته الثانوية مضى عليها أكثر من 8 سنوات وماعنده إلا هالشهادة. وش القطاعات العسكرية اللي تقبله ؟ يعني في أمل يقبلونه وإلا لا ؟ ؟

7-الأسنان اذا كانت نظيفة ومافيها تسوس لكنها متلخبطة ماهي مرتبة هل في مشكلة ؟ ؟ ؟ ومتى يفتح تقديم الأمن العام السنة ذي؟ ؟ ؟

8- وش تنصحوني ادرس تقنية والا اقدم عالعسكرية ثم أدرس تقنية ؟!

كلمة أخيرة
ياشباب تراني محتار وفيني هم ولا أدري وش اسوي فأتمنى محد يستهبل ويعطي كلام من رأسه أو يقول فلان أعرفه قبل خمس أو 3 سنين قابلينه. ابي الحين حاليا يقبلون والا لا ؟ ابي كلام اكيد . ولا أحد يسألني وش كنت اسوي 3 سنين ونص رجاء خاص . ولاتحرموني من نصايحكم وش اسوي لأني تعبت من الحيرة جزاكم الله خيرا.