-هل عدم مرور 5 سنوات على الشهادة الثانوية شرط في جميع الوظائف والقطاعات العسكرية مثل الأمن العام كاتب أحد شروطها في الإعلان كذا ((أعلنت مديرية الأمن العام شؤون التدريب عن فتح باب القبول والتسجيل للدورات العسكرية برتبة (رقيب) (بكالوريوس) (ورتبة وكيل رقيب ) للكليات المتوسطة والكليات التقنية أو دبلوم مدة الدراسة أكثر من سنتين ونصف، و(رتبة عريف ) لحملة الشهادة الثانوية العامة لجميع أقسامها بالإضافة إلى دورة تخصصيه مدة الدراسة أكثر من سنة وستة أشهر إلى سنتين ونصف.))
معليش لكن ماهو مذكور في الإعلان ان عدم مرور 5 سنوات شرط أساسي .. انت معك ثانوي ومتخرج لك 3 سنوات والأعلان ماحدد لك المدة , قدم بشهادة الثانوي وما اشوفها عائق

1- وش القطاعات العسكرية اللي مافيها شرط عدم مضي 5 سنوات عالثانوية يعني ماعندها مشكلة عادي تقبل ؟ ؟
الشروط العسكرية فيما يخص الشهادات تكون شروطهم موحده , غالبا وليس اكيد

2- انا متخرج لي 3 سنوات ونص من الثانوية والاسبوع الحالي بقدم عالكلية التقنية يعني يبي لي دبلوم سنتين ونص حتى اتخرج وراح يصير عمري اذا تخرجت 24 وراح يصير مضى عالشهادة الثانوية 6 سنوات هل في قطاعات عسكرية راح تقبلني وهل الأمن العام خصوصا راح يقبل والا لا؟ ؟ ؟
يالغالي انت فاهم غلط , انت اذا دخلت التقنية راح تتخرج بشهادة دبلوم وراح تقدم على رتبة وكيل رقيب بشهادة الدبلوم , الثانوي خلاص انساها لأن الدبلوم راح يلغيها ، واذا كلامك صحيح عزالله محد توظف , تخيل اني متخرج من الثانوي ودرست 5 سنين وبعد ماتخرجت قالولي انت مرفوض شهادة الثانوي مضى عليها 5 سنوات , طيب انا في هالخمس سنين كنت ادرس , اللي بوصله انك اذا تخرجت من الدبلوم راح تقدم بشهادة الدبلوم وماعليك خلاف

3- انا وزني وطولي ولياقتي ممتازة الحمدلله لكن مشكلتي عندي مرض ناسور عصعصي هل هذا المرض من الأمراض اللي ممنوع يقبلونه والا يمشوني. وهل في الفحص الطبي يدققون اللي في المستشفى ؟ ؟

ناس وجيههم فيها تشوه ومسوين عمليات في الركبه ودخلوا , إن شاء الله محد ينتبه ..

4- ياليت واحد يشرح الفحص الطبي اللي بالمستشفى اللي عشان يقبلونك نهائي خاصة الجراحة والباطنية اللي تصير وقتها ماعليك ولا لبس عند الدكتور (عاري ) ابي شرح كامل ودقيق ومفصل ما ابي شرح مبهم ورموز . لأن عندي ناسور عصعصي فلو كان الفحص الطبي الاخير اللي بالمستشفى تسليك راح امشي بإذن الله

الجراحة والباطنية فالبا يركزون على الدوالي وعلى جروح العمليات اذا كنت مسوي , انا ماجربت الفحص الطبي الا مرة قبل 5 سنين في احدى الكليات , دخلت بسروال قصير ناظر في الجسم من بطن وصدر واكتاف علشان جروح العمليات , حط يده على عكرمة وقال كح وبسس خلصنا , ممكن في فحص ثاني يقولك لف عطني ظهرك وقتها يمكن يلاحظ الكيس الدهني اللي في العصعص اذا كان الناسور اللللي معك فيه انتفاخ شديد .. حاول قتها ترفع السروال بشكل بسيط علشان امورك تمشي

5- وش أفضل تخصصات التقنية للقطاعات العسكرية (( ادارة أنظمة .شبكات . محاسبة . إدارة مكتبية . دعم فني . ))

ماعندي علم يالغالي

6- واحد عمره 27 وشهادته الثانوية مضى عليها أكثر من 8 سنوات وماعنده إلا هالشهادة. وش القطاعات العسكرية اللي تقبله ؟ يعني في أمل يقبلونه وإلا لا ؟ ؟

وضحت لك هالنقطه فوق ,, اذا بتدخل التقنية انسى شهادة الثانوي
7-الأسنان اذا كانت نظيفة ومافيها تسوس لكنها متلخبطة ماهي مرتبة هل في مشكلة ؟ ؟ ؟ ومتى يفتح تقديم الأمن العام السنة ذي؟ ؟ ؟

ع حسب علمي واللي قريته كثير انهم يركزون ع التسوس ,, تقديم الامن العام ماعندي علم لكن تابع ع موقعهم

8- وش تنصحوني ادرس تقنية والا اقدم عالعسكرية ثم أدرس تقنية ؟!
انصحك انك تدرس تقنية بل أنني أٌصر على دراستك للتقنية لأن لو الله ماكتب لك العسكرية راح تكون معك شهادة التقنية تسند ظهرك عليها وقتها تقدم على معاهد او بنوك اذا تخصصك اداري