السلام عليكم ورحمة الله وبركاته ..
بصراحة محتار جداً وأحتاج مساعدتكم وإقتراحاتكم ، وأهل الخبره بكل تأكيد ما نستغني عنكم
طبعاً تفاصيل الموضوع ع السريييييع ..
أنا تخرجت من الكلية التقنية قبل (6) سنوات تقريباً ، في تخصص (شبكات) بإمتياز مع مرتبة الشرف .. ومعدلي عالي ولله الحمد ..
وبعد ما تخرجت من الكلية ، فكرت أحصل على البكالوريوس فـ قدمت بالجامعة على تخصص (علوم الحاسب الآلي) بنظام إنتظام طبعاً وتخرج ولله الحمد بتقدير (جيد) قبل سنه بالضبط ..
طبعاً وين المشكلة ؟؟
المشكلة بمعدلي الجامعي (تقدير جيد) و (متخرج قبل سنه يعني نقطيتن بتنضاف بجدارة فقط) وأيضاً مشكلتي بإختبار القدرة المعرفية (71 درجة)
هنا راح يصير مجموع درجاتي غير مرتفع وفرصة قبولي بالوظائف الحكومية محبطه .. ومالي غير نقاط الأقدمية كل سنه تساعدني بنقطتين وبكذا بجلس سنوات وأنا أنتظر وأحلم ، والعمر راح بصراحة !!
وفجأه أتذكرت إن عندي دبلوم 
وليش ما أدخل فيها بجداره ، خصوصاً إن معدلي مرتفع وإن سنوات الأقدمية بتساعدني تقريباً 10 نقاط إضافية .. وأيضاً إختبار القدرة المعرفية غير مطلوب بالدبلوم , ف فرصتي إن شاء الله أسسسهل بكثير من البكالوريوس .. خصوصاً إن مجموع درجاتي بجدارة تقريباً على مشارف ال90 ..
مع إن المرتبة اللي راح أتعين عليها بتكون مو قد الطموح ، لكن عصفور باليد ولا عشره ع الشجره ..
السسسسؤااال الأهم واللي أنا أحتاج إجابته ..
لو كتب الله وتوظفت عن طريق جدارة بشهادة الدبلوم , هل أقدر أرجع وأدخل للمفاضلات على الوظائف الحكومية بالبكالوريوس وأنا موظف حكومي !!!! ولا خلاص ماعاد بستفيد من البكالوريوس !!
طبعاً تفرق كثير عندي .. لأني بالدبلوم راح أتعين ع المرتبه الخامسة أو السادسة بالكثير ..
لكن بالبكالوريوس تعييني راح يكون ع المرتبه السابعة الدرجه الثالثة بصراحه فرق كبير بالراتب والمنصب
وفي نفس الوقت أنا تعبت ع البكالوريوس وماودي يضيع تعبي ع الفاضي