مقابلتي كانت قبل يومين اول ماتدخل تمسك سرا الين يجي دورك وتقول للعسكري رقم هويتك يعطيك رقم تحفظه وبعدها سرا ثاني عند عسكري ثاني تديه الرقم اللي اعطاك اياه العسكري الاول ويعطيك ورقه فيها اسمك ورقم طلبك والطول والنظر والوزن والسلامة الجسدية تاخذ الورقه وتمسك سرى عند كشف النظر اذا عديته يحطلك صح عند مطابق ماعديته يطلعوك وبعدها للطول والوزن ويحطولك صح عند مطابق طبعا اذا وزنك وطولك تمام وبعدها عند السلامة الجسدية ترفع سروالك لفوق الركبة ويشوف يدينك تفردهم قدامك وتلفهم يعني من فوق وتحت يتاكدو اذا في عمليات او اعاقه او اي مشكله بعدها يحطلك صح عند مطابق للسلامه الجسديه وبعدها يوقعلك واحد على الاوراق وبعدها اخر شي تروح عند حقين مطابقه الاوراق ياخذ منك صوره من الشهاده وصوره من الاثبات و6 صور شخصيه ويبصمك على ورقه وتوقع وتكتب اسمك ويطلب منك المشهد اذا معاك تعطيه ماهو معاك يقولك جيبه معاك المره الجايه في المقابله وبعدها تمسك باب الاكاديمية وتروح
هذا موقعها للي موعده في اكاديمية محمد بن نايف بجدة
أكاديمية محمد بن نايف للعلوم والدراسات الأمنية البحرية
طريق الكورنيش، البغدادية الغربية، جدة 22231
012 651 8996
https://goo.gl/maps/MLehvcwQFKA2
بالتوفيق للجميع ادعولي ياشباب المشكله ان اخر واحد اللي اخذ الاوراق مني نسي يطلبني الصور الشخصيه وانا نسيت اعطيها له اخاف يرفضوني بسبب نقص الطلبات لاني مااعطيتهم الصور المشكله الغلط ماهو مني