السلام عليكم ورحمة الله وبركاته
ابغ اقولكم تجربتي في المدراس الاهلية على مدى سنتين باضبط وصراحة كرهت المدارس الاهلية وتوبه من الي شفته
طبعا كنت اقدم واروح المقابلة الشخصية والحمدلله اجتازها وتقولي المديرة راتبك 5600ريال ووووو ولكن على بداية السنه الجديدة بندق عليك عشان توقعين العقد اقول باذن لله وانتظر بداية السنه الجديدة وانا اعد الايام لاني محتاجة فعلا محتاجة الوظيفة لكن يسحبون علي سحبة محترمه ارجع ادق اتواصل واتس مع المديرة مع انها هي قالت لي هذا رقمي وتواصلي معاي والله العظيم ادق عليها ماترد ارسل على الواتس ماترد اعرف انها استغنت خلاص ما عاد ادق او ارسل واتس علما اني دقيت مرة ورسالة مرة والحر يفهمها من غمزه ان قرات رسالتي لكن ماتبغ ترد علي اقول الله يعوض علي بخير.
2- جاتني مقابلة في نفس السنه مدرسة اخرى واجتزت ورحبت المديرة فيني وقالت ابغاك مع الطاقم التعليمي لكن الان الترم الاول شارف على نهايته ابغاك مع بداية الترم الثاني واتفقت معاي وعلى الراتب الي هو 5600ريال ووووو وبرضو سحبت علي نفس الي قبلها.
3- طبعا الان مافيه دعم من الموارد البشرية وجاتني مقابلة شخصية ورحت واول ماجيت جلست قالت لي ترا الراتب 3000 فقط والمواصلات عليك حابه العمل قلت لها ماعندكم مشكلة موافقة والله ما غثوني ولا سالوني على اي شي او خبرات ولا شي المديرة دقت على وحدة في القسم مغربية وجات قالت وصليها على مكتبها وعرفيها على المدرسة ورحت اشوف والحمدلله بعدها جيت طالعة قالت لي المديرة انت مرتاحة في عندنا قلت لها الحمدلله قالت خلاص انت جربي ها ثلاث ايام واذا ارتحتي بوقع معاك العقد قلت ماعندك مشكلة والله العظيم اداوم رسمي من 6ونصف الى 2ةنصف قالت لي المشرفة مغربيه طبعا انا مرشدة طلابية اخصائية اجتماعية وهي موظفة في هذي الوظيفة قالت انت مساعدة لي بتكونين قلت ماعندك مشكلة قالت ابغاك تعطيني افكار وابداعات تطور من المدرسة قلت ابشري واشتغل 3 ايام استنزفت طاقاتي من طباعة وتصاميم وافكار تطبق على السنه الجديدة نبدا نجهز لها شي اسعفني اسويه وشي ما امداني لكن موجود في نوتت اوراقي.
خلاصة الموضوع خلصت ال3 ايام جاء يوم الاحد توقيع العقد دقت علي المغربية قالت المديرة تقول ماراح توقعين العقد الا بعد اسبوعين او ثلاثه لان فيه بنات مقدمين على الوظيفة وبفاضل بينكم قلت بس انا اشتغلت وعطيتكم شغلي قالت هذا المديرة قالت وانا زكيتك عند المديرة وووووو المهم قالت انا باخذ اعمالك كلها وباخلي المديرة تطلع عليها انت والبنات بعد ماتتم المفاضلة المهم لي الان 3شهور امشي في الاربعة شهور اخذو تعبي وجهدي وادق عليهم ردت علي قالت خلاص توظفت وحدة عرفت اني ساذجة الافتراض ما اعطي احد تعبي وهو يستغله وينسبة له وانا ما ادري هل بتوظف او لا . انا بعدها قلت كل المدارس الاهليه استغلالييين من الدرجة الاولى عشان كذا عفت المدراس الاهليه والتعليم الاجنبي وتوبه ماراح اروح مقابلة شخصية لهم