المشاركة الأصلية كتبت بواسطة عبدالله حسيين

طبعا ما اعرف كيف ابدأ اشرح لك ..
لكن بحكم اني عسكري ومجرب الدورة بشرح لك الوضع .
اولا وقبل كل شي انت لا تشيل هم الجدول اليومي كيف راح يكون واذا كان كرف او مرتاح
لانك انت اذا صرت هناك ما تفكر بالشيء ذا وراح يكون كل تفكيرك هو كيف تخلص ال 45 يوم
طبعا انت اعتبر انه سجن ومحكوم عليك ب 45 وراح يجيك الشيطان ويقول لك اهرب من الدورة وهذا شي طبيعي ويجي بنفس كل واحد بالدورة تقريبا بس انت اصبر .
اما بخصوص الاغراض اللي تاخذها . خذ كل شيء بزيادة ..
مثلا اذا طلبو عدد 8 ملابس داخلية انت خذ 15
اذا طلبو عدد 4 بدل رياضية انت خذ 6 ونقطة مهممممة ..
خذ البناطيل اللي يكون لها سحاب في الجيب عشان ما تضيع اغراضك.
خذ لك ماكينة حلاقة لأنك راح تحتاجها وهم مااراح يطلبوها منك .
ونقطة ثانية ، خلك اجتماعي ولا تستحي من احد وعلى طول طيح الميانه مع الشباب وحاول تكسب صداقات من بدري .
وباختصار ال 45 يوم هي عبارة عن سجن وعزل عن العالم الخارجي .
يعني انت بنفسك ماراح تشيل هم الكرف ولا الجزوات ولا شي الا بس هم انه المكان يعتبر سجن .
وبخصوص النفسية ..
شيء طبيعي تكون منفس في اول اسبوع وخاصة اول يوم بتكون نفسيتك زززززفت جداً
بس اصبر ، خاصة ان المكان يكون غريب عليك وفجأة تنام ومعك في المهجع مجموعه كبييييرة تنامون سوا .
والنفسية تقل تدريجيا وبعد ما يمر اسبوع تروح النفسية وبخصوص نهاية ال 45 برضو راح تكون نفسية .
وطبعا راح تسمع اشاعات كثير من الطلاب اللي يقول لك بنخرج بعد اسبوع واللي اسبوعين ولكن انت طنش وحط ببالك انها 45 يوم ولا تصدق احد ابد لانه هذا الشيء هو سبب النفسية نهاية ال 45 وانا شخصيا كانت دورتي اكثر من 45 يوم .
واعيدها لك ال 45 يوم هي عبارة عن ضغط نفسي وفحص اخلاق بس .
يعني ممكن تسوف المدرب يتلفظ عليك وهو اصلا بداخله يضحك بس عاد هذا عمله انه ينرفزك ويفحص اخلاقك ، يعني لا تفكر انك تهرب بسبب مدرب .
اتوقع قلت لك كل شي ببالي واعذرني اذا فيه اخطاء املائية لاني اكتب بالجوال وما انتبه .