|
رد: تجمع المتقدمين على المسابقة الوظيفية لديوان المظالم 1439هــ
السلام عليكم ورحمة الله
امس كانت مقابلتي على وظيفة (باحث تدريب وابتعاث مساعد "نساء" )
مقابلتي بالرياض بمقر الديوان الرئيسي
تروحين معاك اشعر التقديم و هويتك الوطنية
اول مادخلت اخذت رقم وكتبو اسمي وسجلي
انتظرنا لمن نادو على رقمي
طابقو بياناتي وهويتي انا صاحبتها او لا
بعدها دخلنا اختبار نسخ يعطونك دقيقة تجريبي وبعدها يبدا الاختبار الحقيقي مدته 3 دقائق
تخلصينه تطبعين نتيجتك واحفظي تفاصيلها نسبتك ونسبة الدقة وكم كلمة وكذا
مو لازم اذا منتي حريصه عليها اهم شيء تعرفين النسبة الكلية
بعدها تروحين لمقابلة شخصية على جهاز وسماعات مع شيوخ ع قولتهم
تقريبا المقابلة ما تاخذ اكثر من 3 دقايق وبعدها تطلعين
لك حرية تلبسين عبايتك او لا عدا وقت المقابلة الشخصية
بس الجميع كان لابسها عدا المنظمات
حبيت افيدكم , دعواتكم الله يوفقنا جميعا ً
ملاحظه باختبار النسخ القطعة فيها اقواس وايات وفواصل ونقط وحركات ومدات اللي هي حرف التاء مع الشفت
والاخطاء تنزل من نسبتكم كثير خلكم دقيقين
التعديل الأخير تم بواسطة ws12 ; 17-04-2018 الساعة 04:02 PM
|