المهم يا شباب بشارككم وش حصل معي وقت الكشف الطبي ؛ سلمكم الله كان موعدي يوم الثلاثاء اللي فات و مارحت رحت يوم الخميس ؛ المهم قسمونا مجموعات حسب اللي جاء بدري كل مجموعة تقريباً فيها من 10 الى 15 طالب ؛ المهم كل مجموعه معها مشرف من المنظمين و دخلونا اول شيئ حسب المجموعه اللي كنت فيها على دكتور الباطنيه كشف علينا وما طولنا عطانا لائق و وقع بالختم حقه ؛ ثم حولونا على الأنف و الأذن و الحنجرة يخلي كل واحد يتكلم ويقيمه وحط لنا لائق ووقع بالختم ؛ ثم وجهونا على الأشعة وسوو لنا اشعة وقال النتيجة تطلع آخر شيئ مع تحليل الدم والبول ؛ ثم وجهونا على حق الدم اخذ اربع او خمس براويز دم ؛ ثم عطونا علبه حقت البول وانتم بكرامه وهذي كل واحد معه عسكري يدخله دورات المياه بلحاله ثم العسكري ياخذ العلبه ويحطها في زي الدروج كذا يجمع عينات الطلاب طبعاً كل عينه مكتوب عليها اسم الطالب ورقم التسجيل ؛ ثم بعد ما خلصنا وجهونا على النفسي والنطق يجلس الدكتور يسولف معك سولف عادي وخل صوت مسموع المهم حط لنا لائق ووقع بالختم ؛ ثم وجهونا على الجراحه دخلنا الغرفه ثمن فيه زي الستارة كذا بينك وبين الطلاب ، تنزل كل ملابسك تجلس بس بالسروال القصير ما يشوفك الا الدكتور والمرافق اللي معه ثم يقول لك ضم رجولك ثم يقول اجلس وقوم 3 مرات ثم يقول افرد يديك وضمها ثم يقول دور للخلف ياخذ نظرة ، المهم عطانا لائق ووقع بالختم ؛ ثم وجهونا على العظام وجلس الدكتور يفحص اذا فيه كسور والا شيئ ، المهم حط لنا لائق ووقع بالختم ؛ ثم وجهونا على العيون تجلس على كرسي والعلامات موجوده فوق راسك وتناظر بالمرايه ويسألك على كل عين اسئله ثم يفتح لك دفتر حق تمييز الألوان مثل اللي في المنتدى هنا ثم يسألك ثلاث اسئله عن الأرقام ، ثم حط لنا لائق ووقع بالختم ؛ ثم آخر شيئ وجهونا على الأسنان توري الدكتور ابتسامتك وخلاص حط لنا لائق ووقع بالختم ؛ ثم قالوا خلاص تجون الخميس الجاي تستلمون النتيجة النهائية تودونها لمكتب التجنيد .

هذا اللي حصل معي ومع المجموعة اللي كنت معهم واسأل الله العظيم القبول النهائي