عرض مشاركة واحدة
  #1 (permalink)  
قديم 04-05-2018, 10:33 AM
الصورة الرمزية فضل
فضل فضل غير متصل
مراقب عام
 
تاريخ التسجيل: Sep 2006
الدولة: Dammam
المشاركات: 81,470
معدل تقييم المستوى: 21475026
فضل محترف الإبداعفضل محترف الإبداعفضل محترف الإبداعفضل محترف الإبداعفضل محترف الإبداعفضل محترف الإبداعفضل محترف الإبداعفضل محترف الإبداعفضل محترف الإبداعفضل محترف الإبداعفضل محترف الإبداع
آه يا ام منصور يانور المحل - فاطمة بنت منصور بن عيد الخاطر

قصيدة رثاء في الخالة : فاطمة بنت منصور بن عيد الخاطر أسأل الله ان يتغمدها بواسع رحمته ويجعلها في الفردوس الأعلى ووالديها وجميع المسلمين.


كيف اصيغ الشعر وأبدى بالجُمل
والمنـــايا تمســــح الشي الجميل

في شهر شعبان هذا اللي حصـل
الحـــزن خيّم قبل شهـــــرٍ فضيل

قـال بن شيبان شعـــــر ٍ مرتجـــل
يرثي أم منصور في شعر ٍ جزيل

يا حروف الأبجــــــدية و الجُمــل
لو نقول الشعر في حقهـــــا قليل

تِدبـر الافراح والحــــزن استحل
استحـــــلّ الحـــال والفكر العليل

مالت الدنــــيا علينا في عَـجــل
والحـــزن خيّم على كل الجبيل

يالجـــبيل اللي عرفتك من قبل
منتي الجبيل القديمـة مستحيل

صـــار فرقاها عليّ مثل الخلل
يالله ان تجبـــر عــزانا ياجليل

ضــاقت الدنيــا مع كوكب زحل
حتى ثوبي من على متني ثقيل

بعد مـــــوت الغالية كلي وجل
طيفها ما ظن من فكري يزيل

راحت اللي فعلها فعلة رجل
تكفــل الايتام وتمــــد السبيل

الأجل مكتوب وذا يوم الاجل
آه يا حِـــرّ الموادع والرحيل

الثلوث اللي به الموقـف جلل
اشهـــد انه مَــــر لكنّه ثقــيل

شمعةٍ تطفى وروضٍ ينمحل
والشمالية بكت وقت الرحيل

آه يا ام منصور يانور المحل
انتي نوره لا ولا غيرك بديل

ودك اللي طــيبٍ ما يرتحــــل
لأنتهى عمره يجي عمر بديل

يالله اني طالبك وانت العــدل
يا رحيم ويا لطيف ويا وكيل

يوم تطوي السما طي السجل
تجعل الخــالة تحت ظلٍ ظليل

الشاعر
يحيى بن شيبان
18-8-1439
4-5-2018

الرابط المختصر


https://goo.gl/R3jFvU

رد مع اقتباس