اولاً الله يكتب لك الرزق والتوفيق


نصيحتي اقدمها لك ولا اعرف تخصص مطعمك لاكن بقولها ناسبتك خذها ماتناسبك ريح راسك منها وانت اعلم بنفسك

عليك بالأسر المنتجة تقول كيف اقولك شف الأسر المنتجة اللي بمنطقتك المعروفين !!! اللي عندهم شغل وزباين وطبخ علية الكلام واختر من كل اسرة طبخة معينة

كيف ؟ اسرة واحد خذ منهم الرز والكبسات / اسرة ثنين خذ منهم المعجنات / اسرة ثلاثة خذ منهم الايدامات ملوخية , شوربة ,الخ
اسرة اربعة خذ منهم الشعبيات جريش , مرقوق , قرصان, الخ / اسرة خمسة الحلوييييييييااااات

شلون تستفيد وهم يستفيدون هناك اكثر من طريقة

1- الربح بالنصف تبيع ب 20 لك 10 ولهم 10
2- يبيعون عليك بالكمية كيف؟ مثلاً قدر او صينية رز كبير بالوزن الفلاني تاخذه كامل بسعر وانت تقسمة على كم صحن وتحط السعر اللي يناسبك ويناسب الزباين
3- تتفق انت وياهم ويكون مطعمك ساحة عرض لمنتجاتهم والسعر هم يحددونه وانت لك يومية عرض الطلب مثلاً اسرة عرضة شعبيات صينية ممكن تعبي 30 صحن للزباين انت تحسب عليهم الصينية الوحده بخمسين او بالسعر اللي تبي وقس على كذا كل منتج يعني كانك تأجرهم مطعمك بس انت اللي تبيع وهم يطبخون


إلى هنا انت استغنيت عن الطباخين وريحت راسك اللي تحتاجة يمناك تحاسب وثنين يجهزون طلبات وواحد يمول الاثنين اذا خلصت صينية يجددها ويكمن يسعادهم


الثلاثة جبهم بدوام جزئي براتب مايتعدا 1500 شغلتهم بس حط رز بالصحن ذا وجريش بالصحن ذاك تدريب يومين وتلقاهم فلته عيالنا يبون الشغل وبتحصل

لاتنسى نفسك حط لك راتب لانك بتشغل يمناك تحاسب وتساعد الباقين

لاتنسى الاعلان بالخط العريض اسر منتجة وشغل بيت لانه مطلووووب وكثر منهم عن استراحات الشباب


وسلامتك هذي نصيحة اقدمها لك ولكل واحد مقفل مطعمة ولا يعرف وش يسوي

لاحد ياخذ بكلامي لان السوق متغير ادرسوا الوضع والحسابات بأمان الله