المشاركة الأصلية كتبت بواسطة اب ت ث

حياك اختي. انتي الظاهر معي بقروب اسفسارات بالتيلقرام. او ممكن تشابه اسماء.
عموما انا كنت مفتش عمل مساعد قبل خمس سنوات. الوظيفه مرتبه سادسه، راتبها 6200 بعد خصم التقاعد واضافة بدل النقل والظاهر اضافو لهم بعد ما مشيت 15% بدل. الوظيفه هي التفتيش على كل ماهو خاضع لنظام العمل من محلات، شركات، مشتفيات خاصه...الخ
الرجال يفتشون على الاماكن الي فيها رجال، والنساء اماكن عمل النساء مثل المشاغل والمحلات الي فيها نساء.
العمل ميداني ومكتبي. ينزل لك جدول اسبوعي فيها 15 منشأه وتزورينها خلال الاسبوع. ممكن تخلصينها بيومين وباقي الاسبوع تطلعي من العمل عادي ما عندك شي. وبعد الزيارات ترجعي تدخلي نتائج الزيارات بالجهاز وبرضو تداومي فتره في المكتب عشان الي بيراجعك من الي زرتيهم او شي. هذا روتين العمل الطبيعي. بعض الاحيان تقومون بزيارات في المساء وبعض الاحيان يكون في حملات. طبعا اذا داومتي بالمساء ممكن ما تداومي بالنهار او حسب الاتفاق مع رئيس القسم.
وجهة نظري الخاصه لك كأخت أنها غير مناسبه للنساء لأن فيها عمل ميداني. لازم تطلعي مع سواق وكذا. وعاد الي تشوفين بس هذي وجهة نظري.
ملاحظه مهمه جدااااااااااااااااا: ممكن ما تشتغلين على نفس مسماك، يعني ثلاثة ارباع الي في مكتب العمل مسماهم مفتش عمل. ولكن يشتغلون خدمات عملاء وغيرها.
اخيرا الكلام اعلاها هو تجربتي الشخصيه قبل خمس سنوات. قد يكون تغير شي، اضافو شي، الغو شي، اجبرو مثلا كل المفتشين يشتغلون على مسماهم لأن قبل استقيل كان هذا كلام دارج بين الموظفين. الله اعلم
اذا تمتي مثلا على الوظيفه وترشحتي للمقابله ممكن افيدك بالي اقدر عن المقابله وطبيعة اسئلتهم.
وبالتوفيق واسأل الله لك الرزق الحلال