المشاركة الأصلية كتبت بواسطة تشرين الثاني

المقابله كانت محدده الساعه 9 ص لكن قابلوا معنا الساعه 8.45 ص
الأسأله كانت بالترتيب ..
1/ وش الشي اللي يخليك تقدم علينا وتشوف نفسك فيه افضل من زملاءك المتقدمين ؟
2/ تكلم عن نفسك ووين ساكن ؟
3/ وش اهتماماتك ؟
4/ وش تعرف عن الجامعه ؟
وبعض الحوارات اللي يطلعها من اجاباتك ..
تقريباً 5 دقائق وماطلبوا إلا الهويه الوطنيه للمطابقه ..
طبيعة المقابلات بيشوف نطقك وجلوسك وردة فعلك بالمقابله ..
كلمة ما اعرف او لا يوجد سلبيات عندي ، مرفوضه تماماً بالمقابله ..
في حال السؤال وش عيوبك او سلبياتك ؟
ج/ ادقق بشكل كبير بالعمل المطلوب مني ، واشيل هم اذا تأخرت بإنجازه ..
# الأهتمام بالمظهر مهم جداً ، وللأسف لاحظت بعض الأخوان غير مهتم لهالشي ..
لبس نظيف ، تشخيص محترم ، جزمات ، عطر بشكل خفيف ..
بالأخير اسأل الله لي ولك وللجميع التوفيق ، ويكتبها ان كان بها خير ..