كـــلمات: فـرحـان قيـران
ياقلب ريح مـن أسـبـاب العـنا والعذاب
يوم الفراق الفراق الله يجيبه لقا
بسن الطفوله كذاوضعي وسن الشباب
من لذة العمروأيام الهنا وش بقا
ماعاد بقى كثير الرأس يالقلب شاب
أنبض بصدري صـبر والدرب كله شقا
خابرك ثابت وفي وقت الخـطـر ماتهاب
وعندك على الصعب والشدات ردة نقا
أنا أدري أنك تشـيل من الليالي صواب
تشاركوا فيك عـدوانك مع الأصدقا
وأنا أدري أنـك تعذب كل ماالظـن خـاب
وأنا أدري أنك تجـمل بالـرجـى وتـهـقا
ياسكروا باب يفتـح ربك الـفـين بـاب
لله الدعاء لله بس الـبـقـا
ماوالله أسـجـد لغـير اللي يسوق الـسـحاب
يعلنا من عـذابه والـجـحـيم عتقا
تراجـعـواوآرجعـوا ياتـابـعين السراب
ماعمر طرد السراب لطالب الماء سقـا
ياقـلبي عيني تشوف ولاعليها ضـباب
عيـشة هل الكبر لوهي بالنعيم مـحقا
لولاي مصدوم ومجرب فـقـدت الـصواب
من شلة)ن) للهوان من الهوان وسقـا
شـك وتناحر وقلة خاتمه وأرتياب
اللي نزل بي نزل واللي رقابي رقا
كل البشر تعرف أن البوم مع الغراب
مايقربون العـمار وبالخراب شققا
والطيب فطره مهو مد وعطا وأكتساب
خطين يمشن وجميع ومشيهن مالتقا
ناسن (ن) عرايا وفاء لو يلـبـسون التـياب
وناس (ن) عرايا تقا لو يدعون التقا
حـد الـتـراب الـبـشـر ياللي تحفرون التراب
اللي لقا مابـحث واللي بحث مالقا
ولو ماكان الإنسـان باللي يطلبه مـسـتجاب
كل(ن) تخير بكيفه مايبي وانتقا
ياقلب تو الكلام وتو كشف الحساب
لابد ماينزل اللي بالظلام أرتقا
يكفيني الأوفـياء والبـاقيـه للذهـاب
يكفيني اللي على طول الزمان وفقا
حتي القمر بالنـهايه يتجه للغياب
وأرجع وأكرر من أيام الهنا وش بقا
حتي القمر بالنـهايه يتجه للغياب
وسـلامتكم