نصيحة ارجعي كلميها هذه من الضمان اعطى بعض الشركات موضوع التمكين للوظايف ورفضك للعروض حيكتبون انك غير جادة وراغبة بالعمل ووقتها ممكن يسقطوكي من الضمان
وطبعاً كله خرابيط ياخدون بياناتك ويعطونك دورة عن بعد ضروري تحضريها بعدها كل فترة يجيبولك عرض وظيفي واذا قبلتي فيه يختفون بقدرة قادر لي سنتين على هالحال لدرجة كل فترة يكون موضوعي مع منسقة او مشرفة جديدة
رغم جديتي ورغبتي بالعمل بس كله خراط
يمكن تصيب مع البعض ويتوظفون
المهم عندي انك ماترفضي واذا جاتك عروض مناسبة وافقي وخليكي صريحة وواضحة بشروطك للعمل يعني اذاذ ترفضي اختلاط خليكي واضحة واذا تبغي شفت واحد او اثنين برضو خليكي واضحة وردي ع اتصالاتهم بالبداية بتكون كل فترة قريبة بعدين فص ملح وذاب المهم بيني انك جادة بالوظيفة
ولو تبغي نصيحتي الوظيفة اولى من الضمان بكثير خاصة بالاوضاع الاخيرة ماعاد الضمان له أمان أبد لو جاكي عرض حلو لاتكثري الرفض مو من صالحك اصلاً
واذا كلمتك بيوم حقت تمكين ومثلاً حتطلبك توقيع عقد هذا العقد يعتبر موافقتك انهم يبحثون لك عن وظيفة قبل هالموضوع خدي منها اسم الشركة اللي هي منها واتصلي على 19911 اتأكدي هالشركة معاهم ولا لا
والله يوفقك ويوفقنا ويغنينا عاجلاً غير آجل بالوظيفة وكل من يتمنى