دحين الجمعيات الخيريه يعطو منح دراسيه للي مسجلين عندهم ويعطو دبلومات سنتين ونص ودورات عشان يبغوهم منتجين ويلاقو وظايف وكمان قالتلي انو في منح دراسيه للجامعات زي بالمدينة لاني انا بالمدينة جامعة الامير مقرن والجامعة المفتوحه نحن نرشح لهم ابناء المستفيدين والمستفيدات ويعطوهم منح دراسيه
والي يقلي كيف عرفتي انا رحت لهم بنفسي وبتكلم عن الجمعيات الخيريه بالمدينة بس
وشفتهم جالسين يتصلو على المسجلين عندهم ويرشحوهم وكم وحده شفتها وانا جالسه انتظر عندهم سألتهم ايش عندكم قالتلي انا رشحوني لدوره سته شهور ادخال بيانات وجالسه اداوم ووحده دبلوم موارد بشريه ووحده خياطه طبعا الدورات مدعومه من الجمعيه نفسها ومن منصة احسان
لاتعتمدو على الاتصال روحو بنفسكم واسألو واستفسرو هذا من حقكم والواحد لازم يسعى ويتعب مافي شي يجي بساهل
جزاهم الله خير الله يرزقنا من حيث نحتسب ومن حيث لانحتسب الله يفتحها بوجهنا بالدنيا والاخره اللهم امين