لو جدار البيت من سعف ٍ وخوص=عندي ابرك من قصور مزخرفه
لأن بيتك محتفظ لك بالخصوص=وبيت غيرك فيه بعض العجرفه
احفظ الابيات مني والنصوص=راحتك في قِــل زود المعرفه
اغلب اللي قد عرفناهم لصوص=وانت نفسك فيه شخص ٍ تعرفه
لِـد عينك لا تطوّل في الشخوص=عد كلامي شيك واحذر تصرفه
في نفوس الناس حذرا لا تغوص=من تمعـّن بالنوايا تجرفه
تجرفه بين بالمهالك والنقوص=ثم يحدر من جبال ٍ مشرفه
قِـم تخيّر فص ما بين الفصوص=لا طريته قلت نعم المعرفه
لا نصيته بالمواقف ما يحوص=الخلايق كل ابوها تعرفه
الشاعر : يحيى بن شيبان