فيه ظواهر تنتظر منا وقوف=بعضها سبّـاح عكس الاتجاهي
اتعجب ويش انا عيني تشوف=صار بالدعوى كثير الاشتباهي
المكينة والسرندل والبلوف=من الطناخة كنهم الا في ملاهي
خوفتي من ناقة وضحى عطوف=للحوير ما تدرّ الا شواهي
لا تفكر في كلام الفيلسوف=ولا تدقق في الكلام اللي فكاهي
قوم فكر وش تقدم للضيوف=والله ان تحتار من كثر الشواهي
ان بغيت الجد عنّز ع البلوف=فيها شاهي ماحصل بالكون شاهي
مو قصورٍ بالسرندل والصفوف=بس شاهي البلف مدعى للتباهي
اختفت منه الطلاسم والحروف=لا نطقت الحرف جاك الحرف راهي
هذا هو خمر الفقارى والضعوف=هذا كيف ٍ ما حصل فيه اشتباهي
لو حصل بالوقت لو ادنى خسوف=اطلب المعبود ولا غيره الهي
ان حصل فيها مزاحم بالكتوف=وبالسوالف صار قصفٍ للجباهي
روح واقعد لو ورى ذاك الخروف=واشرب من الكيف يوم الغير لاهي
ما سمعت العود من اهل الهفوف=ينتقدهم قال منت شراب شاهي
كان ما يدك تزله ثم تحوف=والله انك ضايع ٍ والراس فاهي
وانا عندك مثل ما عينك تشوف=بس اضاهي مثل ما غيري يضاهي
الشاعر : يحيى بن شيبان
