بسم الله
مساكم الله بالخير او صبحكم الله بالخير كلن وتوقيته
بسدح لكم مشكلتي بشكل مختصر انا عمري 25سنة
وجالس افكر فالزواج ان شاء الله بحول هالسنتين
بس مشلكتي كل ما افكر فالزواج او الزوجة اللي باخذها افكر هل بتكون عدلة
هل بتقوم بدورها كزوجة وخايف انها تطلع حقت كافيهات وروحات مع اني رافض انها تكون موظفة رفض قاطع لا مختلط ولا غيره لحد يقول متخلف او فكرك رجعي حتى لو وظيفه مافيها اختلاط ياخي مين بيمسك العيال ويقوم فالبيت اذا اثنينا مداومين ونهايتها ترجع من الدوام لاهي طابخة ولا مهتمة فالعيال والاهم ماهي داريه عني تخيل نهايتها امر مطعم بخاري اخذ لي ولها اجل على وشو انا متزوج. وسالت واحد من الربع يقول مثل ذي منت محصلها في ذا الزمن والموضوع سبب لي قلق ووسواس طول الوقت ما عندي الا ذا الموضوع وش تنصحوني فيه واذا بغيت وحدة سنعة وين احصلها يا ليت تفيدوني ودمتم بخير.