أهلين قصة إنسان
الله يخلف عليك الخساير المليونين اللي طارن منك (هذا اللي فهمته من كلامك)....
عندي لك مشروع كويس ومنيح جداً رأس ماله بسيط.
مشروع :::::::: فصفص ومكسرات بالسيارة ::::::::

1- ونيت مغطى أو أي سيارة تمشي حالك فيها.
2- أغراض: طاولة , كرسي , ميزان , أكياس صغيرة , حاويات للفصفص والمكسرات وبعض الأغراض الضرورية.
3- هذي النقطة المهمة:: الفصفص والمكسرات , لازم تنقي شي مضبووووط بالمرة (أتوقع إن فصفص باجة هو أحسن شي يجيب الزباين)... والمكسرات تلقى شي حلو لأن أغلبها نفس الطعم...
ألحين تقريباً اكتمل تجهيز المشروع ...
الموقع : يكون في أماكن تجمعات الشباب وفي المهرجانات وفي طرق الكشتات ... وأيضاً عند بوابة الملعب طبعاً أكيد وقت المباريات اللي لها جماهير كثيرة <<< يخلص اللي معك بساعة بس لازم تصلي العصر عند الملعب..

انتهينا والحمد لله.....من المقادير بس باقي الطريقة:

شغل السيارة وشوي شوي بالشوارع لاتصير غشيم تحوس الأغراض,,
وانتبه جهز فكه ريالات وعشرات ...
توكل على الله والرزق عليه...
___ بمعنى الحديث ( رحم الله رجلا سمحاً إذا باع وإذا اشترى وإذا اقتضى )

أتمنى إن ماكتبته يكون صحيحاً فالمعذرة على الأخطاء ,, والسلام.