حسبي الله ونعم الوكيل

[شاقني همي]

في البداية احب أشكر القائمين علي هذا المنتدي

الي يحس في الواحد انه يقدر يقول الي في قلبه في وقت يمكن الكل ممكن يكون ضده او معاه
المشكله يااخوان ان المصيبه صارت منا وفينا عوض مانساعد بعض صار الواحد يحاول يبني
المكان الي هو عليه علي حساب غيره ...

مشكلتي طال عمركم إني موظف في قطاع تعليمي ويندرج تحت القطاع الخاص
في البداية الوظيفه كانت حلوه وكان المدير اجنبي ويخاف الله في موظفيه واستمر الحال مايقارب السنه وكل الموظفين للشهاده كانوا يمدحون ويشكرون في هذا الانسان الي يخاف الله في نفسه قبل كل شي ويعطي الناس حقها علي حساب نفسه المهم قدر الله علينا وتغير المدير وجابو لنا واحد سعودي من نفس جلدتنا علي ماقالوا ...
في بداية الامر كان كلامه لنا انه جاي يساعدنا ويطور اللنشاط الي حنا قائمين عليه
وتعاونا معاه .. الين تقريبا شهر من تعينه بعدها بدأيكشر عن انيابه وفي خلال 3 اشهر
تم فصل حوالي 12 موظف وتم تعين موظفين سعودين ولكن للأسف اصبح الوضع مزري للغايه سلطه رهيبه وتعقيد الرجل يمتلك شخصيه قويه والي يفكر يفتح لسانه ويتكلم
ثاني يوم وهو مفصول حتي وان حاول يرجع لصاحب الحلال خسران بالاول والاخير
حتي وانا جالس اتكلم الحين خوفي يوصل له خبر عن الكلام هذا واكون وقتها فتحت علي
باب من ابواب جهنم ولكن كلمتي الي دايم اقول فيها (( الرزق علي الله ))
سأكتفي بهذا القدر مع انه في كلام كثير ودي اقوله ولكن مثل ماقلت لكم خايف اقول كلام يديني بعدين لأن الرجال ماشاء الله عليه اداري بحت مافي كلام ينقال الا علي ورق يعني ادانه 100*100 وبعدين بيطبع الصفحه وبتكون سبب فصلي ...

[آه يالقهر]

الله يعينك اخوي

وبعدينواذا قرأ الكلام

والله بحريقه

يعني هي وقفت على هالمكان

نصيحتي لك هي أنك في هذا الوقت تبحث لك عن وظيفه ثانيه

مو تعيش على اعصابك تنتظر الفصل منه

بالتوفيق لك يا رب

[شاقني همي]

الله يجزاك الخير يالغالي
ومشكور علي النصيحه المشكلة ياعزيزي حتي خوف من الله ماعاد فيه
هو عارف ان عندي اسره ومسؤول عنها ورزقي بعد الله علي هذي الوظيفة
وحالتي صعبه ولكن علي قول المثل ( انا والطوفان من بعدي )

ما أقول الا.. لا حول ولا قوة الا بالله العلي العظيم

[go0o0ory]

طيب مثل ما قالت لك أختي آه يالقهر تدور لك على وظيفة ثانية

وبعدين كان تخصصك من التخصصات الصعبه حاول تدرس خصوصي عشان تنتفع بإذن الله

والله يوفقك ويسخر لك هالمدير يا رب

[Dr.NoWay]

::المدير الاجنبي
:: ارحم لانه لا يفهم شئ غير عملة ألاساسي فقط
:: وهدف المدير أجنبي وأضح وضوح الشمس هو يعمل من أجل المادة فقط
___________________________________
::المدير السعودي
:: يعمل من أجل الجاه والمنصب " نصب"
:: وصولي أنتهازي ، منافق ، كذاب ، حاقد ، كسول ، ملول ، لدية القدرة للعمل بدون راتب
:: مقابل الجلوس على كرسي " ألادارة "

[awlama]

الله يعينك ويوفقك ويجب الصبر في هذة الحاله على المدير لانه هذا حال الدنيا

[al_galb0]

لا حول ولا قوة الا بالله حسبي الله ونعم الوكيل الحال من بعضة اخوي

[ريم السعوديه]

الله يعينك

قلقك وخوفك من الفصل راح يأثر على مستوواك وادائك الوظيفي

عشان كذا فيه مثل يقوووول (( امشي عدل يحتار عدوك فيه ))

اذا انت محتاج للوظيفه وواضح هالشي من خوفك من الفصل ......

ابعد عن الشر وغنيله واكسبه بصفك ........ ولا تعمل شي راح يضرك بالنهايه

او دور على مدرسه ثانيه .....

وردد داااااايم دعاااادء لمن خاف من رجل او قوم (( اللهم اكفنيهم بما شئت ))

« اللَّهُمَّ إِنَّا نَجْعَلُكَ في نُحُورِهِمْ وَنَعُوذُ بِكَ مِنْ شُرُورِهِمْ» رواه أبوداود

[شاقني همي]

في البداية اقدم شكري للإخوه والاخوات الي شاركوني في الموضوع
أو بالأحرى مشكلتي الي أعاني منها ..

الحمد لله علي كل حال وما أخفيكم إخواني إني حاولت أساير الوضع الحالي كما هو عليه
وبديت أدور علي وظيفة أخري ولكل مجتهد نصيب بس مدري الوضع الحين أشبه بحاله استنفار
ماقبل الحرب ركود ومادري الايام الجاية وش مخفية وراها ولكن الحمد لله كلي يقين
إن الرزق علي الله وماهو إلا سبب من الأسباب والخيرة فيما أختاراها الله عز وجل ..

أخوكم شاقني همي

[شاقني همي]

Dr.NoWay

صح لسانك وتراك وصلت للمفيد يالغلاااااااا

هذا هو الحال طال عمرك وللأسف أقولها الواحد يضرب بجلده لجل مصلحته
ولكن مانقول غير الله المستعان علي كل حال ...