12-09-2010, 09:13 PM
|
 |
عضو مهم
|
|
تاريخ التسجيل: Oct 2009
المشاركات: 230
معدل تقييم المستوى: 44
|
|
|
تحب التجارة معاك مبلغ بسيط وتبغى تتاجر فيه في اقل من شهر 800 ريال
السلام عليكم ورحمة الله وبركاته
انا من صغري 3-5 سنين واحب التجارة وكنت اتاجر في اي شي حتى لو فيها مكسب 10ريال
دحين عمري 13 سنة دخلت المنتدى هذا وغيره قعدت اكثر من سنة وانا اشوف البضايع واشوف الناس تشتري وتبيع
الحمدلله نجحت في 1متوسط واخواني نجحوا بس ابويا قال ايش تبغوا هدية نجاح اخواني اللي يبغى جوال وغيره
انا قلت لأبويا افكر
-----------------------------------------------
بعدين دخلت المنتدى وشريت 6حصالات الحصالة الوحدة ب42مع التوصيل 45 وبعتها على 55وكل اسبوع نروح بيت جدي ومشاء الله الأولاد كثيرين وديت الحصالات اتفاجئت بالطلب عليها
ورحت شريت 18حصالة
ودرزن حامل الجوال ب20 وبعتو على 3 و24ساعات الوحدة تقريبا ب3وبعتها على 5
ودرزن اكياس الفرولة ب30 وبعت الحبة ب5
السعر شامل ب 1200
وبعتها والمكسب كان تقريبا 400ريال
----------------------------------------------------------------------
اللي في جدة وعنده رخصة وسيارة ياخذ نفس الأشياء اللي اخذتها ياخذ حامل الجوال ويروح سوق الشمال (معروف في شارع حراء)
والأشياء الباقية يروح سوق الشاطئ ويعرضها صدقوني مكسبها خيال
انا شفت في سوق الشاطئ اثنين اولاد كانو في مدرستي بس اكبر مني بشوية معاهم ونيت ويبعوا اشياء ولو تشوف الكراتين اللي يبعونها ماتصدق عينك
-------------------------------------------------
المشروع الثاني
قرب عيد الفطر رحت شريت قريب 80كيس رز ابو منارة و50كيس ابوكاس
ابو منارة اشتريته ب9.5جملة
وابو كاس18.5جملة
ابو منارة رحت سألت بكم يبعونه ب15
انا بعته على 12 وكلمت الخالات واللى يطلب 7 و5,9 ونحن نعرف عايلات محتاجة نحن نوصل للمحتاجين قبل صلاة العيد
ونزلت قدام باب البيت وبعت حول 50كيس
-------------------------
يعني مكسبي هذا الصيف 800ريال
-----------------------------------------------------------------------------
بعدين سويت موضوع ساعات ب 3.75 في ناس طلبوا 100ساعة ومارديتلهم خبر عشان والله جاتني حرارة 5ايام
--------------------------
دحين بتجي الدراسة وبقفل كل مشاريعي انشاءالله في الحج مشروع غنم هههه
|
العرض العادي
