20 الف اقدر اشتغل بها ولالا

بدر نت · #1 (**permalink**) 15-09-2010, 12:37 PM

بسم الله الرحمن الرحيم

السلام عليكم ورحمة الله وبركاته

اخوني انا معي راس مال 20 الف تقريباً هل فيه مشروع زين بنفس المبلغ ولا ارتاح واروح لعب المبلغ احسن لي

بالتوفيق

سامي الخالد · #2 (**permalink**) 15-09-2010, 04:48 PM

تقدر تعمل مشروع مغسله ملابس قيمه المعدات 19000 مكبس وبولر وغساله ونشاف اربع قطع
وتزيد 2000 ريال تسوي ديكوربس اهم شي الموقع يكون ممتاز وماحولك مغاسل وبالتوفيق.

في الخدمة · #3 (**permalink**) 15-09-2010, 05:02 PM

أعرف واحد كان معه 20 الف ,,, وحط فيها غنم بأحد الأحواش الي عندنا بالرياض
يقول لي تدخل علي ربح حوالي : 2000 ريال
ولا فيها تعب ولا شي ,, مسلمها واحد يمني ماسكن أغلب الحوشه ,, بس ثقة على حسب ماجربه

حبيشي جده · #4 (**permalink**) 15-09-2010, 05:35 PM

اخوي بدر شوف السيارات يعني ب20 الف تاخذ سياره نوعها ماشي مثل الكامري والاكورد والفورد وترجع تبيعها بمكسب الفين ثلاثه حتى لو بعد شهر شهرين بس اهم شي لاتاخذ من الشريطيه

عبدالله البراهي · #5 (**permalink**) 15-09-2010, 05:38 PM

شغلها باللحم سواء اغنام 0 او بط تعرف سعر اللحم كل يوم بازدياد والناس مقبله على التنويع واخلك مع الاولين يعني 10000 الاف تكفي كبدايه وباذن الله مع مرور الوقت تكون حلال طيب وعليه طلب الايام هذي

وفقك الله