شركة سعودي اوجية ؟؟؟ ارجوا الدخول للأهمية

faisal2035 · #1 (**permalink**) 18-11-2007, 11:29 AM

السلام عليكم ورحمة الله وبركاتة

الى جمعيع الاخوان والاخوات اعضاء المنتدى المحترمين انا سويت مقابلة في شركة سعودي اوجية
وتم قبولي للعمل لدى الشركة ولله الحمدمن قبل ومن بعد .

بس الغالبية من زملائي حذروني من الشركة هذي حيث اغلب مدرائها وموظفيها لبنانيين ويحاربون
السعودي من اول ما يدخل في الشركة يعني

(بالعربي يبونها حصر لهم بالحالهم )

استفساري هل الكلام هذا صحيح اذا احد لة خبرة او يعرف احد يشتغل عندهم لآني مالي خلق عوار راس من البداية ؟؟

ملاحظة/ زملائي اللي حذروني لم يسبق لهم ان اشتغلوا عندهم بس على ما يسمعون لانهم يشتغلون في شركات منافسة ويعرفون سواليف بعض؟؟

ارجوا الرد من جميع من لدية خبرة ومعرفة في صحة الموضوع هذا

صقلاوي · #2 (**permalink**) 18-11-2007, 11:49 AM

اخوي فيصل مبروك عليك الوظيفه
الشركة حلوه ورواتبها جيده والكلام الى ايقلونه عن موظفينها مو صحيح
انت اثبت نفسك ولا احد يلقى درب عليك مهما كان
شوف انا كان ولد عمي يشتغل عندهم بس يقول فيه بعض المدراء نصابين
ويمكن يوهمونك يقولو مثل ارتاح في البيت ومتى ما بغيت اداوم على كيفك
بس في الاخير يقلبو عليك ويفصلونك مثل ما صار لولد عمي
لانهم شغلهم فيه رشاوي

فيصل الفهد · #3 (**permalink**) 18-11-2007, 12:07 PM

اعرف واحد شغال مع سعودي اوجيه في مكه ومديرهم جدا جدا طيب وحبوب ولبناني كمان
انت اثبت نفسك ومالك صلاح

HeRo81 · #4 (**permalink**) 18-11-2007, 02:48 PM

كل الأمنيات لك بالتوفيق يارب ،،

ممكن تقولي طريقة التقديم عندهم ؟؟؟

faisal2035 · #5 (**permalink**) 18-11-2007, 04:40 PM

لله يجزاكم خير ويوفقكم وشكرا على مروركم جميعا كلا من

اخواني صقلاوي & فيصل الفهد &HERO81

بالنسبة لطريقة تقديمي عليهم

من قبل رمضان وانا مسجل عندهم بس اظاهر الشركات ما يوظفون الا على نهاية السنة الميلادية

ومكان تسجيل طلب التوظيف هنا بالموقع

http://www.saudioger.com/index.html

بالنسبة للمقابلة

يقعد معك 2 متخصصين في الموارد البشرية والمحادثة كلها انجليزي بس يالله لك الحمد انجليزيتي ممتازة بعدين يقولي كلمني عن تخصص واهدافك من العمل لدينا وهي صراحة شركة غنية عن التعريف مجالها صيانة وتشغيل ومقاولات تقدر تجمع معلومات عنها عن طريق الالموقع نفسة
بعدين يسألوك وين تجد في الشركة بعد كم سنة ويركزون على ملامح وجهك وعيونك تحديدا بس انا دارس كيف تسوق نفسك واجابتي على قد السؤال ما افتح على نفسي باب ما اقدر اقفلة وخلك مبتسم ومذوئق والله يوفق الجميع

HeRo81 · #6 (**permalink**) 19-11-2007, 02:56 AM

faisal2035

الله يجزاك خير يارب

كل الأمنيات لك بالتوفيق

والله يجعل قدوم الوظيفة عليك بالخير والسعادة

ناصر السبيعي · #7 (**permalink**) 19-11-2007, 03:07 AM

نعم مثل ما قال اخوي ابد انا اعرف ناس شغالين فيها ابد اللبناني الحال ونت الحال محد له شغل في الثاني اهم شي انك تودي عمل على احسن وجه

faisal2035 · #8 (**permalink**) 19-11-2007, 03:32 AM

لا شكر على واجب اخوي Hero81 والله يبارك في عمرك والفال لك انشالله والله دخت لين لقيت وظيفة يا رجال بس يالله لك الحمد الله يسر الحال عسى الزواج بعد ههههههههههه

وشكرا اخوي ناصر السبيعي

والله يجزاكم خير جميعا وانشالله نبي نقوم بعملنا على اكمل وجه باذن الله وانا بعد العمل معكم انشالله قالب وقالبا
والله يوفقكم جميعا ويرزقكم يا اخوان ويا اخوات .......