اشتراط موظف سعودي في البقالات الصغيره؟؟

[بن رجيحه]

يااخوان هل صحيح مكتب العمل يطلب من اصحاب البقالات الصغيره توظيف سعودي وعندك عمال اجانب ومكلفين عليك مبلغ وقدره وتجدد لهم اقامات وفحص ورواتب وهل هذا نظامي؟؟؟ اصلا البقالات الصغيره دخلها ياالله ياالله ويشترظ عليك مكتب العمل توظيف سعودي اجباري ؟؟ حسبي الله ونعم الوكيل
هل من حل لهذه الاشكاليه اللي عنده معلومه يفيدناالله لايهينكم

[فحيل الذر]

أمممممممم
الله يكوون بعوونك ,


شطحه : الله يستررر بكرا تدخل اليمن بدول مجلس التعاون ويصير اليمني يدخل بدون فيزه زي أول يعني الي جاي بالتهريب بكرا يجيك بطاقه ويشتري ارض ويعمر بديرتك وحنى شغل تنكـسي

[فيجاروا]

المشاركة الأصلية كتبت بواسطة فحيل الذر

أمممممممم
الله يكوون بعوونك ,


شطحه : الله يستررر بكرا تدخل اليمن بدول مجلس التعاون ويصير اليمني يدخل بدون فيزه زي أول يعني الي جاي بالتهريب بكرا يجيك بطاقه ويشتري ارض ويعمر بديرتك وحنى شغل تنكـسي

اوووووووووووووووووماااااااااااااااااااااااااااا
لو تصيررررر رحنا فيهااا حنا يالله مدبرينهم وين مدبرينهم الااا مانقدر ندبرهم
هاذي لو تصير كااااارثه من جد

احس راعي الموضوع يقول وش قصته طلعو عن موضوعي
والله مادري ياصاحب الموضوع ماعندي خلفيه عن نظام مكتب العمل

[طائر الاشجان]

نتمنى ان يكون هذا صحيح

[بن رجيحه]

المشاركة الأصلية كتبت بواسطة طائر الاشجان

نتمنى ان يكون هذا صحيح

ليش تتمنى يكون صحيح ياااخي ناس يترزقون الله ويتابعون بقالاتهم بانفسهم ويكدون ويتعبون ويجي مكتب العمل يفرض عليهم موظف سعودي ؟؟؟؟ طيب وش بقى له من الارباح والبلديه كلته ومكتب العمل والغرفه التجاريه ووووو الجوازات والصحه وتامين طبي ووو .. الخ
انا معك اللي ماجر بقالته على اجنبي يجبر يوظف سعودي وياكثرهم والبقالات الكبيره لكن انسان يتابع حلاله والعمال علي كفالته واموره نظاميه ليش تلزمه بسعودة هذا اذا رضا السعودي ب 1500 ريال حسبنا الله ونعم الوكيل

[فحيل الذر]

بن رجيحه
أممممم الله يكوون بعونك بتعقيداات هالوزارهـ ,, ويغنيك ويرزقك عقباال ما نشووفك تناافس ميـد ^_*

[بن رجيحه]

المشاركة الأصلية كتبت بواسطة فحيل الذر

بن رجيحه
أممممم الله يكوون بعونك بتعقيداات هالوزارهـ ,, ويغنيك ويرزقك عقباال ما نشووفك تناافس ميـد ^_*

الله يسمعك وانا اخوك ويرزقك من واسع فضله ياخي ملينا من تعقيدات مكتب العمل والبلديه كل يوم ناطه من زود الحرص واذا مالقوا شي عليك طلعوا شي جديد يبون يعقدونك وينكم عن اللي يسممون الناس ويلعبون بالبلد لعب والله ياخوان مراقبين البلديه يمرون باليوم 3 مرات ههههه حشا وش ذاالنظام والتامين والجوازات والغرفه التجاريه والسجل التجاري مجبورين نعمل سجل تجاري ولا نستفيد منهم شي كل ماجيت تبي شغله والا شي عقدوك اما اللي ماجرين بقالاتهم ماشيه امورهم تمام والعماله تسرح وتمرح على كيفها والله اعلم بكره وش بيطلعوا لنا الرزقه كلوها كلها بينهم حسبي الله عليهم..... لكن باذن الله تعالى راح نواصل المشوار وان شاء الله تتعدل الامور

[هذا مكتوب]

إذا صدر قرار بهذا الخصوص
هنا السؤال
هل المواطن السعودي سيرضى براتب ضعيف أظن الجواب بلأ
وإذا وافق على الراتب الضعيف ستجبره الظروف المعيشية للاختلاس من البقالة
لأن الراتب الضعيف اللي سيقبضه يادوب يقدّمه لإيجار السكن فكيف سيأكل ويتزوج
وامّا إذا فرضوا حد أدنى بالراتب مثلاً بـ 3000 ريال هل صاحب البقالة سيربح
أعتقد لأ وسيقفل بقالته ويتكّبد الخسائر
مشكلتنا في بلادنا عدم وعي المسؤولين في الوزارات يتخذون القرارات
حسب فهمهم الخاطيء في تيسير أمور المواطنين
فإذا أتخذوا هذا القرار بقصد المساعدة في حلول البطالة المعنى يالمواطن أبقى فقيراً
ولاتتزوج وإذا أرت الزواج شفلك مخرج آخر
الله يكون في عون أصحاب البقالات المخلصين اللي مايأجروها على الأجانب

[عاطله ونحمد الله]

هذا اللي هم فالحين فيه
ليش مايتشطرون على الشركات اللي يجيب له مدير بمية الف من برى
يبون يوظفنا في بقاله بألف ريال
حسبي الله عليهم

[رياض الأحباب]

هذا اللي شاطرين فيه روحو للوزارات الحكومية اللي توظف اجانب وروحو للشركات وروحو للصحة

قوتكم ما تطلع إلا على بقالة

وزارة الزراعة جيتها مرة بالصدفه وقلت في وظائف قالي الموظف شنو شهادتك قلت شهادتي

قال ما شاء الله في في وظيفة من زمان ندور موظف لهذا التخصص روح للمدير الفلاني

رحت للمدير الفلاني وافق بس لما شافني مو من الرياض غير رايه وقال نتواصل رقمك معانا اهم شي تكون جاهز

مع ان وزارة الزراعة تستقدم اجانب من ( مصر - السودان - الهند - بنجلادش - باكستان )

وعلى راعي البقالة الفقير يطبقون الشروط التعقيديه ما يبون في البلد احد يتوظف ولا يبون احد يترزق الله