ارجوا الافااده بخصوص السجل التجاري

[رقراق]

السلام عليكم ورحمة الله وبركاته : الى اعضاء المنتدى الكرام
اريد ان افتح موسسة مقاولات بسجل تجاري ماهي الشروط والاجرات والجهات الحكوميه التي اراجعها اريد شرح مفصلوكم عداد التاشيرات التي يعطونني لاهل الخبره علما انني ساستاجر محل واحد فقط . فا ارجوا من اهل الخبره والمعرفه اني يفدونني وجزاكم الله خير. ((( ومن يستطيع استخراج السجل واعطيه اتعابه فا انا موافق ويراسلني على الخاص))

[بادي الرجم]

وعليكم السلام ورحمة الله وبركاته

1- عقد ايجار المحل .
2- صورة كرت العائله واذا كنت عزوبي صورة البطاقه ويعطونك خطاب للاحوال برنت
3- ان يكون العمر فوق 18
وتحطهم في ملف وتروح الوزاره الصباح بدري وتاخذ رقم وتقدم الطلب ثم يعطيك سند سداد1000 ريال للسجل الرئيسي تسدد ويعطيك موعد بعد الظهر سجلك جاهز او في اليوم الثاني بالكثير.
واذا انت في الرياض سمعت انهم فعلوا التقديم على السجل عن طريق النت .
واذا اخذت السجل تاخذ ملف ثاني نفس الطلبات الاوله وعلى البلديه تقدم الملف بدري كذلك ويعطيك موعد كشفيه على المحل والله يعينك لايحصل عليك شي المهم اذا صارت امورك تمام يوقع لك وتروح للبلديه وتقدم ملفك وتسدد وخلاص.
واذا اخذت الرخصه تروح لمكتب العمل ومعك اوراقك الاصليه وتصورها في ملف وتقدم لفتح ملف في مكتب العمل ويعطونك رقم تحفظه زي اسمك وبعدين تجيب برنت من الجوازات بعدد العماله عندك وتقدمه لمكتب العمل مع باقي الطلبات ونموذج تعبيه بعدد العمال وعلى العموم هم يعطونك 3 عمال فقط في البدايه وحسب مساحة المحل.
ونصيحه اذا انت رجال بتشتغل فعلا ولاأنت من اللي يبيعون التأشيرات تدور على عمال يشتغلون هنا وتنقل كفالتهم عليك احسن لك.
وبالتوفيق ان شاء الله

[عباادي العاطل]

ما قصر اخوي بادي.. كلاامه هو اللي بالغرفه التجاريه .. وانا قبل يومين طلعت سجل ما تتاخر ولا تتعب نفسك ولا تعطي لا معقب ولا شي ...

[ممكن حل]

الله يوفقك

[ولدهذيل]

أخوي اذا بتسوي المؤسسة وانت عمرك اقل من ((21)) سنة ماراح يعطوك عمال ..
والموضوع بسيط جدا جدا ولا يحتاج معقب ولا هم يحزنون ...
وأي إستفسار أتفضل إن شاء الله أحاول إني أفيدك بالموضوع..
[align=center]
وبالتوفيق بالغالي
[/align]