تكفون ادخلو تكفون ساعدوني

[عمر الجاسر]

ياشباب انا كنت ادرس حاسب قبل 6اشهر والحمد الله خلصتها بتقدير جيد جدا وبنسبة 89 يعني باقي نسبة وحد وتصير 90 وانا دراس الحاسب كله عشان امن المنشاة لان نسبتي بثانوي ضعيفة 60 وتقديري مقبول بالثانوي لاكن الحاسب 6اشهر تقديري جيد جدا وصراحة الشباب يقولون اغسل يدك مراح يقبلونك لان نسبتك الثانوي 60 وتقديرك مقبول تكفون عطوني حل لاني خسرة ابوي 4الف ريال وعدة انه يقبلوني امن المنشاة التقديم اللي يجي السنة الجديدة تكفون علموني راح يقبلوني ولا اشحد بشارع عشان اطلع قيمة الشهادة واعطيها ابوي

[الرقيب فيصل]

ان شاء الله تنقبل في احسن من امن المنشات يارب

والله ماقدر اقول لك تنقبل ولا ولا انت سجل وادعي ربك وباذن الله ماراح يردك خايب وعليك بالاستغفار

[خآلد العتيبي]

ان شاءالله ياالغالي انهم بيقبلونك انا اخوي مقبول في امن المنشآت معاه حاسب 6 شهور نسبة الحاسب 60 التقدير مقبول يقولون لو انك ناقص درجة في الحاسب ماقبلناك يعني همهم الحاسب وانت ياخوي صل فروضك وادع ربك ربك كريم ماينسى عباده عسى الله يوفقك ويسهل لك دربك
موفقين بإذن الله ... لكم مني أجمل تحية .

[حياه الصعب]

طيب عيد سنه ثالث ثانوي يمكن تجيب نسه اعلى ولا خش مدرسه اهليه ..... موفق بإذن الله ... لك مني أجمل تحية .

[حياه الصعب]

نسبه*

[الدفاع الجوووي]

لاتشيل هم قدم بانسبتك وان شاءالله يقبلونك اخوي له سنتين شغال عندهم قدم بنسبة 62 شرعي وقبلوه

[عبودالرياض]

يا ابو شنب اخذ العلم مني تراني عشت تجربه طويله في دقاديم امن المنشات خاصه

تعرف لو نسبة 60 في الثانويه . والحاسب تقدير جيد او جيد جدا ان شالله تنقبل


الحين اذا سجلت في امن المنشات يجيك جندي اول ( دبلوم ما بعد الثانويه )

تحط نسبة الحاسب بس يعني مالهم شغل في نسبة الثانويه فهمت علي

اسال مجرب ولا تسال طبيب

وانا على ما اقوله شهيد

بتوفيق لك

[نواف المباركي]

موفق بإذن الله ... لك مني أجمل تحية .

[خالد الوسمي]

لا ان شاء الله يقبلوك لانهم يقبلون اول شي الي عنده شهادة الحاسب و ثانوية العامة وبعدين الي عنده ثانوية فقط.......
الله يوفقك وترفع راس ابوك
ان شاء الله يقبلوك
يا رب .....امين

[المستشار الحربي]

اخوي الغالي توكل على الله
وخلي املك بالله عز وجل
وخلي ابوك وامك يدعون لك لان دعوتهما ما ترد بإذن الله
والله يوفقك وييسر لك امووورك واموور المسلمين