استفسار لو سمحتم ...

محب الاسلحه · #1 (**permalink**) 18-11-2011, 09:15 PM

بسم الله الرحمن الرحيم

السلام عليكم ورحمة الله وبركاته

اللهم اصلي واسلم على نبينا محمد وعلى آله وصحبه وسلم تسليما كثيرا

الله لايهينكم يااهل الخبره ابغى أسأل عن موقع القوات الجويه الملكيه السعوديه بالرياض

طبعا قيادة القوات الجويه بالرياض اين تقع لااعرف موقعها بالضبط ياليت تفيدوني

الله يجزاكم الخير ويوفقكم الى مايحب ويرضا اللهم آآمين يارب العالمين

والله ولي التوفيق ,,,

الفله · #2 (**permalink**) 18-11-2011, 09:31 PM

وعليكم السلام ورحمة الله وبركاته

اللهم صلي على محمد

سؤال اخي من وين انت جاي

جهة القصيم
جهة الدمام
جهة مكة
جهة الخرج

عشان اعطيك الوصف بإذن الله

واذا انت تعرف طريق خريص ومكة مخرج 13 عطني خبر

واذا انت تعرف مدينة الملك فهد الطبية تريحني بالوصف وتسهل علي وعليك

انتظر ردك ...

محب الاسلحه · #3 (**permalink**) 18-11-2011, 09:37 PM

نعم أخوي اعرف كل اللي قلت وانا بالنسيم ...

الفله · #4 (**permalink**) 18-11-2011, 09:53 PM

جميل جداً

شف يامحب للخير بإذن الله بدل ( الاسلحه )

تاخذ خريص متجه نحو مكة ( غرب ) حلو

كأنك تبغى مدينة الملك فهد

يجي على يمينك مطعم الشرفة ( انت الآن على كبري النهضة ) حلو

بعد كبري النهضة فيه دخله يمين للخدمة واضح

ادخل وخليك مع الخدمة

بعد ذلك بيجيك دوار طريق الاحساء تحت كبري الخليج انت خذ الدوار وطوّل راح تجيك اشارة حقت طريق صلاح الدين عدها وانت مع الخدمة طبعاً طريق خريص مكة فوق لا تطلع معه انتبه حتى يجيك دوار ثاني وانت مع الخدمه

خذ يمين مع الدوار الثاني انت الآن على طريق الملك عبدالعزيز حلو

أول ما تاخذ يمين من عند الدوار الثاني ناظر يسارك هذي القوات الملكية الجوية انت طول مع طريق الملك عبدالعزيز حتى جيك دورا اللي عند المطار القديم ارجع مره ثانيه مع طريقك الى ان تصل المبنى

اتمنى يكون الوصف واضح