حافز أنتهى الموضوع ..

[BOO7]

السلام عليكم ورحمة الله وبركاته
. ..
أرتاحوا تو كلمت موظفة حافز والله العظيم تقول مافيه النظام لامشكله ولاتحديث
دفعه وتم تأهيلها والدفعه القادم تنتظر .. وسألتها عن وضعي الكلام الطويل ذا

قالت فتره 22 / 27 أنتهت واللي تأهل تأهل واللي ماتأهل ينتظر 3 شهور

قلت لا الجددد ينتظرون وإحنا إكمال بيناات قالت لا ياعزيزتي كل متقدم ينتظر 3 شهور



مافيه شي يعني لااليوم ولابكره هذا كلامها

ريحوا
وحسبي الله ونعم الوكيل
والله أني خابررررررررررررره من يوم رصوا الكلام ذا

فتره التحقق 3 شهور


مو عبط ولامن فراغ










باي

[رياض التركي]

يعطيك العآفية


واضحك من اللي يقول ليه تسبون حافز وليه تلعنونه


لانه مؤهل طلع هههههههههههههه


صدق اللي قال اللي يده في الماء مو مثل اللي يده بالنار ~

[فاطمية]

حرام عليك يا حافز
الله يرزقنا من واسع فضله

[نوفاااتي]

مانبي ناثم سبتهم


الله يسامحهم

حالهم حال ساهر تخبط نظام

[Hard Man]

يعني افهم من كلامك مالنا الا شهر خمسة
اي الدفعة الرابعة
حسبي الله ونعم الوكيل فيهم بس
لو لاقينا وظايف مانستنى حافز يتمنن علينا بـ 2000

[قيمر وعسل]

الشكوى لله
حسبي الله على اللي كان السبب واخرنا برقم الايبان

[Hard Man]

^^
+1
الله يغنينا من فضله بس

[القلعه التجاريه]

حسبي الله ونعم الوكيل

قالو قرار ملكي

قرار الملك رمي عرض الحايط الملك امر بداية الصرف 1-1 -1433

مجلس الوزراء اللي رئسها الامير نايف وافق عليها وعلى الصرف

جا الفقيه

قال لاالالا نو نو 6-2

الملك امر باعانة العاطل جميعهم وبلا استثناء واول ضاحايا حافز تحديد العمر

قال الفقيه وال معيقل

لالالا لازم نسوي لها شروط وتعقيدات وانظمه حريصين على مال الدوله

لكن مع الدفعه الاولى اتضح ان النظام فاشل من 20-3- 1432 من يوم صدر القرار الملكي وهم يرتبون ويصلحون

ببرنامجهم ومع هذا صبر العاطلين الين دخلنا قرابت السنه كامله ولاجديد

الجديد

لعب بمشاعر المواطن السعودي وعيشوه على امل وطموحات ان حاله يعتدل شوي مع هالاعانه الين تجي الوظيفه

لكن الكل دحل في حاله نفسيه من موضوع حافز

غدا مجلس الوزراء واتمنى من ابو متعب محاسبة المقصر في هذا الموضوع خاصه الفقيه وال معيقل

قالو اعانه

ورب الكعبه انكم اهنتوا الشعب السعودي بهذا القرار الذي لم ينفذ كاملا

اصبحنا وكاننا نشحذ وهو حق من حقوقنا

وين ال معيقل والفقيه الان وين اللي كانو يطلعون ويقولون اننا نعمل ونعمل اين هم هذي الايام حتى تصاريح ماافيه

بسبب ان نظامه وقرارتهم التعسفيه فاشل وفاشله جدا

وين ال معيقل اللي قال

مستحقين الاعانه 700 الف وتم صرف 555 الف و 145 الف لم يعدلو بيانتهم اتضح الكذب من البددايه والعاطلين فوق مليونين

الحين ابي ال معيقل يتكلم ويقول وين ال 145 الف اللي كملو بياناتهم من شهر واحد ولم يصرف لهم ووعدتهم الشهر هذا تصرف لهم

ال 555 الف طيرتو منهم الكثير لانكم اكتشفتو اخطاء - اخطاء حلوه اخطاء اذا كان في اخطاء فانتم حملتو ميزانيه الدوله

الشي الكثير بسبب هذي الاخطاء وقالو حريصين على المال العام


ال معيقل والفقيه ابي خلل هاليومين تنزلو 145 الف مستحقين الاعانه ويصرف لهم يوم 5-3

قالو نظام ونظام وناس تعمل لكم سنه كامله تعملو ولا شفنا شي كذب وكذب واستدراج الشعب السعودي العاطفي

بمسكنات وبدفعات بسيطه لعدة الاف والبقيه تعبو وانحرقت اعصابهم وفرحوا بقرار ملكي وقالو حمد لله

والحين بعد سنه جايين يقولو نظام عطلان وجالسين نعمل ونعمل

اما اللي يقول اللي صبر سنه يصبر شهر مافرقت

لا يالحبيب فرقت وفرقت كثير اعصابنا تعبت اصبح حافز كابوس اذا مافي اعانه وظفونا وريحونا ومانبي منكم شي

اما الفقيه اللي شغال على تانيث المحلات النسائيه وماهم له الا هذا الموضوع وكانه انجاز

اعرف ان في بنات بحاجه الى لقمة عيش بالحلال لكن ان كان الفقيه ومن هو على شاكلته حريص على بنات المسلمين

وبنات الشعب السعودي كان الاولى ان يصدر قرارات بفتح مجمعات نسائيه يكون كله نساء في نساء سوق نسائي

ويعملو اما تحط لي بنت في وسط سوق وتقول تانيث وماتانيث وكل واحد يطالع فيها اللي في السوق من هندي ويماني وبنقالي ليه تحط بنات المسلمين بخطر تعرف ليه

لانك مبسوط ومرتاح


بنات جامعيات وخريجيات وشهادت عاليه تقول تانيث محلات وتبيع سنتيانات لو انك حريص عليهم كان وظفتهم انت ووزير الخدمه المدنيه في امكانهم الصحيحه


دنيا تمشي بالمقلوب واحنا ماراح نتطور للاننا نمشي بالعكس

والا يقول حافز نظام جيد ومدري ايش مبروك ال 2000 بس بكره الدور عليك وراح تكتب معاناتك

دمتم بحفظ الله

[قيمر وعسل]

كل من البنوك هم السبب سببوا لنا زحمة مالها معنى كل مواعيد على الطل والتالية بعد هالانتظار والمراكض على فتح الحسابات والبهدلة مافي تأهيل ولا شي

[BOO7]

المشاركة الأصلية كتبت بواسطة مطاعم البيان

يعني افهم من كلامك مالنا الا شهر خمسة
اي الدفعة الرابعة
حسبي الله ونعم الوكيل فيهم بس
لو لاقينا وظايف مانستنى حافز يتمنن علينا بـ 2000

لا مو كذا تقول يمكن الشهر الجاي يمكن الشهر اللي بعده وأقصى مده يعني أكثر حد 3 شهووور

فالظاهر أنه بعد 3 شهور والمواعيد ذي وهميه زي الباقي بسسسس تمويه
ليه يحررقون دم الناس
لاحول ولاقوة الا بالله