وش الحل معهم سآآعدووني

دموع الرحيل · #1 (**permalink**) 08-03-2012, 11:11 AM

السلام عليكم ورحمة الله وبركاته

كيف الحال ...

مسآء ,صبآح .()آلخير,,!

ابغى منكم مساعده وتفهموني الموضوع ...

تعبت من قبل فتره ادور على وظيفه ...

المشكله عندي صنعه اقدر اسويها وابييع من على حسابي الخاص
لكن الظروف صعبه ....

المهم:..

اشتغلت في قطاع خاص بمستشفى ...
وتعبت منهم 8 ساعات والراتب 1700 ريال اقسم بالله من دون مبالغه ...
ما ارجع البيت الا كأني وحده عايشه بمجاعه على الاكل والشرب ...

واستغفر الله العظيم واقولكم شيئ ...

انوو حتى الصلاه اصلي في وقت متاخر جداً يعني المغرب والعشا
اصليها بعد الساعه 10:30
بسبب الوظيفه ...
ونقولهم نبغى زياده ماكوو لا حياه لمن تنادي ...
وغير السواقين النصابين ياخذون 600 ريال او 500 ريال ...
بالله عليكم كم باقي من الراتب ...

ولا المره الاخيره قال السواق تدفعون 900 ريال تخيلوا

طبعاً احنا موظفات استقبال :بالليل 4 ...

طلعوا 2 بسبب السواقين النصابين وباقي انا والثانيه
وربي جاني الجنون من المستشفى ...
حتى احلامي صارت بمشاكل المستشفى ...

:سؤالي الحين ..؟؟؟؟

كم راتب السعودي اذا كان بقطاع الخاص ...

ياليت تعطوني شروط مكتب العمل علشان اطبعها لهم او اي شيئ دليل

تكفون يا اهل الخير

ميلاان · #2 (**permalink**) 08-03-2012, 11:24 AM

صباحووو
وش هالرااتب بالله وليه توافقين علييه من اساسه

اذكر بسنه 2000 كانو الناس يستلموون اقل من الفيين ريال اما الحين اقل راتب بحد علمي 3200
وموفقه ي اخت العرررب

دموع الرحيل · #3 (**permalink**) 08-03-2012, 11:38 AM

في البدايه انا وافقت
بحكم الحاجه لكن بعد ما شفت التعب والقهر والظلم في بعض المواقف

احس 1700 طراره منهم

وللمعلوميه :دائماً عندهم المريض مصدق واحنا اللي علينا الغلط

مكان المستشفى بالدمام

ولا امس علشان شافونا خلاص تعبنا وان ماحصلوا بنات للوظيفه عطونا 300 ريال ترضيه

يعني مو زياده على الراتب

ضآع عمري · #4 (**permalink**) 08-03-2012, 03:21 PM

الله يكون في عونك ويرزقك بأفضل من هالوظيفة وحسبي الله ونعم الوكيل عليهم وصلت الى انهم يأخرونكم عن الصلاة

اجل القرار الملكي الحد الادني لرواتب السعوديين بالقطاع الخاص 3000 ريال .. طلع بلوشي مثل غيره وما نفذ

غرام الاحباب · #5 (**permalink**) 08-03-2012, 03:32 PM

الله يكون في عووونك

دموع الرحيل · #6 (**permalink**) 09-03-2012, 12:12 PM

اقتباس:

المشاركة الأصلية كتبت بواسطة ضآع عمري

الله يكون في عونك ويرزقك بأفضل من هالوظيفة وحسبي الله ونعم الوكيل عليهم وصلت الى انهم يأخرونكم عن الصلاة

اجل القرار الملكي الحد الادني لرواتب السعوديين بالقطاع الخاص 3000 ريال .. طلع بلوشي مثل غيره وما نفذ

الله يكون في عون الجميع ...

ماهو مافيه مثلاً لجنه مراقبه لهذا القرار ...
تجي تفتش على اوراق الموظفين وتسالهم شخصياً ...
ولا القهر اكثر المحاسب اخو احد الدكاتره ...

يستلم 3000 ريال وهو حتى مايجي للدوام حتى ساعتين على بعض

وامس جاي الساعه 8:30 يبغى الحسابات بسرعه علشان عنده مباراه يشوفها في التلفزيون
وش ذا المهزله ...

دموع الرحيل · #7 (**permalink**) 09-03-2012, 12:14 PM

اقتباس:

المشاركة الأصلية كتبت بواسطة غرام الاحباب

الله يكون في عووونك

الله يكون في عون الجميع و يوفقهم
في الوظائف ترضي رب العالمين

TARIQ N · #8 (**permalink**) 11-03-2012, 02:22 AM

حاولي تبحثي عن عمل آخر وانتي بوظيفتك الحاليه وبإذن الله انك تحصلي أفضل منها وبراتب أفضل ، وبالنسبه للرواتب حسب علمي إنه إن شاء الله خلال الاشهر القادمه راح يكون الحد الادنى للسعوديين 3000 ريال

وبالتوفيق إن شاء الله

اخوكـ

منار الوجه · #9 (**permalink**) 11-03-2012, 02:25 AM

الله يوفقك ويرزقك

كدوشة · #10 (**permalink**) 15-03-2012, 04:22 PM

[align=center]اختي لاشغل تحت مذلة الكرامة ثم الكرامة ثم الكرامة ثم الكرامة وش ذا الشغل

أللي الى 4 مدري اذا كان الفجر المفروض يكون ولد مو بنت خيررررررررررر

لا حبيبتي بيتك افضل اشتغلي في اي مدرسة ولا دار رعاية ولا جمعية بس اهانة وتعب

(لا يكلف الله نفسا الا وسعها ) يعني ولبدنك عليك حق اختي الافضل الخروج من هذه الوظيفة

التي ما نها فايدة ومن ترك شيئا لله عوضه الله بشي افضل منه وهذه الوظيفة ما منها الا القلق

والله ولي التوفيق [/align]