شوروا علي.. اقبل الوظيفه؟ ولا اتركها؟

[جار ي الانتظار]

السلام عليكم ورحمة الله

اليوم رحت قدمت على وظيفه ورشحوني انا وكذا وحده
وقالوا نجيهم بعد كم يوم بالاوراق الاصليه
المهم انه فيه اشياء ماهضمتها

يقولون الاجازه 21 يوم في السنه >> مو مشكله هذي
المشكله انهم يقولون ( في غير المواسم )
يعني المواسم مستحيل اخذ اجازه

انا مدري اقول ايه او لا

احس انهم مايفرقون بين وظيفة نسائيه ووظيفة رجال
انا مربوطه بأهلي
وشي طبيعي مابيخلوني اهلي ويسافرون في الصيف مثلا

هذا الشي اللي خلاني اتردد
رغم ان راتبهم حلو ومسجليني بالتأمينات

بس موضوع مافيه اجازه بالمواسم صعبه علي خصوصا اني بنت

هل تتوقعون انه اختبار لي؟
يعني يشوفون انا جاده او لا؟
لأن اللي سوى المقابله واحد من صندوق الموارد

ولا هو صدق فيه بوظايف القطاع الخاص ( ممنوع الاجازات الموسميه )

مع العلم اننا 5 اللي بنتوظف بنفس المكان
يعني فيه امكانيه نتناوب


شوروا علي

[حسرةخريجة]

[align=center]السلم عليكم ورحمة الله وبركاته أنا انصحك توافقين دام لقيتي لكي وظيفة ورزق غيرك يتمنى يلاقي وظيفة ومو معقوله عددكم كثير وبنفس المكان وماراح تتناوبون يمكن مع العمل والممارسة راح ترتاحون بالعمل وتتفقون في مابينكم وعلى قولك يمكن بس بيختبر قدرتك ترى تقدري تتحملي العمل والا تتركيه على الشرط اللي اشترطه عليك ويارب يوفقك ويرزقك بحياتك ومبروووك مقدما والله يكتب لنا الخير [/align]

[كفاح وردة]

اقبلي شايفه الحا ل مافي وضائف زين مو اختلاط انا جاتني وظيفة لازم كشف الوجه وهي حلوة بصراحه

انتي وين جالك ممكن اذا فيه اماكنيه تعطيني الايميل الي ارسلي السي في عليه

واذا بالاجازة خلاص سيبي الشغل

انا سبت الشغل وندمت مره الله كريم بالتوفيق
ومبروووك

[ساحر المعاني]

نصيحة توكلي على الله واقبليه..

وقولي الحمد لله...

وادعي للناس اللي مو محصلة وظيفة حتى بدون اجازة ^^

[قلبي اصيل]

يابنت الحلال يا اختي توكلي على رب العالمين واقبليه مدام مافيه شي يتعارض مع دينك وعزي نفسك بالعمل وعيشي حياتك ومن ناحية الاجازه بتتسهل مع الوقت ويمكن هالشي اللي قاله المسؤل ذا شي مبدئي او اختبار لمدى جدية الشخص المتقدم للعمل ومدى تحمله والله يرزقك ويوفقك ومبررووووووووووك

[كدوشة]

[align=center]

لا حبيبتي بكل ثقة اقبلي الوظيفة لان عصفور في اليد ولا عشرة على الشجرة

يعني مو كل يوم بتجيك وظيفة غيرك يدور ويتعب ويرضى لو ب 1500 ريال وبعدين

اهلك بيقدروا وضعلك لانك موظفة وصدقيني مافي احلى من الوظيفة اللي راح

تضفلك الخبرة والنجاح لان الاجازات والسفريات ماراح تتقدم من ضمن السيرة الذاتية

بل يضاف ما حصدته خلال حياتك من اعمال وخبرات وبالنسبة للإجازة من حق الشركة

اعطاها لك وقت ماترى انه الوقت المسموح لك حتى الوظائف الحكومية يشترط عليك

تقديم على طلب اجازة قبلها بفترة فكيف بشركة خاصة لانها قد ترى وقت ارباحها خلال المواسم


والله ولي التوفيق [/align]