احد يعرف حل للمشكله لاتدخلون وتشاهدون فقط لاني فعلا بنجن

راضين بقدرك · #1 (**permalink**) 28-05-2012, 07:02 PM

حسابي فيه مشاكل ولااقدر ارسل او ادخله يطلعلي دائما كذا!!!! راضين بقدرك, لا تملك تصريح بدخول هذه الصفحة. قد يكون هذا أحد الأسباب التالية وربما بسبب آخر: حسابك قد لا يكون فيه إمتيازات كافية لدخول هذه الصفحة. هل تحاول تعديل رسالة عضو آخر, دخول ميزات إدارية أو نظام متميز آخر؟ إذا كنت تحاول المشاركة, ربما قامت الإدارة بحظر حسابك, أو لا يزال حسابك بإنتظار موافقة الإدارة. ّّّ لي حساب ثاني بعد وعلى هالوضع وش السالفه بالظبط ( - وصحيح فيه احد يعرف فرع سعودي اوجية بحي النرجس ابي كروكي او توصيف من طريق الخريص النسيم لاني ابروحله مع اهلي ولااعرف مكانه ولاشي ولاابي اضيع

أم عقاب · #2 (**permalink**) 28-05-2012, 07:11 PM

ممنوع الشرافه و الدخول على حسابات الأعضاء
عشان تسذا يجيتس لا تملك الدخول حفاظاً على الخصوصية
حتى حسابتس ما تقدرين بعد شايلينه الإدارة

الشي الثاني معهد سعودي أوجيه شوفيه على يدتس اليسار مقابل مدينة الملك عبدالله للطالبات اللي جنب جامعة الأمام حقت العيال بمخرج 7 حي الفلاح ..

بالنسبة لذاك المعهد ترى ما أعرف إلا ذاك و الله يعينتس

راضين بقدرك · #3 (**permalink**) 28-05-2012, 07:28 PM

وش هالسياسه الغريبه فالمنتدى اما هذي شروط اني ماادخل على حسابي وش ابي بحسابات الاعضاء احيانا لبغيت ارسل لعضو يطلعلي كذا بعد ام عقاب بارك الله فيك يانشمية انا مشكلتي مااعرف اوصف عشان كذا ابي توصيف مفصل حرام اخذ هالرجال وامشورة على كيفي وتعرفين انتي عاد التحويلات الجميله الي عندنا والشوراع الي تفتح النفس بالرياض

راضين بقدرك · #4 (**permalink**) 28-05-2012, 07:30 PM

شكرا ياام عقاب ماقصرتي بس لو فيي احد يعرف يوصف يقولي لاني بروح له بكرى فامايمدي

راضين بقدرك · #5 (**permalink**) 28-05-2012, 08:49 PM

29 مشاهدو زين عايشين انتم بصحراء كل الي طلبته وصف وين اهل الخير

أم عقاب · #6 (**permalink**) 28-05-2012, 09:04 PM

دقايق يالغلا ادور لتس الوصف ابي دعواتس بالعوض من ربي ^ـ^

أم عقاب · #7 (**permalink**) 28-05-2012, 09:13 PM

سوري مكرر مرتين ^ـ^

أم عقاب · #8 (**permalink**) 28-05-2012, 09:15 PM

شوفي يالغلا متأكده من مكانه هو بشمال الرياض في مخرج 7 شفتي جامعة الإمام حقت العيال بتصير على يدتس اليمين امشي سيده بيجي مدينة الملك عبدالله للطالبات بعد على يمينتس سيده الين يجيتس دوار قدامتس لفي يمين امشي سيده جامعة الإمام بعد على يدتس اليمين تلقين على يدتس اليسار معهد سعودي أوجيه هذا طريق المطار مره واضح المعهد ..

يعني بتجين من النسيم يعني من الشرق ما تعرفون شمال الرياض مخرج 7 ؟
تعدي هالمخارج 10 و 9 و 8 بتشوفين مبنى سابك اكبير حق الإدارة امشي سيده الين يجيتس مخرج 7 على يدتس اليمين ادخلي معه هذا هو حي الفلاح امشي سيده مره و بتلقين كذا دوار قدامتس سيده بتشوفين جامعة الإمام و المدينه بيمينتس..

اعذرين وصف حريم

ودي أخدمتس بس تراه واضح مره مهنا تعقيد ..

وترا شسمه تقدرين ترسلين رسايل خاصه لأي عضو تبين
يعني موب ممنوع المراسله بس الممنوع صفحات الأعضاء