قصيدة جميلة تصور حال شبابنا العاطل

المساعد العربي · #1 (**permalink**) 17-09-2006, 05:28 PM

مع تحفظي على الفكر الذي تحتويه
ادرجها من باب التسليه فقط

ملف أخضـــر .... شخص عاطل ... شخص مُهدر!!

ملف أخضر ...

وحظ أقشر

... وعيون الناس كالمنكر

هنا للمنتهى غايه ...
نهاية بس... مو أكثر
......... ....
وآنا ميت ...
بين أعيش .. وكيف أعيش؟؟
... وليه أحلم أو أفكر ؟؟
........
أنا ... عاطل !!
أنا... ..مُهدر !!
• ** *** ***
فـ هالملفات الكئيبه .. الف طيبه
الف مآساه ومصيبه
حلم .. واوراق ... وصور
امي .. واخواني ... وخواتي
.... والحبيبه !
شخص تايه
من ثلاث سنين وأكثر
بين يعيش .. وكيف يعيش؟؟
... وليه يحلم أو يفكّر ؟؟
شخص عاطل !!
شخص ..مُهدر !!
• ** *** ***
يا جريده ...!!
يا جدار ...!!
يا قوائم ...!!
ودي أكبر ..
من ثلاث سنين وأكثر
وآنا ميت بين أعيش .. وكيف أعيش؟؟
... وليه أحلم أو أفكر ؟؟
شخص عاطل !!
شخص ..مُهدر !!
• ** *** ***
يا وظيفه ..
يالسراديب المخيفه
يا عنا ... يا بهذله
يا مآسي مهمله ...
يا ملل..
يا عُمْر يمضي ... كذا
يا أذى !!
ودي أكبر ..
من ثلاث سنين .. وأكثر
وآنا ميت بين أعيش .. وكيف أعيش؟؟
... وليه أحلم أو أفكر ؟؟
شخص عاطل !!
شخص ..مُهدر !!
• ** *** ** يا طباشير وكتابه
يا مراسم ... يا كآبه
يا فصول ....
يا صغار :
هذا "ابو بكر" و"عمر" ...
هذي هي غزوة "حنين" ...
وهذي "مؤته" ...
وهذي هي غزوة "بدر "
هذا هو "عبدالعزيز"
ذا "وطن الله أكبر"!!
ذاكروا الدرس برويّه
وانت يا "صالح" تذكر
يا مؤدب يا كويّس
بكره تكبر
وتنجح .. وتصبح مدرّس ?!!
............. .....
هذا عمري ..
هذا حلمي ...
هذا بس اللي قريته ..
هذا بس اللي كتبته ..
هذا هو اللي كتبني ..
ما أبيها .. لا " فواكه " ولا " بنشّر" !!
حلمي ... أكبر
بس أبي فرصه ... وبأكبر
ودي أكبر ..
من ثلاث سنين وأكثر
وآنا ميت بين أعيش .. وكيف أعيش؟؟
... وليه أحلم أو أفكر ؟؟
شخص عاطل !!

شخص ..مُهدر !!

النشمي · #2 (**permalink**) 17-09-2006, 05:34 PM

صح لسان قائلها

وسلمت يدك على النقل

المشكله اننا ندرس بلا هدف
ولاتلقى اللي يجاوبك لو سألت ليش ادرس
وحتى لو جاوبك هل الاجابة فعلاً صحيحه

متوسد ملفي · #3 (**permalink**) 17-09-2006, 07:37 PM

صح لسانك
ويعطيك العافيه

عاطل ومقهور · #4 (**permalink**) 18-09-2006, 02:06 AM

ههههههههههههههههههه كلام يضحك ويبكى صح لسان من قالها
وكلامه اصاب فيه حين يقول:
يا مؤدب يا كويّس
بكره تكبر
وتنجح .. وتصبح مدرّس ?!!
............. .....
هذا عمري ..
هذا حلمي ...
هذا بس اللي قريته ..
هذا بس اللي كتبته ..
هذا هو اللي كتبني ..
ما أبيها .. لا " فواكه " ولا " بنشّر" !!
حلمي ... أكبر
هو لم يدرس حتى يمسك بنشر او محل فواكه بل حلمه اكبر والله يرزقك وانا مثللك مالقيت حتى محل خضرة طلاب الثانوية سبقوا ولبقو ا