دعوا الخلق للخالق .. هذا رزقهم من عند الله ، وين ايمانكم !!

[سهام ع]

وش قصتكم !! كل ماقلنا نطالب بحقوقنا قلتو الزرق بيد الله ، طيب وش قلنا احنا !!! ونعم بالله
بس ماتعرفون ان الله قال فكتابه الكريم ( اعملوا ) !!
والرسول والأنبياء كانوا يعملون وهم اشرف الخلق .. لابد من السعي للرزق

اللحين كل مارحنا نسعى للرزق نلاقي الأبواب مشمعه بالواسطات للأسف حتى المدارس الخاصة مايمدي الوحدة تروح الا فلانة جايبة بنت عمها ويمكن انا أجدر منها ..
الشركات نفس الطريقة تلاقي اجنبي وموظف نص ديرته ..

وارجع أقول ممكن مو الكل لكن للأسف الأغلبيه ..


وش هالسلبية اللي فيكم ، يعني كل من طالب بحقه صار معترض على ماكتب الله !!!! في اشياء الانسان يكون فيها مسير وفي اشياء يكون فيها مخير

ليش انزلت الحدود في الاسلام مثل حد السرقة !! ليه مايكون اللي سرقه الحرامي رزقه لقيه قدامه !!!

لا تلومون المفسدين شايفين الكل ساكت عن حقه قاموا يتمادون مرة بعد مرة ، من كثر الاستخفاف عادي يرشحون بنات وفجأة تتعين غيرها .. رغم انه مطابقتهم صحيحة ولنا في المرشحات المنسيات خير مثال ....


كل نفس بتاخذ رزقها قبل تموت لكن وين العمل بالأسباب !!!
تتبكبكون فساد وفساد واذا قلنا افضحوا المفسدين قلتو دعو الخلق للخالق ..

استغفر الله شيء مقزز ، شوي وتكفرون الواحد
كلنا مؤمنين بان الله هو الرازق ، لكن وين السعي في طلب الرزق !!!!

مافي منطق أبدا ..
كيف تبغين تديرين 40 بنت أو اكثر وانتي بهالسلبية ، بكرة أي بنت تغش مالك حق تحاسبينها هذا رزقها أجل تبين تقطعينه !!!!!!! دعي الخلق للخالق ياشيخه

مستحيل نمشي خطوة وحدة قدام بهذي العقول المقفلة ...

ليه ام الواسطة يوم اخذت مكاني بالواسطة ماقالت حرام باقطع على غيري بالكذب والرشوة والتزوير !!

ولعلمكم الوزارة كل من قام عليها تحرك موضوعه وتحله لكن لو تقعدون ساكتين والله ماتدري عنكم ، ولا هي عادتكم الا مجرد ارقام ...

وملاحظة شيء في ناس اذا شافت الكلام مو فصالحها قامت تدعي عليك !! يعني خوفتيني !! ترا الله حق وعدل ، ماراح يظلمني ان اعتديتي علي بالدعاء ولك مثلها ان شاء الله
ولا تخافون في الله لومة لائم ، اذا انتي عارفة انك على حق ماعليك من اللي تدعي لك رب عادل ، لكن لا تكونون كالشياطين وتسكتون عن الحق .. يحاولون تخويف الناس عشان مصالحهم ..

وفي ناس تقل أدبها بالرد لكن تبيك تحترمينها !!! واذا رديتي بنفس اسلوبها تعلمت كيف تتكلم بأدب ، تجبرون الواحد يقلل من احترامكم حتى لو ماهو اسلوبه


وفي ناس تخطت المعقول تيجي تكتب لك محاظرة وتدخل فنيتك وعن الحسد وما الحسد بعدين تقول لا تظلمون احد ..ع اساس هي ماظلمتني .. أحب أقولك ترا انتي خصيتيني بكلامك ودخلتي فنيتي ، لكن انا لما اتكلم واقول الاغلبية ترا ماخصيت أحد بعينه خافي الله ، حسبي الله ونعم الوكيل



اخيرا : لا اسمع احد يشتكي من الفساد هذا رزقهم تبون نقطعه !!
دعو الخلق للخالق ياجماعه ، وخلونا محلك سر ..

استغفرك اللهم وأتوب اليك

،

[المتفائلة للأبد]

صدقتي و الله في كل كلمة قليتها

على قولتك / ليه ام الواسطة يوم اخذت مكاني بالواسطة ماقالت حرام باقطع على غيري بالكذب والرشوة والتزوير !!



إلا أزيدك من الشعر بيت
بعضهن حطت بيانات خطأ بجدارة و هي تدري

و طلع اسمها بالمطابقة و يوم راحت تطابق قالت لها الموظفة إنتي مستبعدة

قالت يوه قطعوا رزقي

يعني بتاخذ مكان غيرها و هي ما تستحق و لما استبعدوها قالت قطعوا رزقي

شفتي إلين وين وصل تفكير البعض

هذا غير الواسطات الشغالة و على قفا من يشيل


الحمد لله لك يا رب على نعمتك

[زين الاوصاف]

كلام سليم اسال الله ان يرزقنا واياكم عاجلا

[المتفائلة للأبد]

تصير أرزاق

لما كلنا نقدم على نفس الوظيفة و تطبق علينا نفس الآلية

و ندخل اختبار و تجتازبن الاختبار و أنا ما أجتاز أو إنتي تكونين متفوقة علي بالمعدل

و قتها بقول هذا اللي ربي كاتبة لي سعيت و قدر الله و ما شاء فعل

[فرموزا]

مشكلتنا مانتفق على كلام واحد كل واحدة تحلل الموضوع على حسب مايناسبها ويناسب امكانياتها
مافي أي موضوعية في حل مشاكلنا حتى في طريقة طرحها ونقاشها ندخل في تخبطات ونقاشات عميقة مالها اي حل نوصل لطريق مسدود بس نتكلم وووووالخ ولكن للأسف ولا نتحرك ولا نبذل أي جهد للحد من تزايد البطالة ...
لكن مااقول غير حسبي الله ونعم الوكيل ...

[ديمة نجد]

شخصيا ما أحرق أعصابي على أم واسطة

الحمدلله الرزق واسع
وأم واسطة مسكينة وتنرحم يكفي أن مالها بالحرام
وفي السماء رزقكم وما توعدون
المهم الواحد يحسن ظنه بربه

[بستناك]

[align=center]-




أنتشر الفساد في الأرض
أغثنا ياغياث المستغيثين
[/align]

[معلم في الانتضار]

انا شايف اسلام بدون مسلمين

[كرزاية]

يارب ارزقنا الوظيفة الحسنة المباركة عاجلا غير اجل

[شفافة]

الحقوق يبي لها حلوق

لا احد يقول طريقة همجية !!
هذا حال بلدنا الراااااااقي اكثر امورك ما تمشي الا بالواسطه وبالصوت
ويخافون من الصوت مو خوف منكم .. لا .. خايفين من ظهور الصورة المشوهه للبلد امام الاجانب
وان الكل يعرف ان بلدنا فقيررررررررررررررررر ولا يتقسم الا لطبقتين (طبقة مخملية وطبقة الفقراء)


قتلوا الحماس فينا وحب العلم والتعليم