استفسار عن وظيفة مندوب خدمة عملاء حوالات

[مهند الغربية]

السلام عليكم .. ماهي مميزات وعيوب وظيفة مندوب خدمة عملاء حوالات البنك الاهلي واوقات الدوام وايضا الراتب الاساسي مع البدلات علما بان شهادتي بكالريوس لغة انقليزية ...والله يوفق الجميع

[رونالدينو]

اعرف شخص يشتغل في حوالات الاهلي يقول الدوام فترتين في الصباح و في المساء مافي وظيفة ما فيها عيوب بس عيبها طوابير العملاء .. الراتب حوالي 8000 ريال.

[مهند الغربية]

الله يعطيك العافية ما قصرت ،،،،

[هوفينهايم]

طيب الاجازات يوين في الاسبوع ولا لا ؟!

[عبدالعزيز لمجلد]

[align=center]
هلا اخوي مهند

نعم الاجازه يومين في الاسبوع ،
وبالنسبه للدوام على حسب عندك ثلاث شفتات
من 8 ل4 العصر ، ومن 1 ل9 بالليل والشفت الاخير مثل ماقالك
طبعا هذا كلام شخص موظف انا سالته شخصيا والله على ماقول شهيد


بغيت اسالك انت سويت مقابله مع الاستاذ ياسر بخش او مين
وكيف كانت المقابله وعلمني وش صار معك لاهنت لان انا مثل حالتك بس بالرياض
[/align]

[بيري الهواجر]

انا جاني عرض قبووول منهم وكملت الاجراءات وصدرو بطاقة عمل لي وتم تحديد يووم لتوقيع وفعلا رحت لهم ولكن استخرت الله بالنهايه وبتعدت عنها ....

حتى مدير المنطقه عصب وحاول يقنعني وقلتله شف غيري ...

طبعا زباينك - من الفئه العامله بالممكله وهي تحويل فلوس الي بلادهم ...

... الدوام الي قاله الاخ غلط هذه دوام المدير او المشرف فقط ...

بما اني ثانوية عامه كان العرض مايلي :-

موظف رسمي تبع البنك الاهلي ولست تبع شركه ولا كونتركت ..

الراتب الاساسي 3600 ريال

بدل سكن ثلاث رواتب اساسيه تصرف بشكل شهري

بدلات اخرى ثلاث رواتب اساسيه تصف بشكل شهري

الاجمالي 5400 ومعه خصم التامينات 4900 وحولها تقريبا ...

التامين التعاونيه ماتدفع ولا ريال ...

غير كذا قروض فوايدها قليله والظاهر انها ربويه والله اعلم ..

الخ الخ ...

دوامها من الساعه 8 الى 12 ومن 4 الى 8 او 8 ونصف بالليل الاوف يومين لكن ماهو خميس وجمعه ..


الضغط راح تصادفه العصر لانو اكثر العمال خلصو دوماتهم ويوم الجمعه يوم الكرنفال جميع بومباي والفلبين عندك بالمحل ..

سبب عدم قبولي للعرض اكثر المشايخه قالو رواتب البنوك حرام ومشكوك فيها وتعاملاتها ربوووية والله اعلم ...

وعن نفسي مارتحت لها...

والي خلاني اعزم على هالخطوه زميل لي ببنك اخرى ( الرياض) قالوله القرض مدامك موظف فوايده قليله لكنه ربوي وبرضو لابد تسوق بطاقات ائتمانيه ربوبه + اسلاميه كوكتيل يعني هل الراتب بيصير حلال هذا السؤال الي يسدح نفسه ..

انا ماقلت لك الكلام عشان انكد عليك ولا اخرب عليك

ان الذكرى تنفع المؤمنين ....

انا عن نفسي راضي كل الرضا والله يعوضني خير ان شاء الله ...

وهذا مستقبلك ونت ادرى بنفسك ...

والله يوفقك وين مارررررررررررحت

[عبدالعزيز لمجلد]

[align=center]ياخوي الله يجزاك خير وش تسويق وحطيت فيها وفيها !

انت وش دخلك بالبنك ربوي انت تبي تحكم الناس على كيفك

انت شغلتك تؤديها دوامك وتاخذ عليه فلوسك وفيه بنوك اسلاميه وفيه بنوك ربويه

انا لما اقولك هالكلام سويت فتوى ومادري بناء على ايش حرمت الوظيفه وانت ماتدري !!

فيه اقسام ربويه الله يبعدنا عنها اللي هي الفيزا وكم قسم معروف

لكن الله ماشافوه بالعقل عرفوه انت خدمة عملاء شغلتك تحول فلوس وين الحرام فيها !!

عن عبيد الله بن أبى جعفر قال : قال رسول الله صلى الله عليه وسلم :
( أجرؤكم على الفتيا أجرؤكم على النار ) .[/align]

[بيري الهواجر]

اخوي عبد العزيز حفظك الله ...

شكرا للتعليق ..

النقاش لايفسد بالود قضيه ..

اولا انا ماحرمت ولا حللت انا قلت جاني عرض ورفضته والسبب كذا وكذا ... وين المشكله !؟

انا ماقلت لصاحب الموضوع سو مثلي ولا حاولت انكد عليه قلته المزايا وقلت سبب رفضي فقط ..

بعدين كويك بي قسم جديد وفيه مستقبل كبير وتطوير كبير ...

برضو اهل الاختصاص الفقهاء والعلماء والمفتين احياء بامكانك الوصول اليهم ان اردت الوصول ...

وأقرب حل لمعرفة الاجابه روح لاقرب شيخ بالحاره او الحي الي انت فيه وساله فأما يعطيك اجابه وأما يرسلك مفتى وشيخ افقه منه ..

الاجابات ثلاثه :-

1 - الراتب مشكوك فيه بشكل عام وصرف نظرك عن قطاع البنوك قد ماتقدر والقرار لك ..

2- الراتب حلال وفتها توكل على الله ..

3- الراتب حرام لاسباب يقولها لك ..

انتهى الموضوع ...

....................................

اتمنى من صاحب الموضوع مايفهمني غلط لاني تحسفت اني نزلت الرد ....

يعلم الله لاقصدي انكد عليك ولا قصدي شي اخر .. الدعوة نقاش ...

والعذر والسموووحه ...

وبالاخير الله يوفقك يامهند الغربيه ويرزقك من حيث لاتحتسب ويكفي انك عندك ماشاء الله شيك مفتوح وهو بكالريوس انجليزي ... وعتذر مره اخرى لك ....

[عبدالعزيز لمجلد]

[align=center]ي اخوي الله يجزاك خير انت حرمت قطاع البنوك كله ليه !!

انا وش دخلني باقسامهم ووين يودون فلوسهم !!

انا مواطن ادور لقمة العيش شغلتي احول فلوس وينزل لي حقي ؟

انا انكرت عليك تحريمك للوظيفه هذي بكل قطاعاتها ،

والشي هذا حكم فيه عقلك ، الرب عزوجل جعل لك عقل تتفكر فيه

انا ماني محاسب البنك على كل فلوسهم وين يودونهم وش يشتغلون فيهم لهم رب يحاسبهم

انا اقولك ياراعي الموضوع اذا منت لاقي راتب افضل منها توكل على الله [/align]

[مهند الغربية]

الله يعطيكم العافية وما قصرتوا ... وعلى طاري الراتب حرام او لا الوظيفة راح تكون في كويك باي يعني ما فيه لا قروض ولا فوائد ولا غيره الحمد لله.... و لسؤال الاخ نعم المقابلة كانت عند ياسر بخش في جده ... ولكن للان ما عرفت كم راح يكون راتبي اتمنى جواب اكيد ... والله يوفقكم جميع يا رب