شركة سابك

[امير الحياه]

اخواني مين الي سوي مقابله في شركة سابك انا تم قبولي في سابك الحمدالله وافقت علي عرضهم وكان في عرضهم مكتوب لازم تسوي فحص ويسألون عني بس مارسلولي اوراق الفحص ولا الادله الجنائيه هل ممكن عندهم اجراءت ثانيه . وانا موظف لحين شنو اسوي هل اداوم او اقولهم خلاص ابي اخلاء طرف توني متوظف ماصارلي ثلاث ايام هل احتاج اخذ اخلاء طرف وهل اخلاء طرف ياخذ وقت طويل . ولي معي في سابك اتمني اتواصل معاه ومين الي جاته نفس رسالتي

[امير الحياه]

مافي ولا رد معقووله

[فوردم]

أهلا فيك أخوي: الامير

أول شي مبروك، والله يكتب مافيه الخير لك يارب، وتستاهل كل خير
انا عملت مقابلة قبل أسبوع ونص بسابك بالجبيل، وكانت المقابلة في شركة " حديد "
وللحين أنتظر رد منهم، عموماً أنت بإمكانك تتواصل مع مكتب التوظيف الي دقو عليك
وتشوف الإجراءات، ودام إنك قبلت العرض الوظيفي المقدم منهم، باقي لك الفحص الطبي
وتخلص الأمور الروتينية قبل كتابة العقد،
بس حاول تشوف أسمك بالتأمينات الآن أيش وضعة، وكيف تنزل أسمك من الشركة الي أنت فيها الآن
وعلى حسب علمي، عشان تضمن حقك، تكتب معهم العقد ويعطونك مهله من 5 إلى 15 يوم
تستقيل من عملك السابق وتسوي أمور البنك وتسلم الفحص...الخ
وبعدها تباشر بعملك الجديد إن شاء الله، ومبروك ألف الف مبروك، وعقبالنا إن شاء الله

[عاطل دوت عاطل]

الف مبروك.. .استفسار يالغلا انت قبولك بنفس سابك ولا شركه مشغله لسابك ويرسمونك بعد سنه. ولا لاهنتم فيه احد سوا مقابله بسعوده شركة سابك اقصد التوظيف مو الدراسه كيف المقابله عربي ولا انقلش وش الاسئله ابي جواب باسسرع وقت لاهنتم

[امير الحياه]

اخوي فوردم الله يبارك فيك كلمتهم قالي انتظر اتصالك وراح اناديك علي الفحص الطبي ومادري راح يكون عندهم الفحص الطبي او لا لكن قالي لا تسوي اخلاء طرف لحين

[عاطل دوت عاطل]

امير الحياة.. انا سئلتك بس تجاهلتني... ؟

[خريج اداره]

انا ابي اقدم على سابك ومعدلي 2.91 من 5
وضعيف في الانجليزي

اقدر اقدم ؟؟؟؟؟؟؟؟؟؟؟

[فوردم]

المشاركة الأصلية كتبت بواسطة امير الحياه

اخوي فوردم الله يبارك فيك كلمتهم قالي انتظر اتصالك وراح اناديك علي الفحص الطبي ومادري راح يكون عندهم الفحص الطبي او لا لكن قالي لا تسوي اخلاء طرف لحين

[align=right]اعذرني أخوي ماهو تجاهل مني، بس والله مشغول بالشهر الكريم

وأتمنى لك كل خير، عموماً مثل ما قال لك الموظف لاتسوي إخلاء طرف
وهو وضح لك، أكيد عندهم عملية فرز وتصفية وكذا، مجرد ما يدقون عليك
ويعطوك نموذج الفحص سوه، وكمل باقي إجراءاتهم، ومع ذلك لازلت مستمر في عملك

ولا إنتهت كل الأمور إن شاء الله، هم يعلمونك متى تسوي إخلاء طرف
ويطمنوك بعد، تستقيل من هناك، وتكتب عقدك هنا،
هالشركات واضحه وتحترم موظفيها، لاتخاف،
وإن شاء الله تنكتب من نصيبك هالوظيفة،،
وكل عام وانت بخير[/align]

[فوردم]

المشاركة الأصلية كتبت بواسطة خريج اداره

انا ابي اقدم على سابك ومعدلي 2.91 من 5
وضعيف في الانجليزي

اقدر اقدم ؟؟؟؟؟؟؟؟؟؟؟

أنت أفضل مني بكثير من ناحية المعدل، انا قدمت على موقع سابك من 9 أشهر
وتواصلو معي بعد كل هالأشهر وعملت مقابلة، واللغة مو ضرورية اساساً
أنت راح تتعلم عندهم لو حصلت لك فرصة وظيفية، قدم وحدث بياناتك بشكل دوري،

وربك يكتب مافيه الخير

[امير الحياه]

المشاركة الأصلية كتبت بواسطة عاطل دوت عاطل

الف مبروك.. .استفسار يالغلا انت قبولك بنفس سابك ولا شركه مشغله لسابك ويرسمونك بعد سنه. ولا لاهنتم فيه احد سوا مقابله بسعوده شركة سابك اقصد التوظيف مو الدراسه كيف المقابله عربي ولا انقلش وش الاسئله ابي جواب باسسرع وقت لاهنتم

اسف انا واخوك في نفس شركة سابك وبالنسبه للمقابله كنت مخلوطه عربي وانقلش بس اسئله في تخصصك و كانت اسئله عامه كثيره انا جلسو معي تقريبا 40 دقيقة سالوني في الانقلش لازم تعرف انك اذا حطيت بياناتك لازم تكون واثق انك قادر عليها والانقلش مو شرط علشان يقبلونك خويي انقبل ماشاء الله وكانت مقابلته بالغربي لان راح يسالونك فيها وكانت من ضمن الاسئله ليش اخترت سابك كيف شركة سابك راح تستفيد منك