استفسار شركة الدواء

[عاطل باطل اتا]

السلام عليكم


اخواني استفساري عن الشركة رواتبهم ومميزاتهم ومستقبلها الوظيفي علما ان الوظيفه مصفف بضائع وكل عام وانتم بخير

[آحسآس رسآآم]

اخر اعلان تم اعلانه من قبل الشركة لوظيفة مصفف بضائع كان براتب 4600

علما بأن تكون غير مدعوم من صندوق الموارد البشرية

مميزاتها :-

الراتب ينزل لك بوقته بتاريخ 15 انقلش

الدوام على حسب الدكتور والصيدلية الي انت فيها( بعض الصيدليات قليل الزبائن وبكذا انت بترتاح )

دوامك راح يكون 8 ساعات والدكتور ينسق لان راح يكون هناك عمال اما صباح او لليل

اختار صباح افضل لك لان لو اخترت بالليل راح تداوم الى 3 الفجر

طبعا معك اوف يوم واحد

ويعطوك بطاقة تأمين لك ولحرمتك لا اعلم اذا يوجد للعيال

وبيني وبينك السالفه يبغا لها صبر لان راح يتوجد عليك حفظ اماكن واسماء الطلبيات


وبكذا ان شاء الله اكون افدتك


دعواتك اخي بالشهر الكريم ...

[عاطل باطل اتا]

الله يوفقك اخوي احساس رسام بس كيف زياداتها ومستقبلها ياليت الي عنده معلومات يفيدنا

[آحسآس رسآآم]

أخوي شركة الدواء فيها بونص شهري مو سنوي يعني ع حسب ادائك في العمل

بالشهر ينزل لك 100 او اي مبلغ

ومستقبلها معروف شركة الدواء الان توفر المميزات لديها

اسئل موظف بالشركه وان شاء الله يفيدك

[متخرج تقني]

انا سويت المقابلة عندهم نفس وظيفت مصفف بضائع
قال بيعطيني فقط 4300
وسيارة للعمل
بس قالي عطني خلال طرف من شركتك وجيب لك كفيل وختم العمدة والشرطة
وتعال وقع العقد معنا
بس لمين سمعت بانه الراتب 4300 سحبت عليهم ورحت الحفر استلم اول ما دخلت 6000 اسبوعين بسبوعين الاكل عليهم السكن عليهم وغسيل الملابس عليهم تنظيف الغرفة عليهم المواصلات عليهم اسبوعين بالعمل ما اصرف شي بس اذا نزلت اصرف الف ريال وتبقى عندي 5000 ريال يعني 4 شهور تجيني 20 الف
يعني بالراحة اجمع المليون
انا قلت حق ربعي ما اطلع لمين يصير في حسابي مليون واطلع بتحمل العذاب وحرارة الشمس بعتبر نفسي محكوم علي بالسجن المؤبد لمين اجمع المليون الله يستر عليهم

[متخرج تقني]

هههههههههههه انا ذكي صح

[آحسآس رسآآم]

شنو فايدة المليون اذا انت لا مرتاح ولا جنب اهلك


استلم 4300 وتحت مكيف وجنب اهلي افضل لي من المليوون حقتك الي بتجمعهم

[عبدالعزيز الماجد]

أنا قدمت يا أخوان قبل رمضان عن طريق الأميل والى الان محد رد عليه وش السالفة