ياشباب ..بالله ادخلوا وساعدوني شوي

[بنتوظف]

السلام عليكم ..عيدكم مبارك وكل عام وانتم بخير ان شاء الله


ياشباب انا موظف حكومي معلم من قبل سنة الا شوي ..ابي اعرف وش سالفة التامينات الاجتماعية وهل اسمي مسجل لديهم ولا لا

حسب الي عرفته من اشخاص بعد ماسألتهم قالوا لي ان التامينات الاجتماعية خاصة فقط بالي يشتغلون بالقطاع الخاص

طيب انا اسمي غير مسجل اذا باعتبار اني موظف بالقطاع الحكومي

طيب ياشباب انا انساااان ودي ازييييد من دخلي الشهري علشان كذا بحثت لي عن وظيفة ثانية والحمد لله مناسبة لي جدا ...طبعا هي بالقطاع الخاصة..لكن جوني ناس يقولون ترى ممكن يكون الي انت تسويه ممنوع قانونياً ...يعني النظام مارح يسمح لك لانهم رح يرفعون اسمك بالتامينات الاجتماعية


طيب واذا رفعوا اسمي بالتامينات ..خير ياطير ؟؟؟

وش المشكلة الي ممكن وتواجهي لو اكتشفوا اني انا موظف بوظيفتين ...وحدة قطاع عام والثانية خاص وش المشكلة ؟؟؟
اتمنى كل واحد يجاوب باجابات هو متأكد منها 100% لاني انحست كثير صراحة

[وظفني شكرا]

يمكن حسد ههههه

[إدارة منشئات]

وعليكم السلام ورحمـة الله وبركـاته

وأنت بصحة وسلامة وعساك من عواده

خليك في وظيفتك أفضل .. بدل المسائلة الأدارية لأن جميع الدوائر الحكومية مرتبطة ببعضها ومن ضمنها التأمينات الأجتماعية .. إذا تم إكتشاف وظيفتين للمواطن .. نفرض أقل إحتمال يواجهك ( لابد تكون وظيفة واحدة )

زيد دخلك بمشاوير داخل المنطقة بعد دوامك.

ولله يوفقك ويجعلك من الفائزين والسالمين الغانمين.

[بنتوظف]

بس والله ودي بالوظيفة خاصة انها جدا مناسبة ووقتها قليل
ودي اخذها بس متردد ..اخاف يكفشوني هههههه مع اني اعرف مليون واحد موظفين وظيفة ثانية ولا طقوا للنظام خبر ...محد سألهم ولا حد درى عنهم اصلا بس انا حظي اقشر اخاف ماكمل يومين الا هم داقين علي هههههههه وش عندك موظف وضيفتين

وبعدين انا ابيها لان علي قرض وماكل راتبي اكل علشان كذا مظطر اني اخذها

فـــ ابي اعرف وش تشيرون علي يالربع؟

[وراء الوضائف]

جوابـــــــــــــــــــــــــــــــ نهائي


تقدر تسجل بتأمينات الأجتماعيه ولاكنك لاتحسب من ظمن نسبة السعوده لديهم وهذا شي لاترغب به الشركات


أي أستفسار أنا حاضر , تجدني بقسم مشاكلك بالعمل


وفقك الله

[بنتوظف]

طيب ياخوي انا ودي بوظيفة ثانية بدووووووون مايسجلوني بذي الي اسمها تامينات اجتماعية اقدر ولا لا؟
وش ابي بها انا اصلا؟!!؟!؟