مقابلة بشركة اكسيوم

[احساس حب]

السلام عليكم ورحمة الله وبركاته

عندي مقابله بشركة اكسيوم تليكم بوظيفه محاسب

كيف راح تكوون طرية المقابله الأسئلة ... علما انه اللي اتصل عليي قال لي في اختبار أنجليزي

والله يعطيكم العافية

وشكراً

[بيري الهواجر]

حياك ياولد الاجواد .....

بعطيك معلومة اذا الشركة اتصلت لترشيح موظف اعلم انها تبيك اما من اجل مؤهلاتك او الخبرات والدورات التي تمتملكها ...

بمعني اخر الترشيح للمقابله تم بناء على مؤهلاتك

وقبولك بناء على شخصيتك اثناء المقابله هل صالح للعمل ام غير ملائم ...

........................

من خلال خبرتي بالمقابلات راح اخبرك بالي يفيدك ان شاء الله ولا يضرك ..

الاسئله كما يلي /

تكلم عن نفسك ؟

اسمك - منطقتك - عمرك - حالتك الاجتماعيه - شهادتك - دوراتك ان وجدتك - خبرتك ان وجدت

لاصرت موظف سابقا بيقولك ليه تركت عملك الاخير ؟

ون كنت على راس العمل بيقولك ليه حاب تترك عملك الحالي وتنضم عندنا ..

طبعا الاجاباتك خلها تصب في مصلحتك وملصحة الشركة الي حاب تنضم اليها لاكن لاتجيب طاري الراتب نهائيا بل تكلم عن التطوير والتدريب والمنافسه وفرصة للترقي وكذا ...

وش تعرف عن شركة اكسيوم ..

درعم على موقعهم وشوف متى فتحت واين وصلت وش تهتم وش خدماتها وكم فروعها

وش تعرف عن وظيفة محاسب ؟؟

لو كانك عملك دوامين عندك اشكاليه او متعب بالنسبه لك

لو كلفت بعمل اضافي او يأيام الاعياد هل توافق ام لا ...

وش الصفات الي لابد يتحلى فيها الموظف بشركة اكسيوم او بشكل موظف محاسب

الامانه - الدقه - سرعة خدمة العميل ..

احيان يضرب لك مثال ..

لو جاك عميل نشبه او بنت تتدلع خذ / خذت جهاز سامسونج سعره بـ 1200 وعطاك الف وخذ الجهاز وقالك مالك عندي ميتين هههههههه وش تسوي ..

قله اول اجراء اسويه اتبع نظام الشركة الي راح تعطيني اياه للتعامل معه هذه الفئه ..

وثاني حاجه ماراح اعتمد شرائه حتى يعطيني المبلغ وطبع الايصال وراح اسلمة الجهاز عشان ماطيح بالاحرجات هذه ..

او راح يعطيك جهاز او منتج وبيقولك كيف تنقنعني اني اشتريه ... اثناء المقابله ..

قوله احاول ا معرفه المبلع الي عند العميل وعطيه جهاز ممتاز يناسب تطلعاته ورغباته مثلا يحب التصوير او الاستديو او يحب البرامج بسعر الي في جيبه وماراح امدح جهاز سامسونج اس 4 قيمته 2700 وفي جيب العمل 1200
...............

نصائح لك ..

راح كاشخ - الثقه بنفسك لاترتبك - خلك مثقف بالكلام - عندك اسللوب بالحوار - شوف مفردات جيده

لاقاطعوك لاتتنرفز بل خلك مبتسم لانهم يبون يشوفونك تتحمل الضغط ام لا .. ..

ربي يوفقك ويرزقك ياولد الاجواد .............

عطيتك الي عندي والله اعلم ..

دعواتك لي بالتوفيق ..
..............................

[احساس حب]

جزاك الله خير والله يعطيك الف عافيه