اقتباس:
المشاركة الأصلية كتبت بواسطة abo elena
ي شباب بالتوفيق لكم يارب
عندي خوي تخصصه ماجستير هندسة حاسب وقبل نهائى وش أغلب القطاعات المطلوبه لذا التخصص وهل يستحق ملازم أول وبعد 6 أشهر يترقا إلى نقيب ؟
ارجوا توضيحي الرجال متردد
|
اقتباس:
المشاركة الأصلية كتبت بواسطة Rakanov101
ماشاء الله اتوقع بعد دورة بربع شهور يترقى لنقيب والله حاسب كل قطاعات الدفاع تحتاجه بس توقع راح يكون في ادارات الرياض اذا كان متميز ...
|
...
اخواني انتبهوا معي للنقاط الأساسية اللي بقولها ~
في نظام خدمة الضباط : الطالب يدرس ثلاث سنوات ثم يتخرج ملازم > ثلاث سنوات هذي الأساسية لأي كلية عسكرية
في نظام خدمة الضباط : ما يزيد على ثلاث سنوات يعتبر أقدمية للطالب المتخرج
في نظام خدمة الضباط : العسكري برتبة ملازم عشان يستحق ملازم أول ~ الحد الأدنى سنتين
في نظام خدمة الضباط : العسكري برتبة ملازم أول عشان يستحق نقيب ~ الحد الأدنى أربع سنوات
~~~~~~~~
الحين أسمعوني زين وركزوا ~
اللي يدرس بكالوريوس مدته أربعة سنوات ويدخل دورة التأهيل 9 شهور ويتخرج منها
يصبح برتبة
ملازم ودراسته أربعة سنوات (سنة على الدراسة الأساسية)
فتحسب له أقدمية + مع الدورة 9 شهور = ملازم أقدمية سنة و 9 شهور
يعني 3 شهور ويكمل
سنتين خدمة الملازم ويستحق ملازم أول
اللي يدرس بكالوريوس مدته خمسة سنوات ويدخل دورة التأهيل 9 شهور ويتخرج منها
يصبح أساساً برتبة
ملازم ودراسته خمسة سنوات (سنتين على الدراسة الأساسية)
رتبة ملازم + أقدمية سنتين + مع الدورة 9 شهور = نطرح سنتين (خدمة الملازم)
كذا يصير ملازم أول مع 9 شهور
يعني 3 شهور ويكمل
سنة كملازم أول ويبقى له ثلاث سنوات عشان يستحق نقيب
اللي يدرس ماجستير سنتين وقبله بكالوريوس مدته أربعة سنوات ويدخل دورة التأهيل 9 شهور ويتخرج منها
يصبح أساساً برتبة
ملازم ودراسته ستة سنوات (ثلاث سنوات على الدراسة الأساسية)
رتبة ملازم + أقدمية ثلاث سنوات + مع الدورة 9 شهور = نطرح سنتين من الثلاثة (خدمة الملازم)
كذا يصير ملازم أول مع أقدمية سنة و 9 شهور
يعني 3 شهور ويكمل
سنتين كملازم أول ويبقى له سنتين عشان يستحق نقيب
اللي يدرس ماجستير سنتين وقبله بكالوريوس مدته خمسة سنوات ويدخل دورة التأهيل 9 شهور ويتخرج منها
يصبح أساساً برتبة
ملازم ودراسته سبعة سنوات (أربعة سنوات على الدراسة الأساسية)
رتبة ملازم + أقدمية أربعة سنوات + مع الدورة 9 شهور = نطرح سنتين من الأربعة (خدمة الملازم)
كذا يصير ملازم أول مع أقدمية سنتين و 9 شهور
يعني 3 شهور ويكمل
ثلاث سنوات كملازم أول ويبقى له سنة عشان يستحق نقيب
~~~~~~~~
هذا تحليل شخصي والكلام هذا ماقلته من راسي // تحصلونه في نظام خدمة الضباط ~
راجعوا المادة السادسة و المادة السابعة و المادة الثامنة عشر في نظام خدمة الضباط !!
https://www.boe.gov.sa/printsystem.a...&versionid=117
وإن شاء الله أن الفائدة تعم الجميع
...