صدر قرار تعييني ولكن ماخليت طرفي في العسكريه !!!

[arrow]

السلام عليكم ورحمة الله وبركاته

كيفكم شباب

انا صدر لى قرار فصل غياب من العسكريه ( الجيش ) قبل تاريخ قرار التعيين والى الان ماباشرت فيه ناس قالوا باشر وكمل الاخلاء وفيه ناس تقول لاتعلمهم او تكتب انك عسكري وفيه ناس تقول علمهم بالصحيح وخلص اجراءاتك

ولكن المشكله الكبيره زملائي في العمل يتأخرون ويماطلون فى رفع الخطابات راح اسبوع كامل ولم يتم ارسال خطاب للمجلس العسكري وتاوقع انهم بيكملون شهر وباقي 13 يوم حتي اباشر فيه وماظن انها تكفي

رحت لمؤسسة التقاعد قالوا عادي من ناحيتنا ماعندنا مشكله
رحت لتعليم قالوا خلص اجراءاتك باسرع وقت
رحت للخدمه المدنية يقول الموظف التعليم لايدرون انك عسكري
رحت للاحوال المدنيه قالوا قرار الفصل مايكفي لتعديل المهنه لازم خطاب والخطاب يبي له شهر حتي يجي من الرياض

مافيه احد عنده خبر اكيد متمرمط لى اسبوعين بدون اى تقدم يذكر

احد مثلى او مر عليه نفس الوضع ياليت تطمنوني لاني ضايقه بي الله يفرجها

[arrow]

هل قرار الفصل يكفي لاثبات انى لست على رأس العمل

ياليت تفيدوني وجزاكم الله خير

[تغيير 2675]

اول شيء الله يعينك ويكتب لك كل مافيه الخير ..

بما انك تقول للحين ماارسلوا شيء للمجلس العسكري

يعني ماسويت محاكمة لقرار تأييد الفصل ، لازم يصلحون لك قرار تأييد للفصل
وبعدها تسوي اخلاء من جهة العمل ، وبنك التسليف والبنك العقاري ( طبعاً مجرد طباعة من النت )

بعدها يرفعون اوراقك وبعدها تروح لمؤوسسة شؤون المتقاعدين وتجيك اساساً رسالة على الجوال تم استلام معاملتك
المتقاعدين تتعدل مهنتهم تلقائياً لكن الفصل بسبب غياب او استقالة لازم يرسلون لك خطاب
تقدر تروح لهم وقت ماتجيك الرساله وتاخذه مناولة ، بعدها ابد تروح للاحوال المدنية ساعه وانت معدل
تروح للاحوال ومعك الخطاب ولازم يكون مختم ومقفل ، ومعك وثيقة الفصل وصورة قرار الفصل

بأختصار اذا انت نشيط تخلص امورك بسرعه لكن اهم شيء اخوياك بالمكتب يخلصون اوراقك عشان ترتفع
اذا ارتفعت اسبوعين وانت خالص ان شاء الله

[arrow]

المشكله انها ترسل لرياض وتاخذ وقت وزملائي اخروني الله يهديهم

شكلى باسوى اعتذار عن الوظيفه واسوي اعادة خدمه لان ماعاد فيه وقت