|
على فكره اذا بنات قروا موضوع وفيه وحده منكم اسمها : نوره ولا ليلى ولا سوسن ولا فاطمه
لا تزعلون غالاشخاص اللذين في القصه من نسج الخيال وليس لهم اي علاقه بالواقع <<<< مسوي منتج هههه تحياتي |
اقتباس:
فعلا موضوع يحير أستخيري ياأختي والله يكتب لك اللي فيه الخير |
اقتباس:
حياك الله أخووي يحيىصالح بصراحه موضوعك دوخني ، يعني الشغله على كلامك يبيلها مبنى خاص . وطاقم كامل ومكاين طباعه واجهزه وحووووسه بالتوفيق ياخوووي |
اقتباس:
اما بالنسبه للمبنى اكيد وهنا مربط الفرس لاكن ترى ما يبيله موقع عند سوق ولا في مول ولا شارع عام ترى ياكثر الفلل اللي للاجار واعتقد دور واحد كفايه اما الطاقم الكامل ماشاء الله لو قريت رد اختى وجدتها كان لقيت الحل اختي وجدتها تقول انهم مجموعه بنات وعددت التخصصات اللي عندها ما ناقصهم الا كم تخصص وتقدر تحصلهم كلها اعلان واحد هنا وياكثر العاطلات واما من ناحيه الطباعه فيكفي كمبيوترين كبدايه وطابعتين وهذي كلها بحدود ثلاث الاف كل التكلفه عالموقع واهم شي يكون قريب من الجامعه المنطقه اللي هم فيها او وسط المدينه اذا مالقو وعلى فكره يا ما محلات مواقعها داخل الحواري والدواعيس واقرب مثال مكه وجده وتلقا الاقبال عليهم ماشالله وكل هذا من الاعلان بس كنت باعقب تعقيب بسيط ومطيتها شوي وانا على فكره بنيت هالمشروع بحكم كثركم فقلت انكم تقدرون تجمعون مبلغ زين تبدون فيه حياتكم مثل ماقلت في السابق ان اصبت فمن الله وان اخطات فمن الشيطان ومن نفسي |
الله يجزاكم خيييييييير
أعجز عن شكركم .. الأخ "يحيى صالح " فكره ممتاااازه لكن مثل ما قلت يبغى لها شغل الأخ "أحبك يازوجتي" شكراً لك ....ولدعمك الفكرة بفكرة جمع المبلغ المطلوب هنا أقول ......الفكرة مره مره مره رااااااااائعة تحتاج تفكير جدي |
هذا الرد كتبته وانا مدربي راسي ما انتبهت ان السائله مجموعة بنات :d هههههههههههههههههههه
وماحبيت امسحه لاني تعبت في كتابته اخوي التخصص ليس غايه بل هو وسيله لنمو عقلك وتفتح مداركك انت شف الي معه ابتدائي وشف الي معه جامعه وش كيف طريقة التفكير والحوار مع الناس <== تبي تستفيد منها في التعامل مع الزبائن ومع الشركات الكبيره يبان الشخص المثقف من الشخص العادي ثانيا الجامعي يكون حصل على علم كبير في الامور الدينيه والاجتماعيه غير عن تخصصه بتفيده في امور الزكاه وماله وماعليه علشان لايجيك واحد اجنبي ويضحك عليك ويقول الزكاه 10% ويحطها بجيبه هذا غير الهدف من التعليم ليس هو انك تصبح عالم في التخصص ولو كان هذا هو الهدف كان ماشفنا تجار ولا تجاره التعليم وسيله لغايه اكبر وهي التاهيل للعمل ارجع واقول الجامعي قدراته العقليه واسلوب تفكيره وحواره يختلف عن الي ماهو متعلم وراح تستفيد من تخصصك في عملك وحياتك لكن صعب انها تنشرح من خلال منتدى ... لكن جرب ومع التجربه راح يبان لك كل شي |
اقتباس:
ومعليش تعبناك معانا ..لكن أنت كريم واحنا نستاهل وان شاء الله ما ذكرت ينطبق على الكل بنات وأولاد |
السلام عليكم ورحمة الله وبركاته
حياك الله بما انك خريجه ....... اذا كنتي من سكان الشرقيه او حتى من غير سكان الشرقيه ، ليش ماتقدمين (معلمه) في الكويت . طبع راح يكون عقد لكن مو زي السعوديه الفين ريال التعاقد لالالالالالالالالالالالالا في الكويت المعلمه السعوديه نظام التعاقد تاخذ تقريبا من ست الى سبع الاف ريال وتأمين طبي .. في باصات خاصه تطلع من الشرقيه(مدينة الخفجي) الى الكويت(ام الهيمان_ مبارك الكبير_ الجهرا_القرين الوفره) وغيرها . الفكره حلوه لكن انتي وظروفك تسمح لك او لا ؟؟!! سمعت ان حكومتنا الغاليه منعت المعلمات السعوديات العاطلات من التدريس في الكويت؟؟؟ والسبب كما قال المصدر لأنهن ثروه وطاقه وطنيه ولابد من الحفاظ عليها !!!!! (أعرف ان راح يكون مصير البنات هو :cry::cry::cry:) يعني مافيه شغل لابالسعوديه ولا برا السعوديه كان الله في عونكم عذرا على الاطاله |
العفو اختي بل اخواتي وجدتها
ومابي منكم الا الدعوه الصالحه والله يوفقكم خبرونا بكل جديد وايش بيصير معكم اخوكم يحيى |
اقتباس:
موجود فعلا لكن بصوره ابسط اعرف وحده مستاجره في جمعيه خيريه ب 3000 ريال بالترم وكلها جهاز كمبيوتر وطاوله وكم كرسي.. وماشاء الله مطلعه خييييييييير ولاجامعيه ولا دورات والطالبات بيتعاملوا كثير معاها لسهوله التواصل يعني لو يصير نفس هالمشروع في حرم الجامعه:Thumbs: الله يعطيك العافيه يحي.. اتمنى لك التوفيق اختي وجدتها |
| الساعة الآن 10:59 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين