28-05-2009, 07:15 AM
|
عضو متواصل
|
|
تاريخ التسجيل: Dec 2008
المشاركات: 75
معدل تقييم المستوى: 32
|
|
اقتباس:
المشاركة الأصلية كتبت بواسطة وردة الجووري
اخووي والسعودي وش فيه هو رجال في كل الاحوال والا بس حق الكشخه ..
واللي يبي الشغل بيرضى بالقليل..عشان يحصل اللي يبي
والا خلاص عشان تعودنا على الرجال الغير سعودي على قولتك مذلول؟؟
على فكره ترا كلهم رجاااااااااال في النهايه سواء سعودي والا اجنبي ولا فيه فرق بينهم..!!
واهم شي لقمه العيش الشريفه.. واذا انت مانت براضي بشغله هذي مانت بمجبور عليها
غيرك يدور الريال مايلقاه ...وبعدين خلاص تعبنا وحنا نشوووف اخوانا السعوديه عاطلين
وغير كذا فيهم الفاشل ولا بعد يغتر ولايرضى بالشي القليل
يبي مكتب وشرروط وماحد مضيع اغلب الشباب السعودي غير غرورهم
... ليه عاد بدايه الشي صغير ثم يكبر واهم شي الخبرات
وحلاب البقر بالعكس وظيفه حلوه وفيها تسليه بعد..على الاقل الواحد يعرف شي يمكن هو يجهله
ومعليش اذا في كلامي غلط انا اسفه وانا طبعا مااقصد الكل اقصد فئه معينه من الشباب السعودي
|
السلام عليكم ... اولاً مشكور للأخ صاحب الموضوع على جهوده ...
بصراحه مثل ما تلاحظون انا اقتبست رد الاخت ( وردة الجووري ) لاني بصراحه ابهرت في كلامها .. ؟!!
يا اختي العزيز اسمحي لي اني اخالفك انتي ومن يوافقك رأيك 180 درجه ...
اولاً : لا تقولين مافي فرق بين سعودي واجنبي ... يا عزيزتي السعودي له امتيازات عن الاجنبي في الاكل من خيرات ارضه .. وهذا نظام دستوري عالمي ..
حتى في اغلب الدول ( الديمقراطيه ) .. لو كان تحت بيتي بئر نفط بيكون ملكي لان هذه ارضي ..
ولو اراد شخص بيع بيته .. فأحق شخص يستطيع شرائه هو جاره .. هذا ما اقصد بالامتيازات ..
المشكله النظام في التوظيف في السعوديه يعطي الامتيازات للأجنبي لانه متعلم بالخارج وملتزم بالعمل فبذالك تناقض نفسها .. ( مثل الاب الذي ينتقد تربيه ابناءة ) .
ثانياً : صاحب الموضوع يقول ( حاصل على درجه الدبلوم ) وعرضت عليه وظيفه ( حلاب بقر ) وظيفه لا تحتاج إلى دراسه عليا .. تحتاج إلى تعليم متوسط .. ونحن في اغني دول العالم نعيش على اكبر حقول النفط التي هي مصدر الطاقه الاول ... فلو كنا دوله فقيرة بالمصادرة وفقيرة بالوظائف ( فسيكون كلامك صحيح انه يجب علينا القبول بوظائف اقل من مستوانا التعليمي ) .. ولكن ...
ثالثاً : صحيح ان ( بدايه الشئ صغير ثم يكبر ) ولكن مو معناه اني انزل من المستوى الذي انا فيه واقول بكره اكبر .. لان هذا غباء .. ليس انصاف ان اتخرج بدبلوم حاسب آلي مثلاً واقطع مسافه تحسب ساعاتها من عمري ثم اعود لأشغل وظيفه حلااااااااااب .. لاااا والف لاااا ...
رابعاً :و اذا كان الشاب السعودي الحاصل على مؤهل دراسي .. ليس مؤهل في العمل . فهذا ليس غلطه هذا غلط الجهات التعليميه ... فأغلب الشباب السعوديين الجادين الذين درسو في دول الخارج لم يكونوا متوسطين بل كانوا متفوقين .. ( وتستطيعين البحث في قوووقل عن البرفوسورين السعودين ) .. القصد ان عقل الشاب السعودي ليس موجود للرفاهيه والكشخه .. واذكى العقول عقول العرب ..
واذا كان قصدك ان الحل الخضوع والتعايش مع غفله وزارة العمل والرضى ببخس حقوقنا .. فهم لااااااا لان هذا حل العبيد وليس حل الاحرار ...
فأنا ادعو واتمنى من جميع الشباب بعدم الرضى بقبول الوظائف التي اقل من مستواهم التعليمي في السعوديه .. حتى لو كلفنا الامر لنتدكس على بعضنا .. ونزيد من عدد البطاله ..
وعرضة وظيفه ( حلااب بقر ) على اشخاص اكاديميين لاننا عرفنا نحن الشباب السعودي بتخاذلنا وقبولنا اتفه الوظائف ..
حسبي الله ونعم الوكيل على من كان السبب في معناة الشباب وتصعيب الحياة وسرقة الاموال العامه ونشر وترديد الكلام المحبط واتهام ( السعوديين ) انهم هم السبب وانهم المتهم الاول ..
مثل ما يقول المثل الششششششق اكبر من الرقعه ...
ولن اسمح لأي شخص بأتهام الشباب السعوديين بأنهم حق كشخه بس وانهم يتأمرون بمطالب وظيفيه وهم فاشلين .. لان هذه كلمات ترددها الافواه فقط .
الشاب السعودي حق كشخه ويتأمر بمطالب وظيفيه تناسب مؤهله وهم مبدعين و ويفرقون عن الاجانب بأمتيازاتهم في الارض وهم ششششششششرفاء ..
واتمنى من الاخت ( وردة الجووري ) ان لا تأخذ كلامي بشكل شخصي ...
وللحديث بقيه ...
تحياتي
عاطل في زمن جائر
|
العرض المتطور
