دبلومات جامعه الامام للبنات
السلام عليكم ورحمة الله وبركاته :d
مايحتاج اذكر ان الدبلومات هذي فرصه يجب الاستفاده منها :ash: فتح باب التسجيل في دبلومات جامعه الامام محمد بن سعود الدبلومات عباره عن دبلومات حاسب وانجليزي واداره اعمال وسكرتاريه وهذي الدورات مفتوحه لخريجات الثانويه والجامعات وهناك الدبلومات للخريجات الجامعيات فقط منها الدبلوم التربوي ودبلومات التوجيه والارشاد الطلابي طبعا هذي الدبلومات تعتبر مدفوعه التكاليف والتسجيل يكون عن طريق الذهاب لمقر الجامعه بالملز او المقر الثاني على مخرج 6 ويجب احضار وثيقه التخرج مع صوره >لخريجات الجامعات وشهاده الثانويه العامه مع صوره> لخريجات الثانويه العامه وايضا احضار شهاده حسن سيره وسلوك مع صوره وبطاقه الاحوال او بطاقه العائله مع صوره ايضاا :o بالتوفيق للجميع دعواتكم :ash: |
مشكور يالغلالالا
بس متى تبدآ الدورات وماعندك رقم الجامعه وكم رسومها ؟؟؟ |
الدبلومات تبدا السنه القادمه
وينتهي التسجيل بالدبلومات بشهر 7 على كلام الموظفه وبدون رسوم > يعد تعليم موازي تكفل فيه خادم الحرمين ماعندي اي ارقام لهم بس التسجيل لازم الحضور موفقه |
متأكد / ة .. إن الدبلومات مدفوعة التكاليف ؟؟؟
اتصلت قبل فترة طويلة .. كانت برسوم بعضها 20 ألف للدبلومات |
اليوم كنت عندهم والموظفه اكدت هالموضوع
يعتبر منحه موفقه :) |
حبيبتي انا ابي اسجل والله هذي فرصه ماتتكرر بس ابي اتأكد قبل لااروح اذا تذكرين اسم الموظفه عشان اروح لها على طول ارسليه لي عالخاص < مآتدبر شيء بجآمعه الامآم ورحت لها ايام الماجستير وضيعت فاذا تقدرين لاتبخلين علي او وين اروح بالضبط مع العلم اني اعرف كليه الملز بس اروح اي مكتب ؟
والله يوفقك ويدخلك الجنه من اوسع ابوابها .. ومن يعز عليك |
أختي أمل قادم الله يجزاك الجنة نفس سؤال أختي برق العواصف وين نروح فرع الملز وإلا البطحاء؟؟
ووين نروح بالضبط؟؟؟أي مكتب؟؟؟ وسؤال آخر دوامهم صباحي وإلا مسائي؟؟؟ يعني متى فترة التسجيل؟؟؟؟ وجزيتِ ووالديك الجنان |
وانا بعد ابي التفاصيل ويليت الي تروح تقولنا وش صار.
|
ياليت الي تروح تسأل اذا فيه بعد بالقصيم؟؟؟؟
الله يجزاكم خيررر |
طيب اختي هل الدبلومات الي في الملز نفسها في الجامعه الي في مخرج6
|
جزاك الله خير |
ياهلاا وغلا فيكم صبايا :ash:
بالنسبه لي رحت للي بمخرج 6 < اللي هو حي النفل :Looking: واللي عرفته ان التسجيل بالملز و النفل بس الدراسه بالنفل بس . بالنسبه لحي النفل >> تتوجهو لقسم الانجليزي ادخلو مع المدخل رقم 8 وبعدين يمين تدخلين على الساحه الداخليه وعلى يسارك يصير مكتب خدمه المجتمع جنب درج هذا هو مكتب التسجيل :Looking: :d موفقين :ash: |
انا رحت الصباح وماعندي علم اذا فيه تسجيل بالمساء .
والدبلومات اللي بالملز هي نفسها اللي بالنفل لان الدراسه بمكان واحد رح تكون ان شاء الله جزاكم الله خير على الدعوات الحلوه :ash: وانا مستعده لاي استفسار :) بالتوفيق للجميع :d |
مرره شكرا ياقلبي تسلمين .. انا بكرا بعد بدق عليهم اللي بالملز عشانه اقرب لي ..وأرد لكم
مآقصرتي يأأمل قادم ..الله يوفقك ..والجميع بأذن الله |
انا كلمتهم قالوا لي الدبلوم 20 الف
يعني مو مدفوع من خادم الحرمين ودبلومات خريجين الجامعه مو كثيره ومو مطلوبه الثانوي افضل |
انا رحت لهم قبل شهري ونص تقريبا شهرين بلكثير لانو كان التسجيل مفتوح
حسب ماسمعت من بنت خالي بمى انها تدرس عندهم رحت اللي بلملز وقالت لي الموظفه هي شوي دبدوبه وسمرا قالت مافي تسجيل ومن قالكم قلت وحده من البنات سجلت عندكم وقبلتوها وفعلا البنت خويت بنت خالي سجلت وقبلوها وقالت منهي البنت وايش اسمها وتبي تسوي تحقيق ... وقالت مافيه تسجيل من الاساس وبغت تاكلني بس اشوى ماكنت قريبه منها وقفت عند الباب ولاكانت اكلتني ..المهم وتخيلو بنت خالتي يوم تكلمني المغرب انا رحت الصباح طبعا تقولي بشريني سجلتي قلت تقول حضرتها لامافي تسجيل ومادري ايش قالت المهم كلمتني بنت خالي اليوم اللي بعده وقالت لي تراها نصابه الحرمه اللي رحتي لها لانو في بنت راحت نفس اليوم اللي رحتي فيه وسجلوها يعني حظك يانصيب مادري زي كذا <<<<<<<<<<<برى لاني طولت عليكم وهذي كل السالفه |
جزاكم الله خير
|
ليش الموظفه قالت لك مافيه وبنات ثانيه ياخذون اوراقهم بتدرسك اهي على حسابه هل الموظفه
والله ملينااا من هالاشكال لارحتي تقدمين على وظيفه او بتدرسين يكلمونك بنفس شينه وبقرف شوي وبترجع في وجهك يالللله الحين فيه دبلوم انجليزي منحه ولا لا اللي تعرف رقم الجامعه مكتب خدمة المجتمع تعطيني انا ناويه اروح اليوم بس ماادري كني يوم شفت الردود غيرت رايي اروح ولا لا |
ياليت الي تعرف تقولنا فيه بالقصيم او بس بالرياض
|
وش صار معكم يا بنات ؟؟
|
مشكووووورة أمل قادم ..
|
بنات ردوو علينا هل فية او لا
|
مشكوووره عالخبرية
ردوا يا حلوين يللي رحتو أروح ولا ما روح |
الله يخليكم اللي راحت تقول لنا وش صار معها وهل فيه تسجيل والا لا |
بنات ياليت احد يعطين رقم الكلية
نبي نتاكد فيه ولا مافيه منحة |
ياليت تعطونا خبر أكيد
وإذا فيه رقم للجامعة يعطيك ألف عافية على الموضوع والخبر .. الله يرزقنا ونستفيد .. |
مشكوره خيتوو ع الخبريه ، وربي يسعدك
انا من اسبوعين او 3 اسابيع تقريبا اتصلت عليهم ، وقالت دبلوم الحآسب بـ 1800 والدرآسه بالملز قلت حلو ، لانه يعتبر رخيص مررررره وسألتها عن الانجلش قالت ماعندنا ~> يمكن بس بالنفل .! ان شاء الله بكره او بعده بروح واستفسر واشوف ايش السآلفه ~> على انهم كآرهيني الجآآمعه كررررهـ :d بس الله يكتب اللي فيه الخير :) |
ايوه صحيح نسيت اقولكم رقم الجآمعه اللي اتصلت عليه
اظن هو الفرع اللي بالملز ، لان اللي بالنفل مالهم رقم :d ~> على قولت بنت عمي .. 012589136 وبالتوفيق للـــكل :) |
اهلين اختي امل قادم وودي اسألك صدق هي منحة ولا مو منحة
لأني اليوم رحت للملز وشبرت الجامعه من كثر ماحولوني من موظفه لموظفه وراحت تشبيراتي على الفاضي ورحت كلمت الموظفه وقالت لي شوفي الورقه على الباب ومكتوب عند كل دورة قيمة الدورة وقلت لها اختي هل صحيح ان عندكم درورة السنه القادمة مدفوعة التكاليف للدبلومات قالت لي لا مو صحيح وانتي سجلي وحظك يمكن تطلع ويمكن لا ابي اعرف من الي كلامة صحيح النفل ولا الملز ولا كيف ؟ وين نروووووووح نقدم بضبط؟ الله يجزاكم خير ردو علي ولو برساله خاصة |
حبيبتي ياليت توضحين لنا اكثر هي منحه او لاءءءء
وكيف نروح لهم نسجل وباي مبني اتمنى اللي عنده فكره مايبخل علينا ^_^ |
اقوووول شسااالفه .. <-- فيس يبتسم مغصوووب ..
يااختي .. اللي تقول مدفوعة التكاليف تقوول لنا !! الخبر الاكيد .. ومن وين سمعتي هالشي من الملز والا النفل ؟ |
عزيزاتي :) انا مانزلت الموضوع الا بعد زياره لمقر الجامعه وكنت موضحه هالشي من الاول. وحكيت لكم تجربتي كامله يعني ببساطه الموظفه اكدت لي انها منحه > موظفه بالنفل والله اعلم :) يعني مانزلت الموضوع أألف فيه > فيس يضحك وهو مغصوب :ash: موفقين يارب :d |
أمل قآدم قولي آمين ربي يرزقك من وآسع ابوآبه أنآ رحت اليوم وقآلو آخر يوم للتسجيل سبحآن الله
لبى قلبك مآبقى أحد من اهلي مآدعآلك تستاهلين كل خير .. والله يوفقك دنيآ وآخرهـ |
طيب انا اتصلت الصبح وردت وحده تقول دوام موظفات الدبلوم يبدء من الساعه2 :do5h: ما علينا المهم الدبلومات مجانيه ردي ضروري:ash:
|
خلآآآآآص فاتنا التقديم يااابنــــاتـ ..
ضيقتوا صـــدري <-- فيس يبتسم وهو خانقته العبره |
اتمنى للجميع التوفيق برق وياك يارب :o انا اسفه لكل اللي فاتهم التقديم بس نقول لعلها خيره |
دائما اجي اخر النااااااااااس بنات اكيد خلااااااااص ماعاد فيه >>خانقتها
العبره ونزلت دمعتها |
مدرسه فيزياء انا ماعندي فكره اذا خلص التقديم او لا بس جربي وكلميهم :cry:
الله يكتب لك الخير عزيزتي :) |
من قـــــــــــا أن التقديــــــــــــــــــم خلص
يااااااااااااااااااااااااااباااااااااااااااانااااا اااااااااااااااات خذو الخبر الاكيد اول شي الي زعلانه وتقول فاتها التسجيل أبشرك ياوخيتي مابعد انتهى التسجيل اليوم انا رحت وقابلت المسئوووووله عن القسم وقالت التسجيل سوف ينطلق الأسبوع القادم وأصلن الأسبوع هذا المفروض مانستقبل احد لأن الحين احنا مشغووولين في الجان وترتيبها عشان الاختبارات وقلت لها طيب في ناس جو الاسبوع الماضي وسجلو وانا قابلت وحدة وقالت اذا تبين تسجلين سجلي كيف الاسبوع القادم قالت اذا تبون الحين ومعكم اوراقكم براحتكم خذو وسجلو بياناتكم بس ترى الخبر مو مثل ماسمعتو مجاني اذا تبون دبلوم حاسب ترى الترم بخمسه الاف ولين الحين ما جانا خبر انه مجاني عاد انا عطيتكم الخبر الي تبي تروح تروووووح التسجيل مفتوح ودعووووووووووووواتكم لي أن ربي ييسراموري ويرزقني بالوظيفه الحكوووووميه يارب |
الله يجزاك الف خير يا رويال رويال:Thumbs:
انا مادري ايش مصلحه اللي يطلعون اشاعات تحطيم للبنات :eek: |
الساعة الآن 03:04 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين