كيف اشتكي على واحد اخذ فلوس من عندي ولم يتم التسديد
السلام عليكم ورحمة الله وبركاته
ياجماعة الخير انا سلفت شخص مبلغ 20000 الف وخليته يكتب على ورقه انه اخذ مني قرض حسن وخليته يبصم على الورقه بشرط ان يتم التسديد كل شهر عن طريق الحساب يعني يحول من حسابه الى حسابي المهم ان الرجال سحب على 3 اشهر وحتى مايرد على الجوال المشكلة انه صديق لي لمدة 10 سنوات يعني كانه باعني سؤالي كيف اشتكيه وهل الورقة لي معي تنفع او لا علما ان لا يوجد شهود والرجال موظف ؟؟ ولكم التحية |
حاول مع صاحبك انه يسدد لو ترسل علي جواله او شوف اقرب الناس له وكلمة يمكن توصل لحل علشان تكون سويت كل الي عليك ولو تروحله في دوامه وكلمه يمكن عنده ظروف ومنحرج منك ,,,
|
تعرف عملك رح له وكلمة
وإذا ماسدد أشتك علية في الشرطة وطلب تحويل للمحكمة وبتاخذ حقك مادام هو باصم على الورقة بس ممكن مايطلع لك شي لأن الموضوع مافيه شهود والله أعلم |
رد
اقتباس:
اقتباس:
هو شغال في قسم شرطة يعني يمكن عارف ان الورقة هذي ماتنفع الي قاهرني مو الفلوس الي قاهرني مشيت معه 10 سنوات وفي النهاية يسحب على |
عدي وعدك خير انت صديقك انا اخوي رافع ضغطي ماخذ دين من البنك ومعطية فلوسها وكل شهر انا ويها مطالب عند القصد مرة ماعندي مرة انا مزنوك وين يلي اسدد لك كل شهر بدون تأخير
والله ياخوي الزمن هاذا يخوف لا صديق ينفعك ولا أخو تسند علية ماينفعك إلا جيبك معك فلوس ساد نفسك وزيادة تشوف الحبايب يكثرون ومتى ماطفرت وجار عليك الزمن دق على هاذا وعلى هاذا ولا احد حولك انا كان عندي صاحب لي اكثر 10 سنين من أيام المتوسط طلبت سلف وسحب علي بعدها لا يرد ولا يرسل ولا يرد على الرسايل قلت لنا الله هو من أول مايطلب مني تكون في حسابة ولا انا اطلب تكون اطر منه وله الحين لا يقل عن 3 شهور مادقيت علية ولا أبغى اكلمة سنين وانا أشيلة وساعدة ويوم توظف ومشت أمورة سحب مثل على الصحوبية في مثل كان الوالد يقولة لي أيام الدجة طلعات من الخويا صاحبك جيبك متى ماهو مليان يعزك ومتى ماهو فاضي يذلك انا اقولة الخوة مافيها فلوس الخوة مرجلة وفزعة ومن هاذا الكلام يقولي خويك جيبك ولا يكثر ياحماااااااااااااار من جد طلعت ؟؟؟؟ |
أخوي القاموس الورقة تثبت حقك ولا تحتاج وجود أي شهود، بالنسبة للشرطة لن تقبل منك أي قضية فيها مطالبة مالية، وهذا تعميم صادر بخصوص المطالبات المالية...راسلني عالخاص و أفيدك بالاجراءات كاملة،،،
وبالتوفيق،،، |
رد
اقتباس:
ولك التحية اقتباس:
ماتقصر اخوي بس لو تشرح الطريقة في نفس الموضوع يكون افضل عشان الكل يستفيد ولك التحية |
اخي القاموس..
اولا جزاك الله خير عن تفريج كربة اخوك المسلم وما فعلت هذا الا انك تدور ما عند الله وتدور العلم الغانم وبياض الوجه ولا شك ان خسارتك في خويك اكبر من المبلغ اللي اعطيته اياه وانت عندما اعطيته المبلغ كان (قرض حسن) مالك منه فايدة، ويمكن اذا رجعت لك فلوسك بالتقسيط تروح من يمين ويسار وما تستفيد منها مثل ماهي مجتمعة في يدك ورأيي وانا اخوك انك بديت ببياض الوجه، فكمل جميلتك واشوف ان مدة الثلاث شهور ماهي مدة طويلة، والجهات التمويلية الخيرية تمنح المقترض فرصة 6 شهور قبل سداد الدفعة الاولى.. واقول لك اصبر عليه ولا تحاول تتصل به، واذا ما جاك من ناحيته خبر بعد الست شهور مر عليه البيت واستقبله بوجه بشوش وقل له انك محتاج لفلوسك وان ما ودك تتسلف وانت لك فلوس عنده واذا رفض والا ماطل، فانت لك الحق في تكبير الموضوع واللجوء للجهات الرسمية مع انه ممكن يقول انا ما جحدته..بس ما عندي!..خلوه ينتظر وانشالله خير وهنا على فكرة بتكون عينه قوية في الجحدة لانك شكيته، وبيقول لك بالعربي: (اعلى ما في خيلك اركبه) وعند نفسه انه ما غلط بشيء لانك بنظره شخص يحاول يسجنه وبينسى هو وش سوى وبيتذكر بس تصرفك. |
الحمد لله انها 20000 الف ماهو اكثر الرجال ماستحي منك ولا تكلمه علي طول علي المحكمه الورقة تفيدك لا تضيعها وحتي لو ارسل عليك رسائل لاتمسحها من جوالك واذا في احد يشهد انك اعطيته فلوس كمان احسن
تروح للمحكمة وعلم الشيخ السالفة كلها راح يحدد معاه جلسة وراح يجي الرجال الي متسلف منك واذا ما جاء بعد ثالث جلسه راح يحولك الي الحقوق بعدها راح يجرونه مع اذنه من مقر عمله علي التوقيف يا يدفع او يجلس في السجن انا مجربها وال اشتكيه الي الان في السجن |
اقتباس:
اقتباس:
السلام عليكم ورحمة الله وبركاته الله يعطيكم العافية وماقصرتم . ياجماعة الخير يوم الخميس قابلت الرجال بصدفة واول ماشفته قلت له وينك ماترد على قال خايف منك قلت له ليش قال كذا المهم قلت له وين الفلوس قال والله ماعندي غير مئة ريال تبغها قلت ايوة وقال يوم الراتب ابعطيك حق دفعتين قلت طيب طبعا يوم الراتب مقفل الجوال المهم اليوم كان الجوال شغال ورد على الجوال وقلت له سلام عليكم وين الفلوس ياابو ايمن قاعد يتريق على وشوي ترك ازعجتني وشوي يقول مافي فلوس المهم قلت له حول الفلوس اليوم في الظهر ومالقيت شي في الحساب المهم ارسالت له رسالة قلت فيها انا مو زي ماكنت موظف ذلحين انا عاطل لو سمحت حول الفلوس . والله لو اني اشحتك وكتبت اخر شي يعني ماعندك هاتف مصرفي لان هو يقول انه في منطقة مافيها صرافة . المهم رد على يقول الورقة عندك روح اشتكي على في الحقوق لو سمحت لاتتصل على او ترسل رسالة . وكتبت له مشكور وماقصرت وحسبي الله ونعم الوكيل .. مااقول غير حسبي الله ونعم الوكيل ياجماعة الخير نصيحه لا تسلف احد المشكلة اني قد سلفته اكثر من مرة وما رجع المبلغ وقت ماكنت موظف وانا اعتبرها صدقة لوجه الله سبحانه لو قلت له تخبر يوم انكرك احمد الله انها على 20000الف لانه مرة طلبني 50000الف وكنت ابعطيه ابتركه الله سبحانه يحاسبه وتوبه ماازيد اسلف احد[/B] |
المهم رد على يقول الورقة عندك روح اشتكي على في الحقوق لو سمحت لاتتصل على او ترسل رسالة
خلاص ياحبيبي .. عندك المحكمة .. وصدقني بيرجع لك حقك .. يا يسدد يا يسجن .. وتأكد تأكد تأكد ( مايضيع حق وراه مطالب ) 0 0 مع مطالبتك .. لاتنس سهام الليل .. ادع عليه .. لان الرجال ماقدر العشرة وسرق حلالك .. |
مرحبا اخوي مادام انة صديقك عشر سنوات لا تستعجل وتشتكية لربما وقع فى مازق او صار عندة ضروف قاهرة عجزتة عن السداد الصبر مفتاح الفرج والمسامح كريم
|
الشكوهـ الي غير الله مذله
|
حسبي الله عليه
الله لايوفقه في دنياه الحقير أشتك على عليه ولاتخليه ومادام أنك عاطل مزمز عليه في الصيفية خلها شغلتك ولاتخليه الين ينسجن واللى يقولك لاتشتكيه قله ياحبيبي لو قالي أنا عندي ظروف أمهلني وقت محدد وبعدها راح أسدد أوكي أنا معك هذا النذل عينه قوية والرسالة خير دليل ومايكسرها الا شوفته بالسجن والرسالة خليها عندك علشان تذكره فيها النذل يوم يجرجرونه أن شاء الله في الحقوق ولاتقبل بإي حل غير أنه يرجع لك حقك النوعيات هذا من اللى وصفتها في توقيعي مرت علي كثير خبز يدي وأنا أعرفهم |
للاسف بعض المرات الصداقة تنتهي بسبب فلوس !!
المهم ياغالي لايهمك رح اشتكى علية احمد ربك انك كتبت علية ورقة غيرك يسلفون واللة مايكتب ورقة واخر شي يجحدة لانة مافي اثبات علية يروح يحلف عند القاظي بعظهم ماعندةذمة يحلف عادي انة ماتسلف منك لكن انت معك ورقة رح اشتك علية الحين لان المعاملة راح طول خاص المحكمة تجلس بالشهور رح اشتكي علية في نفس مقر عملة يعني المدينة الي هو ساكن فيها اسرع لك وانتبة تسلف احد ثاني مرةةةةةةةةةةةةةة هالزمن محد ينفع احد صدقني القليل الصادق بالوقت |
اقتباس:
اقتباس:
اقتباس:
اقتباس:
اقتباس:
الله يجزاكم خير وماقصرتم اخواني اخواتي انصحكم وانصح نفسي لاتسلف صديق عزيز لك او قريب لك لانك رايح تخسر حاجتين في وقت واحد الصديق او القريب و المال .. والله والله والله والله ماني مقهور على الفلوس اكثر من الصديق الي باعني على مبلغ تافه مثل هذا ....ولكن ابنتظر 6 اشهر الى سنة اذا ماسدد الوجه من الوجه ابيض ان الله وان اليه راجعون ولكم التحية |
حياك الله أخوي
بالنسبة لموضوعك من الناحية القانونية أنت بالورقة التي تقول انها في حوزتك تعتبر ( البينة ) ةهي دليل قاطع على الرجل بالمبلغ الذي اقترضه منك وبما ان الرجل ينكر حقك ويطالبك بأن تشتكيه فهو يعني انه لن يدفع لك بأي حال من الاحوال سواءً بعد شهر او سنة. لذا النظام المتبع هو كالتالي : ** تتوجة إلى المحكمة الجزئية وهي المحكمة المختصة للمبالغ التي أقل من 20 الف ريال والمحكمة الكبرى للمبالغ التي أعلى من 20 الف ريال ةتطلب من موظفين المواعيد إعطاك موعد بعد أن تكتب عريضة الشكوى مرفقاً صورة السند. ** سيتم إعطائك موعد للمراجعة وخطاب طلب اول للحضور إلى المحكمة وإذا كنت تعرف مقر سكنه او عمله فالأفضل ان تجعل التسليم عن طريق المحكمة لأنه أضمن لك. ** عند عدم حضورة للموعد الاول اطلب من القاضي إصدار صك غيابي عليه أو إحضاره بالقوة الجبرية ( طبعاً هذه محاولة منك وليست فرضاً على القاضي إلاّ بعد المرة الثالثة ). ** عند حضورة سيتم إصدار الصك فوراً عليه بالدفع .. وإذا أنكر الورقة سيتم تحويل الورقة إلى لجنة مكافحة التزوير ( في حال انه أدعى بأنه لم يوقع الورقة ) وبهذة الطريقة تستطيع ان ترفع عليه قضية أخرى وهي ( القذف ) لأنه أدعى عليك بأنك مزور الورقة بتوقيع ليس توقيعه. ** عندما تستلم الصك تتوجة إلى الأمارة ومنها إلى الحقوق المدنية لتنفيذ الحكم . وبالتوفيق |
روح المحكمه قدم الورقه ويحولونها على الادله الجنائيه ويعرفوا الخط والبصمه
ويرجع حقك ان شاء الله |
الي مايقدرك ولا يعطيك قيمه ويبيعك وش تبي فيه بيعه
وصدقت القريب الحين تساعده ينكر ويصير عدوك نصيحه مالك الا المحكمه ومن باعك بيعه |
اقسم بالله العظيم الوالد قال ليا كلام وكان صادق فيه
لمى احد يجي يتسلف منك خليه يسلم على رجلك لانه راح يخليك تسلم على رجله عشان يرجع المبلغ لك لمى يتسلف يسلم على يدك ولمى يرجع تسلم على رجله وصدقيني او ورطت في اشياء اكبر من كذا ومن ناس اقارب جداا وبدون ورقه ولا شي بس رجعو المبلغ في الاخير بس على قولك با القطاره كاني اشحت منهم والله العظيم لو ولدي يطلبني سلف ما راح اسلفه ثاني |
حسبي الله ونعم الوكيل يعني تسلفه وفي النهايه يقول كلام زي كذا
|
أتمنى أن تأخذها عبرة ولا تسلف أحد مرة ثانية ،،
|
يااااااااااخي الله يرزقك من حيت لاتحتسب....
والله على الظالم .... |
إيش الحل ،،،،،،
طيب انا سلفت شخص مبلغ وللحين مارجعه ..؟؟ |
مصيبة قوم عند قوم فوائد
والله يأخوي نفس مشكلتك أنادفعت لوحدة فلوس وانكرتني بس والله ليومك أني ادعي عليها والله قهرتني باالحييييل بس اختلاف بسيط هي قالت بتتوسط لي بوظيفة بعدها قالت اللي تبين سويه ماتوقعت أن الحريم تخون لاتخسر صديقك وحاول معه باالطيب....والله يهدية أن شاء الله ويرد لك حقكـــــــ |
دنيا غريبة
|
اقتباس:
|
الله يعينك يارب
|
اذا عندك ورق خلاص رح الشرطة سيده وهم بيشوفون شغلهم
|
والله نفس الحكايه سلفت وحده مبلغ لانها كانت محتاجه على كلامها والله اعلم إذا كانت صادقةة او لا والحين اطالبها فيها ولا فيه امل حتى ترجع لو بالتقسيط لكن يوم الحساب الحق مايضيع :c |
اخوي كيف وضعه الاسري هل يعاني من مشاكل مثل فقر او انه مديون لغيرك
اذا كانت اوضاعه تمام اذهب عند اكبر شيخ تعرفه ويعرفه هو وكلمه عن المشكله اذا مانفع المحاكم موجوده لكن ياليت ان شهود حضرو على دفعك له للمبلغ والسجن هو مصيره حتى يدفع المبلغ كامل . ومثل ماباعك بيعه |
خذ الورقة ورح فيها للمحكمة .. وحقك ما بيضيع ان شاء الله
|
زي ما قالوا لك الإخوان رح للمحكمة الجزئية وارفع عليه دعوى
قبل ما تروح خل اثنين يشهدون عليه يعني شف اثنين من اصدقائك و اجتمعوا كلكم وسولف بالمبلغ وخله يقر إنه متسلف منحك ثم شهد عليه الاثنين .. احفظ رسايل الجوال و حاول تسجل عليه مكالمة بالمبلغ .. بعد هذا ارفع الدعوى وطالبه بالمبلغ ، اذا تخلف عن الحضور اطلب من الشيخ يصدر عليه احضار جبري من الإمارة ثم اذا حضر الشيخ يبي يسمع دعواك ارفق الورقة والمسجات و المكالمة والشهود .. واذا قال انه ما عنده فلوس اطلب من الشيخ يسجنه لين يجيب المبلغ .. كذا راح يضطر يدفع فلوسك حتى ما يسجن . |
ذكره بالله يمكن ضميره يرجع له
|
الله يعينك أخوي ويفرجها لك ..
أنا سلفت واحد من الأصدقاء طبعا متوظف لكن الحمد لله والشكر أن المبلغ قليل 200 ريال لوه تقريبا الحين ماشفت المبلغ أربع سنوات ولم يعرض علي قال خذ فلوسك اللي تسلفتها منك لو جاني راح أرفضها أبقوله حلال لك لكن لم يفكر أنه يرجع المبلغ .. الله يهديه وعقبها خلاص لن أسلف أحد .. |
صاحب الموضوع كان الله بعونك وربي يرد لك حقك ان شالله
اما الاخ ساري ياخي اعتبرها صدقه عن نفسك ليش ذاكرها للان ميتين تروح بالبقاله يمكنه محتاج يمكنه نسى اذا بقلبك قولة سبحان الله بس |
الحقوق المدنية
|
اقتباس:
واحد باع سيارته وعلى طول طلب منه صديق سلف 5000 وهذا يقولي أستحيت منه وسلفته وبعدها سحب علي يقول فقط هالحين أدعي عليه .. |
ربنا يعوض .... الله كريم
|
اخي الكريم صاحب الشكوى انت معك ورقة دليل موقعة منه يعني تقدر تشتكيه بالمحكمة وصعب ينكر
|
الساعة الآن 11:17 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين