جميع ما يخص برنامج تدرج ارامكو[ثانوي-دبلوم]
السلام عليكم ورحمة الله وبركاته اسعد الله مسائكم بكل خير وتقبل الله صياكم وقيامكم بالبدايه احب ان انوه ان ها الموضوع اجتهاد شخصي وحاولت اجمع اكبر عدد ممكن من المعلومات عن البرنامج واسردها لكم هنا بالمختصر المفيد على ما يقولون ^_^ والي عنده اي استفسار او سؤال او اشكالية بأي نقطة بالبرنامج يحطها هنا وابشر بحاول القا له الجواب وهم بعد الي عنده معلومات انا ما ذكرتها لا يبخل علينا فيها كلنا نعرف ان برنامج التدرج مقدم من شركة البترول الاولى بالمملكة ( ارامكو السعودي) وينقسم الى قسمين وراح اتطرق شرح القسمين جميعها اولاً: برنامج تدرج الدبلوم vcgnep شروط القبول علماً بأن غدا اخر يوم بالتسجيل خريجو الكليات (VCGNEP) أن تكون من خريجي الكليات (التقنية، والصناعية، والاتصالات، والمجتمع، ومعاهد الإدارة العامة ومعهد الجبيل التقني) في أحد التخصصات التالية (الخدمات الإدارية، الصناعية، الحاسب الألي ،المحاسبة ، التسويق ، الإدارة المكتبية ، ادارة الأعمال ، السكرتارية ، التبريد والتكييف، والكهرباء، والالكترونيات، والاتصالات، والتقنية الكيميائية "تشغيل المعامل"، والاختبارات غيرالإتلافية ، والمساحة، الميكانيكا، الأجهزة الدقيقة،اللحام، المختبرات الكيميائية). أن يكون معدلك التراكمي 2.5 من 4 أو 3.5 من 5 فأكثر. ألا يتجاوز عمرك 26 سنة هجرية. لا يكون قد مضى على تخرجك أكثر من سنة. أن تكون سنة التخرج 1429/1430 أوالسنة السابقة 1429/1428 مدة الدراسه سنه =12 شهر او 7 شهور للطلاب الي عندهم مستوى 5 بالانجليزي مكافئة الطالب 4000 ريال مخصوم منها التأمينات الاجتماعية الخطوات الكامله من بدء التقديم الى بدء الوظيفه هي كا الأتي اولاً: يتم تقديم طلبك عن طريق موقع الشركة ثانياً: يتم ارسال رسالة على الجوال والايميل بموعد تدقيق الشهادات ثالثا:بعد التدقيق يتم ارسال رسالة على الجوال والايميل يتم فيها اخبارك بموعد الاختبار رابعا: وبعد نجاحك بالاختبار يتم ارسل رسالة بخصوص الفحص الطبي خامساً: بعد نجاحك بالفحص الطبي يتم ارسال رسالة بموعد ومكان الدورة التعريفية بالشركة وبالبرنامج سادساً: يتم اخبارك بمكان معهد التدريب وموعد الحضور بالاغلب انها تكون على حساب ارامكو هنا وصلنا وبدأت الدراسه في الغالب يكون السكن على حساب ارامكو ويتم تدريس الطالب اللغه الانجليزيه والرياضيات ومواد تخصص رسوبين ورا بعض فصل وايضاً ثلاث مرات رسوب متفرقه فصل عند بداية الدراسه يتم اخبارك بالمنطقه الي بيكون تعيينك فيها بمعنا انه ببداية الدراسه يعلمونك ان تعيين بالمنطقه الشرقيه او الغربيه بدون ذكر المدينة بعد التخرج يتم تعيينك على القرييد 8 وبسلم الرواتب المعلن عنه سنة 2008 الحد الادنى للراتب قريد 8 هو 7880 لكن الخريجين من برنامج التدرج ما ياخذون ها الراتب لانه مالهم خبره والراتب تقريباً بين 5500 الى 6300 ويا شباب فيه نقطه مهمه يمكن انا اكون على قريد 8 واستلم راتب 8000 ريال وشخص ثاني على نفس المرتبه ومتخرج معاي من برنامج التدرج ويكون راتبه 6000 ريال لانه فيه شي اسمه بدلات وتختلفم ن تخصص لتخصص لكن البدلات الي قريت عنها بارامكو هي بدل منطقة نائية و بدل سكن وبدل مواصلات وفيه بعد الشفتات وفيه الاوفر تايم يعني واحد بالصحرا والا بالبحر راتبه غير راتب الي على مكتب وبالمدينه وهم بعد المشغلين غير رواتب الاداريين وهكذا يعني ما اقدر احدد راتب معين ^_^ بالنسبه للميزات من تدخل برنامج التدرج والاغلب اكيد يعرفها اولا تأمين طبي لك ولعائلتك ولامك وابوك في افخم المستشفيات عضوية اندية ارامكو الي يعتبر من افضل الاندية بالمملكة تخفيض على تذاكر السفر والفنادق ومحلات اجار السيارات ويمكن فيه غيرها لكن سهيت عنها ^_^ الي اعرفه ان الدراسه سهله ونظام الدراسه 8 ساعات يومياً من 7 ونص الى 3 ونص بريك بين كل كلاس وكلاس 5 دقايق وبريك غدا ساعه الا ربع وفيه نظام الكويزات ونظام الاختبارات يعني تذاكر تمشي ما تذاكر مع السلامه الي سمعته ان النظام متعب حيل حيل وكثير ما يتأقلم مع الوضع السكن لو كان على حساب ارامكو يكون معاك روميت (رفيق سكن) اذا ما عجبك تغيره فيه نقطة الكثير يستفسر عنها مثلا تعيينك صار براس تنوره وانت تبي مثلا ينبع صعب انك تنقل صعب جدا جدا جدا الا اذا كان عندك واسطة ومو اي واسطه وفيه حل سهل هو انك تلقى بديل ( على قول العسكر دقيش) شخص بنفس تخصصك والمرتبه هو يبي مكانك وانت تبي مكانه عادي تقدر تنقل اتمنى اني اعطيت الدبلوم حقهم ^_^ والي عنده أي استفسار يحطه وانا تحت امره ثانياً: برنامج تدرج الثانوية apne خريجو الثانوية (APNE) أن تكون من خريجي الثانوية (علمي, أدبي, تجاري, صناعي) أن يكون معدلك العام للدرجات 75% فأكثر ألا تقل الدرجة الكليه لاختبار القياس عن 70 ألا يتجاوز عمرك 24 سنة هجرية أن تكون سنة التخرج 1430/1429 هـ أو السنة الماضية 1429/1428 هـ مدة الدراسه سنتان=24 شهر والمكافئه السنه الاولى 2500 ريال مخصوم منها التامينات الاجتماعية وفي السنه الثانيه 3000 ريال الخطوات الكاملة من بدء التقديم الى بدء الوظيفه هي كا الاتي وللمعلوميه ترا مافي اختلاف كبير بين الكليات والثانوي اولاً: يتم تقديم الطلب بموقع الشركة ثانياً: بعد المفاضله يتم ارسال رسالة بموعد الاختبار ثالثاً: بعد النجاح بالاختبار يتم ارسال رسالة بموعد الفحص الطبي رابعاً:بعد النجاح بالفحص يتم ارسال رسالة بالتخصص المطلوب والتاكيد عليها << ومو الجميع توصلهم خامساً: يتم ارسال رسالة بالدورة التعريفية ويتم فيها توزيع التخصصات طبعاً العلمي تخصصاتهم (مشغلين و صيانة و فنيين) اما الشرعي وغيره فتتوزع الى (الامن الصناعي - مساعد اداري - كاتب) وغيرها نفس الموضوع بالنسبه للدراسه عدد الساعات و عدد الرسوب والفصل بعد التخرج يتم تعيين خريج الثانوية القسم العلمي على قريد7 والقسم الشرعي على قريد6 والرواتب تقريبا 6000 لقرييد 6 و تقريباً 7000 لقريد 7 والبدلات مثل ما وضحت سابقاً تختلف من تخصص لتخصص ومن منطقة نائية لمنطقة سكنية والمميزات والدراسه والشغلات الثانيه ذكرتها فوق هي نفسها للدبلوم اتمنى منكم الدعاء لي بالتوفيق واني اكون من المقبولين بها البرنامج ^_^ والله ما تدرون الوقت والجهد الي استغرقته عشان اطلع لكم ها الموضوع مثل ما تشوفون والي عنده اي استفسار لا يتردد ويبشر بسعده احترامي لكمـ |
عطالي بطالي
لاهنت وجزاك الله خير انا نسبتي 74 ومدقره لي داايمن وعسى الله يوفق الجميع ولاهنت على ما ذكرت مجهود تشكر عليه بس اذا عندك خبر عن مقابلات المعهد المصرفي اذا تقدر تفيدنا ومشكور |
ماشاء الله عليك
مشكور على جهودك جزاك الله خير |
الله يعطيك العافيه بيض الله وجهك وماقصرت .. وعسى تتوفق في دنيتك يارب :)
اخوك أبو أسيل |
اقتباس:
الله يسلمك ويطولي بعمرك يا الذيب ربي يوفقك ان شاء الله بالمقابله وتتيسر امورك وتتوظف والله ياخوك ما عندي خلفيه ابد عنها لكن ان شاء الله الشباب ما يقصرون والعذر والسموحه فديت روحك شاكر لك مرورك وتشريفك موضوعي احترامي لك،ـ |
اقتباس:
خير ما قلت يا بعدهم جزاك الجنه والرزق الحلال شاكر لك مرورك يا غناتي احترامي لك,ـ |
اقتباس:
الله يعافيك يا غالي ووجهك ابيض من بياض البرد امين يارب وتتوفق ان شاء الله بدنياك يا ابو اسيل شاكر لك مرورك يا الذيب احترامي لك,ـ |
جزاك الله خير
موضوعوك من أشمل المواضيع الي قريتها حول شركة ارامكو |
يالله جت على سنة التخرج
طيب سنة التخرج 1427 /1428 كل شي تمام الا سنة التخرج الحمدلله على كل حال مشكور على جهودك والمعلومات المفيدهـ |
عطالي بطالي المفروض تكون دكتور لانك مبدع
|
جزاك الله خير اخوي عطالي بطالي
اليوم قدمت اوراقي للمطابقه (دبلوم) وطلعو يبيون برنت الدرجات بالانجليزي وقالوا تجيبب البرنت بيوم الاختبار وودي اسألك الدبلوم يسوون لهم مفاضله ولا بعد الاختبار ولا الناجح بالاختبار يكون مقبول مجهود رائع وبارك الله فيك |
وعليكم السلام ورحمة الله وبركاته
الله يجزاك خير يالغالي.. انا معي دبلوم من كلية التقنية قسم الكترونيات تخصص اجهزة طبية .. عند التسجيل لم اجد الا الكترونيات تخصص صناعة وتحكم .. سجلت فيه وتم اعطائي موعد للمطابقة.. مع العلم لايوجد تخصصي من ضمن التخصصات . هل تتوقعون بيمشوني على اني الكترونيات تخصص اجهزة طبية .. والله يوفق الجميع |
الله يوفقكم ان شالله
|
اخوي انامعاي الثانوية علوم طبيعية النسبة79والقدرات72وسنة التخرج1429 وضعيف في الرياضيات والانجليزي كيف الوضع وشكرا لك
|
اقتباس:
اقتباس:
ويجزاك ربي الفردوس الاعلى يارب ومرورك هو الاروع يا بطل مشكور وعقبال ما يصير نكك الاخ الموظف ياااااااااارب احترامي لكـ |
اقتباس:
الليل واخره الله يوفقك يارب ومواريك ان رجال تستاهل الخير كله وما وقف مستقبلك على ارامكو جعل ربي ييسر امورك وتتوظف بالوظيفه الي تخليك مبسوط ومرتاح بعد راسي والله شاكر لك مرورك جعلي ما انحرم احترامي لك |
اقتباس:
كلمات قليلة احب ان اضعها هنا وما يهونون الباقين لكن شهادة حق انت من الناس الي اتفائل بوجوده بكل مشاركه ولا استطيع ان اعبر لك عن مدى بهجتي وسروري بمرورك العطر الله يوفقك يا دكتور الذوق والاخلاق نورت متصفحي احترامي لك |
اقتباس:
الله يسلمك ويبارك فيك اخوي بو ريان تكفى يرحم والديك لا تلحس مخي ^_^ انا لا طلبو برنت درجات بالانجليزي ولا شي :( من وين طلعت هاذي :*_*: بالنسبه للاختبار والمفاضله والمعدل حبيبي على حسب ما فهمت انه مثلا نقول الاختبار من 100 وانت جبت 30 ومعدل 4 وواحد ث اني جاب بالاختبار 60 ومعدله 3.80 هو يمشي وانت توقف يعني معدلك عالي ودرجاتك عاليه تمشي تقدر تقول نسبه وتناسب الاختبار يكمل المعدل والمعدل يكمل الاختبار واتمنى تفيدني بخصوص برنت الدرجات احترامي لك |
اقتباس:
والله شوف هم شديدين بالتدقيق يعني مثلا المعدل والتخصص والعمر حتى اعرف واحد ما مشوه عشان اكبر من العمر المطلوب بشهرين اذا كان مكتب التوظيف قريب منكم روح انت مو خسران شي وانا ما ابي احبطك او شي والله اني ما اتمنالك الا كل خير وقبل 6 شهور تقريباً كنت مقدم وكان عندي مشكلة التخصص قالي مو نفس المسمى الي نبي انت راح نطلب تخصصك بالصيف الله يوفقك يارب ويحقق لك الي تريده احترامي لك |
[align=center]
اقتباس:
ويوفقك يارب بو قاسم وشاكر لك عظيم الشكر لمرورك وتشريفك متصفحي احترامي لك |
[align=center]
اقتباس:
حياك ربي مهند [/align]والله الوضع صعب جداً اصلا النظام ما بيقبلك من البدايه لان طلباتهم واضحه ولو حاولت تسجل بيرفضك النظام اتمنى لك التوفيق في حياتك ويرزقك ربي من اوسع ابوابه احترامي لك |
اخوي عطالي بطالي التقدير في الرياضيات مقبول والانجليزي جيد
|
يعطيك العافية
|
اقتباس:
انت مستوفي الشروط
سجل وشد حيلك بالاختبار الله يوفقك |
اقتباس:
الله يعافيك ويرحم والديك شرفني مرورك يا لب قلبك احترامي لكـ |
جابك الله ياشيخ
وينك من زمان خخخخخخخ بسألك يالذيب اانا نسبتي 73 وقدراتي برضو 73 وشرعي وعندي واسطه بس هل السستم يقبلني :( ابيه يقبلني وبأذن الله واحد متكفل لي شايب جارنا المهم احب اشكرك والله يجعلها بميزان حسناتك ويرزقك من حيث لا تعلم |
نسبتي 92 وقدرات 71 ودرجة الرياضيات 73 والانجليزي 99
ولا حصلت الا جامعة الملك سعود لغة فرنسية وقالوا مالهـا مستقبل وكلية الاتصالات واشوف الشباب مايمدحونهـا . يعني الامل بالله ثم بارامكو نسئل الله التوووفيق |
مآ آقول الآ عسىإُ الله يوفقنآإُ بالتدرٍج ..
والرآإُتب لآحقين عليُه .. يكفيـك لآ قـآلوإُ ويُـن تشتغل .( ترٍد وآإُنت رآزن نفسسسك بـ آرإُمكو طآل عمرك ) |
اقتباس:
هلابك والله واسف ع التاخير والله ياخوي الواسطه الي ما بعدها هي ربك وكل امرك لربك وصدقني ان ربي اذا ما اراد لك شي ما بيصير لو جبت لك مليون واسطة واسئلتي وانت وحضك لكن ما اعتقد السستم يقبلك الله يوفقك يارب ونشوفك بارمكو ان كان فيها خير لك احترامي |
اقتباس:
يا هلا والله فيك ويا غلا ماشاء الله تبارك الله نسبتك حلوه والقدرات زينه بعد شد حيلك ربي يوفقك ان شاء الله والله الله بالاختبار بالتوفيق حبيبي احترامي |
اقتباس:
هلا والله بالحفراوي كأني شفتك بموضوع وجبت طاري الحفر ^_* ونعم والله بالحفر واهلها وجعل ربي يرزقك وظيفه بارامكو تنبسط فيها وتسنع امورك شاكر لك مرورك احترامي |
بارك الله فيك
الله يسهل أموركم جميعاً ..... اخوي عطاااالي هل عندك علم أكيييد عن طريقة احتساب العمر في برنامج التدرج لخريجي الدبلوم , هل بالتاريخ الهجري ام بالتاريخ الميلادي..؟ |
اقتباس:
اقتباس:
حياااك الله اخوي رامي منور موضوعي فديت قلبك طريقة احتساب العمر يطولي بعمرك تكون لتاريخ الميلاد الي طلبوه هل هو ميلادي او هجري او اثنينهم كلهم بالنسبه لي والله اني ناسي أي تاريخ طلبو ان كان طلبو الميلادي فحسابهم بالميلادي وان كان طلبوا الهجري فيكون بالحساب بالهجري وببحث لك بالموضوع الاكيد وارد عليك شاكر لك حبيبي تشريفك المميز لموضوعي احترامي |
اقتباس:
الله يسلمك ويعافيك انتظر ردك بفارغ الصبر |
السلاام عليكم,,
عندي استفسار.. قريب لي نسبة 89والقدرات 71..وخريج السنه يعني مقبول حسب الشروط..صح المشلكة ادخل البياتات كله صحيح,,اذا دخلت كلمة المرور يقول غير صحيحه ,,وكلمة من6الى8 حرووف ارجو المساعده في سرع وقت االف شكر لكم |
^ ^ ^
حط 8 خانات بين ارقام وحروف مثلاً d123456d |
احتساب العمر يا حبيبي
بالتاريخ الهجري هذا الكلام الي وصلني حتى لاحض التدقيق بالبطاقه كله عشان تاريخ الميلاد |
اقتباس:
بالتوفيق لك حبيبي احترامي |
اقتباس:
اقتباس:
مشكووووووووووووووووووور حبيبي نورت موضوعي وشرفتني ما انحرم منك احترامي |
الله يوفقك و يرزقك كل خير
|
الساعة الآن 01:36 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين