|
هلا وغلا
من ناحيه الفصل من العسكريه نـأس كثيره فصآـت منها بس إنت زي ما ذكرت لنا عندك قرض يعني مجبور تدفعه صحيح واذا عند الوإلد إنه خايف عليه لأن معه القلب حاول تلمح لو تلميح بسيط ماهو إجباري إنه توإجه بقرارك وإكثر من الاستغفــأر فأنه مفتــأح الرزق كمل درإستك كثير نـاس كملت درإستها وفصلت من العسكريه علي الأقل لأ تفصل الأ ومعاك شهاده تقدم فيها في إي محل الله يصبرنا وياك وكل مسلم |
تصدق اني كنت مقدم على الجويه بنفس تخصص حقك مراسل ؟؟ وزعلت وقفلت اخلاقي لاكن الحمد لله عسى ان تكرهو شي وهو خيرا لكم
|
عندك حل اثنين ياانك تقول لاابوك ابي اكمل
الجامعة وتطلع وتخش تخصص حلو بالجامعة؟ تو تبحث عن عمل اخر وتطلع من العسكرية الي كلها مخدرات ومشاكل والشباب يحسبون العسكرية حلوة |
اخوي النجم
صراحة سويت شي قبل اجازة العيد واحس اني تهورت هذاك اليوم لكن جات في صالحي ولو بالشي القليل ماكان ودي اخطي هالخطوة نهاية الدوام كان يوم الاثنين وانا يوم الجمعة شغلت السيارة متضاايق وارسلت مسج لاخواني اني ماعاد ابي عسكرية ولاني راجع البيت طلعت من جدة وانا ماعندي اتجاه معين لكن اتجهت شمال وقفت في رابغ لاني كنت صايم وتعبان شوي وابي ادور لفندق عديت التفتيش حق رابغ وقابلتني اشارة حرف t يعني يا يمين ياشمال دخلت شمال والقى واحد راعي فورد يسولف مع واحد وحسيت بسواليفهم انهم يتهاوشون قلت خلني اوقف وراهم وانتظر عشان اسأل اي واحد فيهم عن فندق قريب مشي راعي الفورد وباقي الشخص اللي واقف معاه ضربت بوري وقلتله سو سمحت قال خير قلتله السلام عليكم قال نعم قلتله لو سمحت ابي فندق قريب قال وجا تدور فندق هنيا قلت ياخوي مادل في رابغ وابي فندق طبعا اكلت سب وشتم ويقولي انا عارف انك من الحكومة وروح قول لمديرك لا يفكر يرسل احد ثاني انا فهمت ان السالفة مخدرات قلتله ياخوي ابي فندق وش فيك انت قال شوف شفت راعي الفورد اللي كان معي توني معطيه حبوب وبلغ مديرك بهالكلام حاولت افهمه اني ابي فندق مب راضي يفهم في الاخير قال يعني انت مو من الحكومة قلت لا دخل يده في جيبه وحاول يفك الباب الا عينك ماتشوف الا الـ D وماوقفت الا في ثول يعني رديت جنوب على جدة قلت وش هالبشلة اللي وقعت فيها لا يكون معه سلاح او شي وانا ما املك اي سلاح في السيارة منطقة ماعرفها ابدا فكرت اني ابلغ بس قلت اكيد هم عارفين الوضع ومكافحة المخدرات ماتقدر تمسك احد الا ومعه شي واللي قاهرني في الصبح والناس صايمين شي يشيب الراس الصراحة سبحان الله حسيت هالشي اختبار من الله بعد الهروب مخدرات وكيف رديت على طريق جدة الله واعلم رديت شمال من ثول متجه على ينبع وينبع ادل فيها دخلت ينبع استأجرت غرفة وقعدت فيها اريح جاتني اتصالات كثير من الاهل وما ارد بالليل دق علي ضابط من عندنا وهو من الضباط المحترمين وقريب من عمري مارديت عليه ارسل مسج انه يبيني ضروري خفت ان الوالد صارله شي ورديت عليه قال كيفك قلت الحمدلله قال وينك قلتله برا جدة قال وش فيك قلتله الوضع اني بفصل واني واني واني قلي كلمتين انا مستعد اضبط اوراق الفصل واستعجلك في اخلاء الطرف لكن بعدين؟ قلتله بدور على وظيفة قال هل تتوقع بالشهادة الثانوية بتلقى شي؟ سكت قال شوف لا تداوم وخذ اجازة من عندي وانا بكلم رئيسك المباشر واقوله اني ارسلتك لمهمة رسمية ولا اشوفك الا بعد العيد ونقعد مع بعض ويا تقنعني يا اقنعك الوالد دق علي كذبت عليه وقلتله اني بمكة والحمدلله اخواني مابلغوه بشي لكن برضو دق علي ضابط ثاني وهو زميل لأخوي قلتله بالسالفة وقدر الوضع وقال نفس الكلام اللي قاله الضابط الاول لكن قال للوالد اني بخير بس النفسية تعبانة شوي رديت جدة يوم الاحد بالليل والوالد في وجهي ويضحك هلا والله قال بكرا تدوام الصبح وتجيني المكتب قلت في نفسي وش عرفه المهم قلتله اني مرخوص هالايام وبعد العيد بداوم قال طيب لمن اقولك جات في صالحي ان الوالد عرف اني مابي عسكرية وهالشي ممتاز لان الخبر بدا يشع وانا من دوري ببذل قصار جهدي بأني اقدم هنا وهناك وانا على راس العمل عشان يعرفوا اني فعلا ابي افصل حتى لو اني اشتغل بسيارتي بالقليل اقنع الوالد ان راتبي ضعيف جدا وبحاول ادور للأفضلل اخوي يتيم الله يوفقك يالغالي بالافضل اخوي جوجل كلامك صحيح وللأسف نسبة المدمنين تزيد سنويا مع زيادة العسكر نسأل الله العافية |
اصبر الله يعينك ولكن مادام بر بالولديك ربي يابي يرزقك اناشاء الله
|
.. عليك بالصبر والاستخاره ترا شوفت عينك مهنا وظائف سهل الحصول عليها ..
والله يوفقك ويسهل امرك |
آنت عسكري
؟؟؟؟ |
اخوي اه يادنيا عندك حل تزبط وضعك مع الضباط وتصير صاحب لهم وكل يوم سوالف بعدها هم يستحون منك ولا تنسى تجيب لهم حلاوه اي شي حلوو كذا صدقني راح تنبسط وتصير صاحب لهم وتاخذ عملك كمتعه اي شي لاتفكر بتفكيرك هذا صدقني كذا تتعب وثاني حل تقول لابوك عن وضعك الوظيفي عشان بكره اذا فصلت ابووك عنده خبر وماراح ينصدم منك وتحياتي لك
|
الله يعينك ويصبرك ياخوي ؟
اللــه يعـيـنـك ويـصـبـرك ياخـوي وواللــه أن الـعـسـكريـة نـفسـية وهـــذا أنا فيــهـا وطــفــشـان مـنـهـابس الامن العام أفـضـل مـن الــجــويــة ولكن أوصـيـك يـاخــوي بـالـصـلاه وبـالـدعــاء والــلــه يــوفــقــك . |
اقتباس:
وجزاك الله خير اقتباس:
اقتباس:
الله يهديك بس اقرأي الموضوع اقتباس:
اقتباس:
اللهم امين .. جزاك الله خير |
| الساعة الآن 06:14 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين