16-05-2007, 11:47 PM
|
 |
عضو مهم
|
|
تاريخ التسجيل: Dec 2006
المشاركات: 296
معدل تقييم المستوى: 36
|
|
وش رايكم ؟؟؟؟؟؟؟؟
تحية عطرة للأخوات والاخوان بهالمنتدى وانا حبيت أنزل هالموضوع للتحذير فقط وهالكلام حصل لي شخصيا بيوم الخميس الماضي 23|4
وان بغيتوا انزل اسم الشركة وكل معلوماتها انا حاضرة....
بالبداية انا قرأت إعلان بجريدة عكاظ مضمونها :اسم الشركة (...........) لدينا وظايف ادارية وماعرضوا اي وسيلة للاتصال الا الفاكس ...
وطبعا ارسلنا انا واختي السيرة الذاتية عن طريق هالفاكس وبعدها بيومين جانا اتصال من وحدة تبغى تعمل معانا مقابلة شخصية على أساس هالوظايف الادارية اللي قدمنا عليها...
وبالتلفون سألتها أختي في اختلاط بهالوظايف؟ قالت: لااا....
المهم رحنا يوم الخميس للشركة ولقيناها بصراحة شركة بسيطة وصغيرة ...وجلسنا انا واختي على أساس انه بيعملوا مقابلة شخصية وفي حالة نجاحها يتصلون علينا...
المهم سألتنا رئيستهم عن معلوماتنا الشخصية وبعدين قالت :احنا عندنا وظايف لشركات ونقدر نوجهكم لها بس بشرط....
قلت:خير؟
قالت: عندنا بطاقات تبع شركتنا وثمن كل وحدة منها 75 ريال ولها ثلاث مميزات...
تحصلون من خلالها على خصومات في اماكن معينة بمدينة جدة (فنادق مستشفيات ومعاهد وغيره )....وكمان نتكفل بالبحث لك عن وظيفة لمدة سنة كاملة ....وكمان نتكفل بالبحث لك عن زوج مناسب بكل سرية لمدة اسبوعين..(لا تعليق)
وعندكم خيارين ...إما تشترون هالبطاقة أو تسوقونها يعني اذا قدرتوا تبيعون 150 بطاقة
راح تتوظفون عندنا بالشركة (تقصد بالغرفةاللي جالسين فيها )....انتهى كلامها
أنا والله ماعجبني مرة عرضها وباين علي وعشان كذا قالت لنا حل ثالث كعرض مغري لنا...
قالت لنا :اذا ماتبغون موضوع البطاقة عندي حل ثالث واخير وهو انه تدفعين مبلغ من 500 الى 2000حسب طبيعة الوظيفة واعطيك ورقة مثل العقد فيها توقيع رئيس الشركة حقتهم وبهالورقة أتوجه لرئيس شئون التوظيف بالشركة الثانية( اللي بأتوظف عندها ) وراح تتوظفين بشكل فوري حسب الاحتياج والشواغر واذا ماتم توظيفك راح نرجع لك فلوسك( هذا العرض ماعندي شي يثبته )....
وسألتها أختي للمرة الثانية :طيب في اختلاط بهالوظايف؟قالت :والله مدري على حسب الوظيفة...
انتهت المقابلة
والله ضحكت انا واختي على عرضهم.. و عشان حق الفشلة :o اتفقت مع اختي انه اذا سألنا أي أحد بالبيت حيكون ردنا اننا سوينا المقابلة تمام واخذوا ارقامنا وننتظراتصالهم...
انا والله مو زعلانة الا على ابويا اللي تعبته بهالمشوار
اناما احب التشهير بس اللي مو مصدق عندي صورة من البطاقة واذا بغيتوا انزلها بالموضوع...
|
العرض الشجري
