بعد ماتابعنا في الجزء الاول نية الشباب للسفر لتركيا ووصولهم لمطار اسطنبول التركي
نكمل اليوم باقي القصة بدون زيادة او نقصان
7
7
7
7
7
7
7


زيدان : وينك ياسرااق انت وعاشق صار لنا وقت ننتظركم انا وعاطل فاهم ؟

سراق القلوب :اسكت بس ! هالدلخ عاشق شاف له بنت بغى يتمسك فيها كأن ماشاف بنات بحياته

عاطل فاهم : الله يستر اذا بالمطار سوى كذا كيف في باقي الاماكن

زيدان : لا لا تخافون هذه صدمة البداية بس !

عاشق وهم : اعذروني ماشفت بنات كاشفات قبل كذا وعلشان كذا ماتمالكت نفسي ,يلا مشينا تعبنا

زيدان :ياتاكسي



سائق التاكسي : ايفيت افندم (نعم سيدي)

سراق القلووب : هذا اللي ماحسبنا حسابه وش يقول هذا بعد ؟

عاطل فاهم :خلوني انا اتفاهم معه على طريقتي ,نبغى فندق يور أندر استاند هوتيل

سائق التاكسي : ايفيت افندم (نعم سيدي )

عاشق وهم :يووووه وش بلاه معلق على ذي الكلمة كأنه ابكم !

عاطل فاهم : اقول ياعيال بس اركبوا السيارة واحنا اذا شفنا فندق بالطريق نطلب منه يوقف

زيدان : فكرة منتازة ياعاطل فاهم , يلا اركبوا

بعد ماحركت السيار من المطار

سائق التاكسي :سين اوتيلي قيتميك يستر ميسينز (تبغون أوصلكم للفندق)؟!

عاطل فاهم : اقول شوف الطريق زين لا أعطيك بوكس أكسر خشتك الحين ماباقي الا هي !

عاشق وهم :وش يقول ياعاطل فاهم ؟

عاطل فاهم : جالس يقول تسمحون لي بسين سؤال ؟

زيدان : اللي مايستحي على وجهه هذا اللي يبغاني أفقع وجهه الحين !
سائق التاكسي : أفندم ناي أو سينير ؟(ياسيدي لمااذ انت عصبي)؟!

سرااق القلووب :وش يقول ياعاطل فاهم هذا ؟

عاطل فاهم : يقول يرحم أمهاتكم ياشباب لاتسوون فيني شئ أنا عندي عيال ؟!

زيدان :أوخص !! ياعيال أثارينا اقوياء وإحنا ماندري !

سائق التاكسي : ني دريسن (وش تقول )؟!

زيدان :هااه ياعاطل وش يقول ؟

عاطل فاهم :يقول قسم ماشفت ناس أقوياء مثلكم !

سراق القلوب :قوله يشوف الطريق زين أحسن له والا ترى نقلب الحين إسطنبول فوق تحت >>صدق نفسه

سائق التاكسي :بيز ياكيت يكمال ايكين اياغا قيريكيسيك (راح نوقف نعبي بنزين )

عاطل فاهم :ياللي ماتستحي على وجهك !! اصلا انت حقير و... و....

سرااق القلوب:وش فيك ياعاطل وش قال ؟

عاطل فاهم : يقول كلكم ماتسوون الجاكيت اللي لابسة ,ياعيال خلونا ناخذ حقنا منه ونوقفه بالضرب والقوة

زيدان : يلا واحد اثنين ثلاثة هجوووووووووووم



وبعد ماوقفوا سائق التاكسي التركي المسكين بالقوة وهو ماهو داري وش السالفة ! وصلوا الشباب اخيرا الى الفندق بعد عناء الساعه 5.30 عصرا وناموا على طول



>> لاحظوا كل واحد يحلم بشئ في باله

الساعه 12 منتصف الليل صحى عاطل فاهم وزيدان من النوم قبل سرااق القلوب وعاشق وهم

عاطل فاهم :زيدان وش رايك نطلع ونتمشى ؟

زيدان : فكرة حلوووة ومنها ندور على مطعم نتعشى فيه !
عاطل فاهم : يلا مشينا


في الجزء الثالث راح نشوف وش راح يسوون عاطل فاهم وزيدان ؟ !