الخبرة في القطاع الخاص + التأمينات
[align=center]السلام عليكم ورحمة الله وبركاته..
مساكم الله بالخيرااااات عندي استفسار بسيط عن الرشركات الخاصة.. انا اشتغلت في شركة لمدة 7أشهر والحين ودي اتركهم وابي شهادة خبرة على الفترة هذي سؤالي سمعت من احدى الصديقات ان شهادات الخبرة لا يتعرف بها إلا اذا كونت مسجله بالتأمينات وانا سبب تركي لهذي الشركة عدم تسجيلي في التأمينات وراتبي حتى الشهر السابع مازال 1500ريال كما تم الاتفاق خلال فترة التجربة.. هل صحيح ان الخبرة لا يعترف بها إلا من وقت تسجيلي في التأمينات؟؟ الله يجزاكم كل خير محتارة لاني بروح بكره او بعده اقدم استقالتي اللي عنده فكره عن الموضوع لا يبخل علينا :Looking: وشكـــــراً [/align] |
اخر شروطهم لازم الخبره مسجله بالتامينات وغيرها لا تقبل
وانا كمان تركت عملى مثلك لن خبرتهم مامنها فايده ماسجلوا بالتامينات بالتوفيق يارب |
بنات مين قال هالكلام؟؟
نصيحه لا احد يترك شغله لحد مايتاكد من هالكلام,, |
الأخت/ butterfly20
بعض الشركات تشترط التسجيل في التأمينات الاجتماعية لأن بعض الناس الله يهديهم يستطيع الحصول على شهادة خبرة عن طريق أحد المعارف تحت اي مسمى وظيفي وهو جالس في بيته، لكن أن الشهادة غير معترف فيها؟ أول مره اسمع الشيء ذا! إذا كان ودك تتركيهم اطلبي اخلاء طرف من الشركة ثم شهادة الخبرة (مصادق على صحة الختم والتوقيع من الغرفة التجارية)، لأن شهادة الخبرة ملزمين باعطائك إياها حسب المادة (64) من نظام العمل، واذا استلمتي شهادة الخبرة تسجيل التأمينات الاجتماعية أمره سهل لأن الشركة في هذه الحالة مخالفة للنظام ويمكن يطبقوا عليها غرامة مالية. قبل ما تتسرعي اتصلي للتأكد على التأمينات الاجتماعية (الرقم المجاني) واستفسري برقم سجلك المدني هل انتي مسجلة ام لا؟ وبالتوفيق،،، |
الله يعين بعض هالشركات تهضم حق المواطن بالخبرة المهم عندي بعض المعلومات البسيطة ، هو في الوقت الحالي صارو يعتمدون على شهادة الخبرة اللي من التأمينات . انا مسؤول تأمينات لجهة خيرية . اي شخص لم يسجل بالتأمينات تغرّم الشركة على هالحركة . لما تتصلين على التأمينات راح يطالبونك باثباتات عن العمل وهي : عقد العمل مسيرات الرواتب وبالتوفيق |
اقتباس:
وجزاكِ الله كل خير |
اقتباس:
والله مادري عشان كذا انا سألت وعلى رأي الاخت/ حلوة الدنيا اتوقع الكلام منطقي شويه لانها ممكن إلا اكيد تصير على العموم انا ماتركتهم من شي خلاص فاض الكيل منهم والصبر له حدود بس ماودي اسبيلهم هلله وحده واي حق لي بإذن الله باخذه منهم بالقوة ولا بالطيب ويجزاكِ خير حبيبتي |
اقتباس:
|
اقتباس:
بالنسبة لعقد العمل عندي منه صورة بس مسيرات الرواتب لا بس ممكن احاول اصورها لانها عندي فالملفات بالمكتب طيب لو انا تقدمت للتأمينات هل ادفع انا المبالغ السابقة ولا الشركة هي اللي تدفعها ؟ انا حروح استقيل وانتظر لين اخذ الراتب بعدين اشتكي بالتأمينات صح كذا ولا العكس؟ |
هم اصلا عليهم غرامات بالهبل من التأمينات بالنسبة لعقد العمل عندي منه صورة بس مسيرات الرواتب لا بس ممكن احاول اصورها لانها عندي فالملفات بالمكتب صورة عقد العمل تكفي واذا بتصوري المسيرات زيادة خير،،، طيب لو انا تقدمت للتأمينات هل ادفع انا المبالغ السابقة ولا الشركة هي اللي تدفعها ؟ حسب النظام 9% عن كل راتب استلمتيه يعني (135×عدد الشهور) اما غرامة التسجيل بأثر رجعي وأي غرامات أخرى تتحملها الشركة انا حروح استقيل وانتظر لين اخذ الراتب بعدين اشتكي بالتأمينات صح كذا ولا العكس؟ إذا استلمتي إخلاء الطرف (أهم ورقة) و شهادة الخبرة وصدقتيهم من الغرفة التجارية واستلمتي راتبك اشكتي في التأمينات وإذا كنتي محتاجة لمساعدة في صياغة خطاب مستعد اساعدك وبالتوفيق،،، |
الساعة الآن 03:18 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين