سلام عليكم

اليوم رحت لقويزة وبالغصب قدرت ادخل

التنسيق معدوم جدا بين كل الدوائر الحكومية هناك


المرور ما يعرف وين ادارة التسكين الخاصة بالدفاع المدني


والدفاع المدني ما يعرف وين مقر الجمعيات الخيرية

والجمعيات الخيرية ماتعرف وين خيمة الدفاع المدني الخاصة بحصر الضرر


!!!!!!!!!!!!!!!!!!!!!


مما جعل اكثر من 12 علامةاستفهام تتراقص سامري فوق راسي وعرفت يوم وقفت قدام مراية سيارتي


رحت لجمعية البر قلت لهم جمعت من اهل الخير مبلغ لمساعدة اهلنا في قويزة وبكرة ابجيب معي 3 كراتين سندوتشات ومعها كم كرتون عصير....

قاالي والمطلوب...قلت المطلوب ابسوي بسطة انا وانت ونبيع السندوتش الواحد بريالين

طالع في باحتقار قلت له امزح معاك ابي ادخلها للمنكوبين داخل قالي ممنوع جدا (اعجبتني كلمة ممنوع جدا وقعدت اضحك عليها الين كتبت الموضوع) تدخل اي شي لقويزة.....في حل واحد انك تروح لمركز المعارض (معرض الحارثي الدولي) وتحطها هناك وهم يفرزوها ويرسلوها هنا


قلت له انا ساكن قريب منكم ويبي لي اقل شي ساعة عشان اوصل لمركز الحارثي.....قالي مافيه غير هالحل


رحت للدفاع المدني قلت له ابي عايلة قالوا وش تبي فيهم قلت ابروح اشحت بهم.....نظر لي باحتقار وكان وده يصكني بالقايش قلت امزح معك....ابي اسكنهم في بيتي الين يفرجها الله


قالي الدولة تكفلت بهم ووفرت لهم المسكن المناسب و.....قطعت كلامه قلت له ووفرت لهم الشوارع وبنت المستشفيات والجسور ...وبنت المدارس ومهدت الطرقات ووسعت في الحرمين الشريفين لانها تعتبر قبلة المسلمين في العالم

كما انها تحتوي على احتيااطي للبترول وتعتبر المصدر الاول للزيت الخام في العالم وتقع في الركن الجنوبي الغربي من قارة اسيا...كما تتميز بكبر مساحتها التي تقارب 2 مليون وربع كيلو متر مربع ويحدها شرقا الخليج العربي وغربا.....الخ


ثم استاذنته ومشيت



بالله هذي حاله حتى اللي بيسوي خير يبي له واسطه؟؟؟؟؟


اناشدكم يا اعضاء منتدى البطالة ويازوارها من يقدر يدخلني لقويزة ابي اوزع لهم ااكل وشرب....لاحد يقولي جمعيات خيرية....هي صح خيرية لكنها روتينية وبيرقراطية بحته